完整藏文原文 · 德格版页 当前仅加载第 9 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷག་པར་ཞེས་བྱ་བ་ནི་ཡང་དང་ཡང་དུའོ། །རབ་ཏུ་མང་པོ་ཞེས་བྱ་བ་ནི་གོས་བདུན་པོ་གང་ཡང་རུང་བ་ལས་ཇི་ཙམ་གྱིས་ཆོག་པའོ། །སྟོབས་ལ་ཞེས་བྱ་བ་ནི་མགྲོན་དུ་གཉེར་ནའོ། །འདོད་ན་ཞེས་བྱ་བ་ནི་གལ་ཏེ་དོན་དུ་གཉེར་ནའོ། །དགེ་
D5.009.0163a01.01སློང་མ་དེས་ཞེས་བྱ་བ་ནི་དོན་དུ་གཉེར་བ་གང་ཡིན་པ་དེས་སོ། །བླ་གོས་དང་མཐང་གོས་དང་བཅས་པའི་མཐར་ཐུག་པ་ཞེས་བྱ་བ་ལ་བླ་གོས་དང་མཐང་གོས་དང་བཅས་པ་ནི་གཉིས་ཏེ། ཁྱིམ་པའི་གོས་དང་། མཐང་གོས་དང་བཅས་པ་དང་། དགེ་སློང་མའི་བླ་གོས་
D5.009.0163a02.01དང་། མཐང་གོས་དང་བཅས་པའོ། །ཁྱིམ་པའི་སྟོད་གཡོགས་དང་། སྨད་གཡོགས་དང་བཅས་པ་གང་ཞེ་ན། རས་ཡུག་ཆེན་ཁྲུ་བཅུ་གཉིས་པ་དང་། རས་ཡུག་ཕྲན་ཁྲུ་བདུན་པ་དང་དོ་པ་སྟེ། འདི་ནི་ཁྱིམ་པའི་སྟོད་གཡོགས་དང་། སྨད་གཡོགས་དང་བཅས་
D5.009.0163a03.01པ་ཞེས་བྱའོ། །དགེ་སློང་མའི་བླ་གོས་དང་། མཐང་གོས་དང་བཅས་པ་གང་ཞེ་ན། སར་པ་ལ་སྣམ་སྦྱར་ཉི་རིམ་དང་། རས་ཡུག་ཕྲན་ཁྲུ་ལྔ་པ་དང་དོ་པའོ། །གོས་དེ་ལས་བླང་བར་བྱའོ་ཞེས་བྱ་བ་ནི་དེ་ལས་བླ་གོས་དང་། མཐང་གོས་དང་བཅས་པའོ། །དེ་
D5.009.0163a04.01ལས་ལྷག་ན་སྤང་བའི་ལྟུང་བྱེད་དོ་ཞེས་བྱ་བ་ནི་གོང་མ་ཇི་ལྟ་བ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཁྱིམ་པའི་སྟོད་གཡོགས་དང་། སྨད་གཡོགས་དང་བཅས་པ་ཐོབ་ལ། ཁྱིམ་པའི་སྟོད་གཡོགས་དང་། སྨད་གཡོགས་དང་བཅས་
D5.009.0163a05.01པ་བླངས་ནས། དེས་རས་ཡུག་ཆེན་ཁྲུ་བཅུ་གཉིས་པ་དེ་ལ་ནི་སྣམ་སྦྱར་ཉི་རིམ་པར་བྱའོ། །རས་ཡུག་ཕྲན་ཁྲུ་བདུན་པ་དང་། དོ་པ་ལ་ནི་མཐང་གོས་བྱའོ། །གལ་ཏེ་མི་ལྡང་ན་ཡང་བསླང་བར་མི་བྱ་ལ། ལྷག་པར་གྱུར་ན་ཡང་སྦྱིན་པར་མི་བྱའོ། །དགེ་
D5.009.0163a06.01སློང་མས་དགེ་སློང་མའི་བླ་གོས་དང་། མཐང་གོས་དང་བཅས་པར་ཐོབ་ལ། དགེ་སློང་མའི་བླ་གོས་དང་། མཐང་གོས་དང་བཅས་པ་བླངས་ན་དེས་སྣམ་སྦྱར་དེ་ལས་ནི་སྣམ་སྦྱར་ཉིད་དུ་བྱའོ། །རས་ཡུག་ཕྲན་ཁྲུ་ལྔ་པ་དང་། དོ་པ་ལ་ནི་མཐང་གོས་བྱའོ། །གལ་ཏེ་མི་
D5.009.0163a07.01