完整藏文原文 · 德格版页 当前仅加载第 9 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྱིར་འབད་པར་བྱའོ། །དེ་ལྟར་ན་ཁྱེད་ཀྱིས་ཡོན་ཏན་གྱི་ཚོགས་རྣམས་བསྐྱེད་པར་འགྱུར་ཏེ། དགེ་སློང་དག་དེ་ལྟར་བསླབ་པར་བྱའོ་ཞེས་བྱ་བའི་བར་དུའོ། །ཡང་དགེ་སློང་རྣམས་ཞེས་བྱ་བ་ནས་ཚེ་དང་ལྡན་པ་འོད་སྲུང་ཆེན་པོ་དང་། སེར་སྐྱའི་བུ་མོ་
D5.009.0062a01.01བཟང་མོས་ལས་ཅི་ཞིག་བགྱིས་ན་གང་གི་སླད་དུ་གཉིས་ཀ་རབ་ཏུ་བྱུང་བར་གྱུར་ཅེས་གསོལ་བའི་བར་དུའོ། །བཅོམ་ལྡན་འདས་ཀྱིས་བཀའ་སྩལ་པ། སྨོན་ལམ་གྱི་དབང་གིས་སོ། །གང་དུ་ལགས། དགེ་སློང་དག་སྔོན་བྱུང་བ་འདས་པའི་དུས་ན་གྲོང་ཁྱེར་ཆེན་པོའི་ཕྱི་རོལ་གྱི་གྲོང་
D5.009.0062a02.01ཁྱེར་ན་རྫ་མཁན་གྱི་དཔོང་སའི་ཁང་པ་ཞིག་ཡོད་པར་གྱུར་ཏོ། །སངས་རྒྱས་མི་བཞུགས་པའི་ཚེ་ན། རང་སངས་རྒྱས་ཕོངས་པ་དང་དམན་པ་ལ་སྙིང་རྗེ་བ། སེམས་ཅན་ལ་ཕན་འདོགས་པར་ཞུགས་པ་བྱུང་ངོ་། །དེ་ནས་རང་སངས་རྒྱས་ཞིག་རྫ་མཁན་གྱི་དཔོང་སའི་ཁང་པ་གང་ན་བ་
D5.009.0062a03.01དེར་སོང་སྟེ་ཕྱིན་ནས་རྫ་མཁན་ལ་འདི་སྐད་ཅེས་སྨྲས་སོ། །བཞིན་{བཟངས་,བཟང་}གལ་ཏེ་ཁྱོད་ལ་མི་བདེ་བ་མེད་ན་དཔོང་སའི་ཁང་པའི་ཕྱོགས་གཅིག་ཏུ་གནས་བཅའོ། །དེ་སྐད་ཅེས་སྨྲས་པ་དང་། རྫ་མཁན་གྱིས་རང་སངས་རྒྱས་ལ་འདི་སྐད་ཅེས་སྨྲས་སོ། །འཕགས་པ་ཅི་བདེར་
D5.009.0062a04.01བཞུགས་ཤིག །དེ་ནས་རང་སངས་རྒྱས་དེ་དཔོང་སའི་ཁང་པའི་ཕྱོགས་གཅིག་ཏུ་རྩྭའི་གདིང་བ་བཤམས་ནས། སྦྲུལ་གྱི་རྒྱལ་པོ་གཉིད་ལོག་པའི་ལུས་བསྐྱིལ་བ་ལྟ་བུར་སྐྱིལ་མོ་ཀྲུང་བཅས་ནས་འདུག་གོ། །དེ་ནས་རང་སངས་རྒྱས་གཉིས་པ་ཞིག་ཀྱང་འོངས་ཏེ་ཞེས་བྱ་བའི་བར་
D5.009.0062a05.01ནས་རྫ་མཁན་དེ་ལས་བརྙས་ཏེ་དཔོང་སའི་ཁང་པ་དེ་ཉིད་ཀྱི་གྲྭ་གཉིས་པར་འདུག་གོ་ཞེས་བྱ་བའི་བར་དུའོ། །གསུམ་པ་ཞིག་ཀྱང་འོངས་ནས་གྲྭ་གསུམ་པར་འདུག་གོ་ཞེས་བྱ་བའི་བར་དང་། དེ་བཞིན་དུ་བཞི་པ་ཞིག་ཀྱང་འོངས་ནས་གྲྭ་བཞི་པར་འདུག་གོ་ཞེས་བྱ་བའི་བར་དུའོ། །དེ་ནས་
D5.009.0062a06.01ཉི་མ་ནུབ་ནས་ནམ་སྲོས་པར་རིག་པ་དང་། རང་སངས་རྒྱས་བཞི་པོ་དེ་དག་ཉིད་མེའི་ཁམས་ལ་སྙོམས་པར་ཞུགས་པ་དང་རྫ་མཁན་གྱིས་སྒོ་གསེབ་ནས་དཔོང་སའི་ཁང་པ་དེ་ཐམས་ཅད་འབར། རབ་ཏུ་འབར། ཀུན་དུ་རབ་ཏུ་འབར་ཞིང་མེ་ལྕེ་གཅིག་ཏུ་གྱུར་པར་མཐོང་ནས་དེས་བསམས་པ།
D5.009.0062a07.01