完整藏文原文 · 德格版页 当前仅加载第 9 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཆོས་འཆད་པ་ན་ཁྱིམ་པ་ལ་སྟན་མ་གཏད་པར་བོར་ཏེ་འགྲོ་ན་ལྟུང་བྱེད་དོ། །ཡང་གང་ཞེས་བྱ་བ་ནི་
D5.009.0276a01.01སྦོམ་དགའ་མོའོ། །སྟན་མ་གཏད་པར་ཞེས་བྱ་བ་ནི་བདག་པོ་ལ་མ་གཏད་པར་རོ། །འགྲོ་ན་ཞེས་བྱ་བ་ནི་སོང་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་སྟན་བདག་པོ་ལ་མ་གཏད་པར་འགྲོ་ན་ཐམས་ཅད་
D5.009.0276a02.01དུ་ལྟུང་བྱེད་དུ་འགྱུར་རོ། །ལྟུང་བྱེད་བཅུ་གཉིས་པའི་གསུམ་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེ་ནས་ཡུལ་དབུས་པའི་ཡུལ་ཆོས་ཀྱིས་བྲམ་ཟེ་དང་། ཁྱིམ་བདག་རྣམས་ཀྱི་ཁྱིམ་ན་སྟན་བཤམས་པ་དག་མི་རྟུལ་བ་ཡིན་པས་བྲམ་ཟེ་ཞིག་གིས་སྟན་
D5.009.0276a03.01བཤམས་ནས་དེར་སྲུང་མ་ཞིག་བཞག་གོ། །སྦོམ་དགའ་མོ་ཡང་ཁྱིམ་དེར་བསོད་སྙོམས་ཀྱི་ཕྱིར་ཞུགས་ཏེ་དེས་འདི་སྐད་ཅེས་སྨྲས་སོ། །མཚན་{བཟངས་,བཟང་}མ་བསོད་སྙོམས་བྱིན་ཅིག །དེ་ནས་བུད་མེད་དེས་འདི་སྐད་ཅེས་སྨྲས་སོ། །འཕགས་མ་སྟན་སྲུང་ལགས་སོ། །
D5.009.0276a04.01ཁོ་མོས་སྲུང་གིས་ཁྱོད་སོང་ལ་བསོད་སྙོམས་ཁྱེར་ཏེ་ཤོག་ཤིག །བུད་མེད་དེ་ཡང་བསོད་སྙོམས་ཀྱི་ཕྱིར་ནང་དུ་ཞུགས་པ་དང་། སྦོམ་དགའ་མོས་ཀྱང་བྲམ་ཟེའི་སྟན་ལ་འདུག་གོ། །བྲམ་ཟེ་དེ་འོངས་ནས་སྦོམ་དགའ་མོ་སྟན་དེའི་སྟེང་ན་འདུག་པ་མཐོང་ནས་སྨོད་པར་བྱེད་དོ་ཞེས་
D5.009.0276a05.01བྱ་བའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་མ་གནང་བར་ཁྱིམ་གྱི་ནང་དུ་སྟན་ལ་འདུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་
D5.009.0276a06.01མོའོ། །མ་གནང་བར་ཞེས་བྱ་བ་ནི་ཁྱིམ་གྱི་བདག་པོ་ལ་མ་བརྟགས་པར་རོ། །ཁྱིམ་གྱི་ནང་དུ་ཁྱིམ་པའི་སྟན་ལ་འདུག་ན་ཞེས་བྱ་བ་ནི་བསྡད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་མ་གནང་བར་ཁྱིམ་
D5.009.0276a07.01