完整藏文原文 · 德格版页 当前仅加载第 9 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཆེ་དེ་དེ་ལ་བྱིན་ནོ། །དེས་ཀྱང་ལ་བ་རིན་པོ་ཆེ་ཆོས་གོས་ཀྱི་གདང་ལ་གཟར་ཏེ་བཞག་གོ། །གཙུག་དགའ་མོ་གནས་ཁང་དུ་ཞུགས་པས་མཐོང་ནས། དེས་ཆོས་སྦྱིན་ལ་དྲིས་པ། འཕགས་མ་ལ་བ་རིན་པོ་ཆེ་འདི་སུའི་ལགས། དེས་འདི་སྐད་ཅེས་སྨྲས་
D5.009.0187b01.01སོ། །ཁོ་མོའི་ཡིན་ནོ། །དེ་ནས་གཙུག་དགའ་མོས་འདི་སྐད་ཅེས་སྨྲས་སོ། །བཅོམ་ལྡན་འདས་ཀྱིས་བསོད་ནམས་དག་ནི་བྱ་བ་སྟེ། བསོད་ནམས་མ་བྱས་སྡུག་བསྔལ་འགྱུར། །འཇིག་རྟེན་འདི་དང་ཕ་རོལ་དུ། །བསོད་ནམས་བྱས་པ་དགའ་
D5.009.0187b02.01བར་འགྱུར། །ཞེས་གསུངས་པ་ནི་ཐོག་ཏུ་བབ་སྟེ། ཁྱོད་ནི་བསོད་ནམས་བགྱིས་པས་ལྷ་དང་མིས་མཆོད་པར་གྱུར་ཏོ། །དེ་ནས་ཆོས་སྦྱིན་གྱིས་གཙུག་དགའ་མོ་ལ་འདི་སྐད་ཅེས་སྨྲས་སོ། །གལ་ཏེ་འདོད་ན་ཁྱེར་ཅིག །དེས་འདི་སྐད་ཅེས་སྨྲས་སོ། །འདི་ནི་ལྷའི་
D5.009.0187b03.01ཕམ་ཕབས་ལགས་སོ་ཞེས་བྱས་ནས་ལ་བ་རིན་པོ་ཆེ་དེ་བླངས་ཏེ་བགོས་ནས་ལག་པ་གཉིས་བསྒྱུར་བ་བྱས་ཏེ། ལམ་པོ་ཆེ་དང་སྲང་དུ་འཁྱམ་པ་ན། དེ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་འདི་སྐད་ཅེས་སྨྲས་སོ། །ཕ་བི་སུ་ཞིག་ཡིན་ཅི་ནོར་ཅན་གྱི་
D5.009.0187b04.01ཆུང་མའམ། ཚོང་དཔོན་གྱི་ཆུང་མའམ། དེད་དཔོན་གྱི་ཆུང་མ་ཞིག་ཡིན། གཞན་དག་གིས་འདི་སྐད་ཅེས་སྨྲས་སོ། །གཙུག་དགའ་མོ་ཡིན་ནོ། །བལྟས་ནས་ཤེས་ལྡན་དག་བྲམ་ཟེ་དང་ཁྱིམ་བདག་གི་ཆུང་མ་གང་ཡིན་པ་དེ་དག་ཀྱང་ལྕི་ལ་རིན་ཆེ་བའི་གོས་དག་
D5.009.0187b05.01གྱོན་ལ། ཤཱཀྱའི་སྲས་ཀྱི་དགེ་སྦྱོང་མ་འདི་དག་ཀྱང་ལྕི་ལ་རིན་ཆེ་བའི་གོས་དག་གྱོན་ན་ཁྱད་པར་ནི་ཅི་ཡོད། བསམ་པ་ནི་ཅི་ཡོད། ཐ་དད་དུ་བྱ་བ་ནི་ཅི་ཡོད། ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །ཞེས་བྱ་བའི་སྐབས་
D5.009.0187b06.01དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། སངས་རྒྱས་བཅོམ་ལྡན་འདས་ཀྱིས་གཙུག་དགའ་མོ་ལ་རྨད་པར་མཛད་
D5.009.0187b07.01