完整藏文原文 · 德格版页 当前仅加载第 9 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
མཐུན་པའི་བྱུག་པ་སྟེ། །ཙན་དན་པུ་ཤེལ་ཙི་དག་མིན། །འོན་ཀྱང་བདག་ལ་དབང་མེད་དེ་ཕ་མ་གཉིས་ཀྱིས་བདག་ཁྱིམ་ཐབ་ལ་བྱིན་ན་ཇི་ལྟར་བྱ། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས་སེར་སྐྱའི་བུ་མོ་བཟང་མོ་ལ་འདི་སྐད་ཅེས་སྨྲས་སོ། །བཟང་མོ་
D5.009.0036a01.01བརྟན་པ་དང་སྤུངས་གྱིས་ཤིག །བྲམ་ཟེའི་ཁྱེའུ་ནྱ་གྲོ་དྷ་སྐྱེས་དེ་ཁོ་བོ་ཡིན་ནོ། །དེ་ནས་སེར་སྐྱའི་བུ་མོ་བཟང་མོས་བྲམ་ཟེའི་ཁྱེའུ་དེ་ལས་ཚིག་དེ་ཐོས་ནས་རྒྱས་པར་ཆེས་དབུགས་ཀུན་དུ་བྱུང་བར་གྱུར་ཏེ། ནྱ་གྲོ་དྷ་སྐྱེས་དེ་ལ་འདི་སྐད་ཅེས་སྨྲས་སོ། །བྲམ་ཟེའི་ཁྱེའུ་བཞུད་ལ་
D5.009.0036a02.01དམ་བཅས་པ་བརྟན་པར་གྱིས་ཤིག །དམ་པ་རྣམས་ནི་དམ་བཅས་པ་བརྟན་པ་ལགས་སོ། །དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས་སེར་སྐྱའི་བུ་མོ་བཟང་མོ་དང་ལྷན་ཅིག་གྲོས་བྱས་ནས་ཡང་སླར་གྲོང་ཁྱེར་ནྱ་གྲོ་དྷ་ཅན་དུ་ཕྱིན་ཏོ། །དེ་ནས་བྲམ་ཟེ་ཤིང་སཱ་ལ་ཆེན་
D5.009.0036a03.01པོ་ལྟ་བུ་ནྱ་གྲོ་དྷས་ཁྱིམ་པ་རྣམས་ཀྱི་ཁྱིམ་པའི་ཆོས་ཇི་ལྟ་བུ་ཡིན་པ་དེ་བྱས་ཏེ། བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཆུང་མ་བླངས་སོ། །གང་གི་ཚེ་གྲོང་ཁྱེར་ནྱ་གྲོ་དྷ་ཅན་དུ་བཟང་མོ་བླངས་པ་དེའི་ཚེ་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱི་ཕ་མ་གཉིས་ཀྱིས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་
D5.009.0036a04.01དང་། སེར་སྐྱའི་བུ་མོ་བཟང་མོ་གནས་གཅིག་ཏུ་བཀོད་དོ། །དེ་གཉིས་ཀྱི་ཆེད་དུ་མལ་གཉིས་བཅས་སོ། །དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས་སེར་སྐྱའི་བུ་མོ་བཟང་མོ་ལ་འདི་སྐད་ཅེས་སྨྲས་སོ། །བཟང་མོ་སྔོན་དམ་བཅས་པ་དྲན་པར་བྱོས་ཤིག །སེར་
D5.009.0036a05.01སྐྱའི་བུ་མོ་བཟང་མོས་ཀྱང་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ལ་འདི་སྐད་ཅེས་སྨྲས་སོ། །རྗེའི་སྲས་ཁྱོད་ཀྱང་དགོངས་ཤིག་ཅེས་གཅིག་གིས་གཅིག་བསྐུལ་ཏེ། མ་དང་བུ་གཉིས་ཇི་ལྟ་བ་བཞིན་དུ་འཁོད་དོ། །དེ་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷ་ཆུང་མ་དང་བཅས་
D5.009.0036a06.01པས་དེ་གཉིས་ཀྱི་རིམ་གྲོ་མ་རྣམས་ལ་སྨྲས་པ། བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཆུང་མ་དང་ལྷན་ཅིག་ཇི་ལྟར་འདུག །དེ་རྣམས་ཀྱིས་འདི་སྐད་ཅེས་སྨྲས་སོ། །མ་དང་བུ་ལྷན་ཅིག་པའམ། བུ་དང་མ་ལྷན་ཅིག་པ་བཞིན་ནོ། །དེ་སྐད་ཅེས་ཐོས་ནས་ཀྱང་བྲམ་ཟེ་
D5.009.0036a07.01