完整藏文原文 · 德格版页 当前仅加载第 9 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
སྭཱ་ཧཱ། ཟུང་ཤིག་ཅེས་དེ་ལྟར་ལན་གཉིས་ལན་གསུམ་གྱི་བར་དུ་བཏོན་པ་དང་། དེ་ནས་མི་དེས་འདི་སྐད་ཅེས་སྨྲས་སོ་འཕགས་མ་བདག་གིས་ཀུན་ཆུབ་པར་བཟུང་ལགས་སོ། །སྦོམ་དགའ་མོས་ཡང་དང་ཡང་དུ་ཟུང་ཤིག་ཅེས་སྨྲས་པ་དང་། དེ་ནས་མི་དེ་ཁྲོས་
D5.009.0303b01.01ནས་འདི་སྐད་ཅེས་མགོ་རེག་མོ་ངན་པ་ཁྱོད་ཀྱང་མ་མཐོང་ཡང་བླ། རིག་པ་ཡང་མེད་དུ་ཟད་དོ་ཞེས་སྨྲས་པ་དང་། ཕྱི་བཞིན་འབྲང་བའི་དགེ་སྦྱོང་མས་འདི་སྐད་ཅེས་སྨྲས་སོ། །འཕགས་མ་ཁྱོད་ཅིའི་ཕྱིར་དེ་ལྟར་བྱེད། སྦོམ་དགའ་མོས་འདི་སྐད་ཅེས་སྨྲས་སོ། །ཚིག་
D5.009.0303b02.01ཙམ་རང་གིར་བྱེད་དོ། །ཕྱི་བཞིན་འབྲང་བའི་དགེ་སྦྱོང་མས་འདི་སྐད་ཅེས་འཕགས་མ་ཁྱོད་ཉོན་མོངས་པས་མ་གོས་པ་ངོ་མཚར་ཆེའོ་ཞེས་སྨྲས་པའི་སྐབས་དེ། དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་
D5.009.0303b03.01འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་སྐྱེས་པ་ལ་རིག་པ་ཀློག་ཏུ་འཇུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །སྐྱེས་པ་ལ་ཞེས་བྱ་བ་ནི་མི་ལའོ། །རིག་པ་ཞེས་བྱ་བ་ནི་རིག་པ་མ་ཡིན་པ་ལ་
D5.009.0303b04.01རིག་པའི་སྒྲར་གསུངས་པའོ། །ཀློག་ཏུ་འཇུག་ན་ཞེས་བྱ་བ་ནི་འདོན་དུ་འཇུག་པའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་སྐྱེས་པ་ལ་རིག་པ་ཀློག་ཏུ་འཇུག་ན་ཐམས་ཅད་དུ་ལྟུང་བྱེད་དུ་
D5.009.0303b05.01འགྱུར་རོ། །ལྟུང་བྱེད་ཉི་ཤུ་གསུམ་པའི་བཞི་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོས་བསོད་སྙོམས་མང་དུ་རྙེད་པ་དང་། དེས་བསོད་པ་གང་ཡིན་པ་དེ་ནི་ཟོས་ཕྱེ་དང་འབྲས་ཆན་ལ་སོགས་པ་ངན་པ་གང་ཡིན་པ་དེ་ནི་
D5.009.0303b06.01བཙོངས་སོ། །དེ་ནས་དུས་གཞན་ཞིག་ན་སྦོམ་དགའ་མོ་དགོས་པ་འགའ་ཞིག་གི་ཕྱིར་ཕྱི་རོལ་དུ་སོང་བ་དང་། ཕྱེ་ཉོ་བ་ཞིག་འོངས་པ་ནས་དེ་སྐྱེ་དགུའི་བདག་མོ་ཆེན་མོའི་དྲུང་དུ་སོང་སྟེ། སོང་ནས་འདི་སྐད་ཅེས་སྨྲས་སོ། །འཕགས་མ་ཇི་ག་ཕྱེ་དག་མངའ་
D5.009.0303b07.01