完整藏文原文 · 德格版页 当前仅加载第 9 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་ཕྱིས་གནོན་བྱས་ནས་སྟན་ལ་འདུག་པར་བྱེད་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ། །ཤེས་བཞིན་དུ་ཞེས་བྱ་བ་ནི་བདག་ཉིད་ཀྱིས་སམ་གཞན་གྱིས་སྨྲས་པར་གྱུར་པའོ། །སྔ་ནས་འཁོད་པར་ཞེས་བྱ་བ་ནི་སྔ་ནས་འདུག་པར་རོ། །
D5.009.0220b01.01ཕྱིས་གནོན་བྱས་ནས་ཞེས་བྱ་བ་ནི་འཕྲལ་དུ་མཐུས་སོ། །སྟན་ལ་ཞེས་བྱ་བ་ནི་གདིང་བ་ལའོ། །འདུག་པར་བྱེད་ན་ཞེས་བྱ་བ་ནི་འདུག་པར་བྱེད་པའམ། ལུས་སྙོལ་བར་བྱེད་པའོ། །སུ་ལ་གནོད་པར་འགྱུར་བ་ཞེས་བྱ་བ་ནི་གོ་མི་འཚུགས་པ་གང་ཡིན་པའོ། །དེ་འགྲོ་
D5.009.0220b02.01བར་འགྱུར་གྲང་ཞེས་བྱ་བ་ནི་དེ་ལངས་ཏེ་འགྲོ་བའོ། །དེ་ཉིད་རྐྱེན་དུ་བྱས་ཏེ་ཞེས་བྱ་བ་ནི་གཞན་མ་ཡིན་པའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་སློང་མ་དག་སྔ་ནས་འཁོད་པར་ཤེས་བཞིན་དུ་སུ་ལ་གནོད་པར་འགྱུར་བ་དེ་འགྲོ་
D5.009.0220b03.01བར་འགྱུར་གྲང་ཞེས་ཕྱིས་གནོན་བྱས་ནས་སྟན་ལ་འདུག་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །གལ་ཏེ་ནད་པ་ཡིན་ན་ལྟུང་བ་མེད་དོ། །གལ་ཏེ་སྐྲག་པ་ཡིན་ན་ལྟུང་བ་མེད་དོ། །ལྟུང་བྱེད་གཉིས་པའི་དྲུག་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་
D5.009.0220b04.01ནའོ། །དེའི་ཚེ་སྦོམ་དགའ་མོ་འཁོར་དང་བཅས་ཏེ་ལྗོངས་རྒྱུ་ཞིང་སོང་བ་ན་མཉན་ཡོད་དུ་ཕྱིན་ཏོ། །བཅོམ་ལྡན་འདས་ཀྱི་བསྟན་པ་ལ་དགེ་སློང་དང་། དགེ་སློང་མ་རྣམས་གནས་མལ་འགེད་པར་བྱེད་པ་འདི་ནི་ལུགས་ཡིན་པས་དེ་ནས་དགེ་སློང་མའི་དབྱར་ཁང་གི་
D5.009.0220b05.01གནས་མལ་འགེད་པ་ན་སྦོམ་དགའ་མོའི་སྐལ་བར་སྟེང་གི་ཡང་ཐོག་ཅིག་བབ་པ་ལས་དེ་ཤེས་བཞིན་དང་མི་ལྡན་པར་གནས་མལ་དེ་ལ་འདུག་སྟེ། དེ་འདུག་པ་ན་ཁྲིའི་རྐང་པས་ཁང་ཐོག་རྡོལ་བར་བྱས་ཏེ། ཁྲིའི་རྐང་པ་ལྟུང་བས་དེའི་འོག་ན་དགེ་སློང་མ་ཞིག་ཡོད་
D5.009.0220b06.01པའི་མགོ་བོ་བརྟོལ་བ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་
D5.009.0220b07.01