完整藏文原文 · 德格版页 当前仅加载第 9 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་པ་སྒོམས་ཤིག །མི་སྡུག་པ་བསྟེན་ཅིང་བསྒོམས་ལ་མང་དུ་བྱ་བ་ན་འབྲས་བུ་ཆེན་པོ་དང་། ཕན་ཡོན་ཆེན་པོར་འགྱུར་རོ་ཞེས་མི་སྡུག་པ་སྟོན་པ་མཛད་ཅིང་། མི་སྡུག་པ་བསྒོམ་པའི་བསྔགས་པ་རྗོད་པར་ཡང་མཛད་པས་དགེ་སློང་དག་མི་སྡུག་པ་སྒོམ་པར་བྱེད་
D5.009.0052a01.01དོ། །དགེ་སློང་དག་མི་སྡུག་པ་སྒོམ་པ་ན་ལུས་རུལ་བ་འདིས་སྒྱིད་ལུག་པ་དང་། མུས་བྱུང་བ་དང་། ཐེ་ཚོམ་ཟ་བ་དང་། སྨོད་པར་བྱེད་པ་ན་མཚོན་ཀྱང་འབྱིན་པར་བྱེད། དུག་ཀྱང་ཟ་བར་བྱེད། ཐག་པས་ཀྱང་འཆིང་བར་བྱེད། གཡང་སར་ཡང་མཆོང་བར་བྱེད་ཅིང་།
D5.009.0052a02.01འདི་ལྟར་དགེ་སློང་གིས་ཀྱང་དགེ་སློང་ལ་གསོད་པར་བྱེད་དོ། །དེ་ནས་དགེ་སློང་ཞིག་ལུས་རུལ་བ་འདིས་སྒྱིད་ལུག་པ་དང་། མུས་བྱུང་བ་དང་། ཐེ་ཚོམ་ཟ་བ་དང་། སྨོད་པར་བྱེད་ཅིང་། {རི་དགས་,རི་དྭགས་}ཟློག་དགེ་སྦྱོང་སྦེད་ག་ལ་བ་དེར་སོང་སྟེ་ཕྱིན་ནས་{རི་དགས་,རི་དྭགས་}ཟློག་དགེ་སྦྱོང་སྦེད་ལ་འདི་
D5.009.0052a03.01སྐད་ཅེས་སྨྲས་སོ། །བཞིན་{བཟངས་,བཟང་}ཚུར་ཤོག །ཁོ་བོ་སྲོག་དང་ཕྲོལ་ཅིག་དང་། ཁོ་བོའི་ལྷུང་བཟེད་དང་ཆོས་གོས་གང་ཡིན་པ་དེ་ཁྱོད་ཀྱི་ཡིན་པར་འགྱུར་རོ། །དེ་ནས་{རི་དགས་,རི་དྭགས་}ཟློག་དགེ་སྦྱོང་སྦེད་ཀྱིས་དགེ་སློང་དེ་སྲོག་དང་ཕྲལ་ནས་རལ་གྲི་ཁྲག་གིས་གོས་པ་ཁྱེར་ཏེ་ཆུ་ཀླུང་ཡིད་འོང་
D5.009.0052a04.01ལྡན་ག་ལ་བ་དེར་སོང་སྟེ་ཕྱིན་པ་དང་། ཆུ་ཀླུང་ཡིད་འོང་ལྡན་གྱི་འགྲམ་དུ་ཙོག་ཙོག་པོར་འདུག་སྟེ་རལ་གྲི་ཁྲག་གིས་གོས་པ་འཁྲུ་བར་བྱེད་དོ། །དེ་ནས་བདུད་ཀྱི་རིས་ཀྱི་ལྷ་ཞིག་ཆུ་ཀླུང་ཡིད་འོང་ལྡན་གྱི་ཆུ་རྒྱུན་གྱི་སྟེང་ན་འདུག་ནས་{རི་དགས་,རི་དྭགས་}ཟློག་དགེ་སྦྱོང་སྦེད་ལ་འདི་སྐད་ཅེས་སྨྲས་སོ། །
D5.009.0052a05.01བཞིན་{བཟངས་,བཟང་}ལེགས་སོ་ལེགས་སོ། །འདི་ལྟར་ཁྱོད་དགེ་སྦྱོང་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ་དག་མ་རྒལ་བ་རྒལ་བར་བྱེད། མ་གྲོལ་བ་གྲོལ་བར་བྱེད། དབུགས་མ་ཕྱིན་པ་དབུགས་འབྱིན་པར་བྱེད། ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་
D5.009.0052a06.01ངན་ལས་འདའ་བར་བྱེད་པ་ནི་ཁྱོད་ལ་བསོད་ནམས་མང་དུ་སྐྱེ་བར་འགྱུར་ཞིང་། དེ་དག་གི་ལྷུང་བཟེད་དང་། ཆོས་གོས་གང་ཡིན་པ་དེ་ཁྱོད་ཀྱིར་འགྱུར་བ་འདི་ཡང་ཁྱོད་ཀྱི་རྙེད་པ་ལྷག་པ་ཡིན་ནོ། །དེ་ནས་{རི་དགས་,རི་དྭགས་}ཟློག་དགེ་སྦྱོང་སྦེད་འདི་སྙམ་དུ་གང་བདག་དགེ་སྦྱོང་ཚུལ་
D5.009.0052a07.01