完整藏文原文 · 德格版页 当前仅加载第 9 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
ནོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཅེས་བྱ་བ་སྔ་མ་བཞིན་ནོ། །གྲོགས་ཡོད་ན་ལྟུང་བ་མེད་དོ། །ལྟུང་བྱེད་བཅུ་པའི་བཞི་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །སྦོམ་དགའ་མོས་སྐྱེས་
D5.009.0272b01.01པ་ཞིག་ལ་བརྡ་བྱས་པ་དང་། དེས་འདི་སྐད་ཅེས་སྨྲས་སོ། །འཕགས་མ་ཁྱོད་ནི་རབ་ཏུ་བྱུང་བ་ལགས་ལ། བདག་ཀྱང་ཁྱིམ་པའི་ནང་ན་དགེ་བསྙེན་ལགས་ཏེ་གལ་ཏེ་འགའ་ཞིག་གིས་ཤེས་པར་གྱུར་ན་གཉིས་ཀ་སྨོད་པར་འགྱུར་རོ། །དེས་འདི་སྐད་ཅེས་སྨྲས་སོ། །ཁྱོད་
D5.009.0272b02.01ཇི་སྙམ་དུ་སེམས། དུང་དང་། རྔ་པ་ཊ་ཧ་འབུད་ཅིང་འོང་དགོས་སམ། དེ་ལྟ་མོད་ཀྱི་དབྱར་ཁང་གི་གནས་ཁང་དུ་ཤོག་ཤིག །ཅི་ཙམ་ན་སྐྱེས་པ་དེ་གནས་ཁང་དུ་འོངས་སོ། །དེ་ནས་སྦོམ་དགའ་མོས་སྐྱེས་པ་དེ་སྐྱབས་ཡོད་པར་ཁྲི་སྟེང་དུ་འདུག་ཏུ་བཅུག་ནས་འདི་སྐད་ཅེས་སྨྲས་སོ། །
D5.009.0272b03.01ཁོ་མོ་མཁན་མོའི་ཞབས་བཀྲུ་བའི་ཆེད་དུ་ལྟ་ཞིག་འགྲོའོ་ཞེས་སྨྲས་ནས་སོང་ངོ་། །དེས་ཀྱང་མཁན་མོ་ལ་ཞུས་ནས་ལུང་ཡང་མནོས། གཞོན་ནུ་མ་རྣམས་ལ་ཡང་ལུང་ཕོག་གཏམ་དག་གླེང་བ་ཡང་བྱས་ཏེ། དེ་ལྟར་བྱ་བ་མང་ཞིང་བསྒྲུབ་པ་{མངས་,མང་}པས་ཅི་ཙམ་ན་སྐྱེས་པ་དེ་བརྗེད་དོ། །དེ་
D5.009.0272b04.01གཙུག་ལག་ཁང་གི་ཕྱི་རོལ་དུ་རྐང་པ་བཀྲུས་ནས། གནས་ཁང་གི་ནང་དུ་ཞུགས་ཏེ་ཁྲི་སྟེང་དུ་འདུག་པ་དང་སྐྱེས་པ་དེ་ཡང་འགུལ་བར་བརྩམས་སོ། །དེས་འགུལ་བས་ཁྲི་ལྡེགས་པ་དང་། དེས་རྐུན་པོ་བྱུང་ངོ་རྐུན་པོ་བྱུང་ངོ་ཞེས་ཁུས་བཏབ་པ་དང་། དེ་ནས་སྐྱེས་པ་དེ་ཡང་ཁ་ཟེར་ཞིང་བྲོས་
D5.009.0272b05.01སོ། །དགེ་སློང་མ་རྣམས་ཀྱིས་འཕྲིགས་ཏེ། འཕྲིགས་ནས་ཀྱང་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གཅིག་པུ་གཉིས་སུ་མེད་པར་
D5.009.0272b06.01དགེ་སློང་མ་མེད་པའི་གནས་ཁང་དུ་མཚན་མོ་གནས་པར་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །གཅིག་པུ་གཉིས་སུ་མེད་པར་དགེ་སློང་མའི་གནས་ཁང་དུ་གནས་པར་བྱེད་ན་ཞེས་བྱ་བ་ནི་ཉལ་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་
D5.009.0272b07.01