完整藏文原文 · 德格版页 当前仅加载第 9 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
ནག་པོ་ལ་དྲི་ནས་བུ་མོ་བྱིན་ན་ཁྱེའུ་དེ་ཡང་མི་མཁས་པ། ལེ་ལོ་ཅན། སྒྲུབ་མི་ཕོད་པ། བུ་མོ་དེ་ལ་བཟའ་བ་དང་བགོ་བ་མང་པོ་དག་སྦྱིན་མི་ནུས་པ། ལས་ཆུང་ངུ་འབོགས་པར་བྱེད་པ་མ་ཡིན་པས་གང་དག་ལ་{རི་དགས་,རི་དྭགས་}འཛིན་གྱི་བུ་ནག་པོ་དང་གཏམ་འདྲེ་བ་ཞེས་བྱ་བ་
D5.009.0088b01.01ནས། ཁྱིམ་དུ་འཇུག་པར་བྱེད་པ་ཡོད་པ་དེ་དག་ལ་ཡང་འདི་ལྟ་བུར་འགྱུར་རོ་ཞེས་བསྔགས་པ་མ་ཡིན་པ་རྗོད་པར་བྱེད་དོ། །ཁྱེའུ་ལ་ཇི་ལྟ་བ་དེ་བཞིན་དུ་བུ་མོ་ལ་ཡང་སྦྱར་བར་བྱའོ། །དེའི་ཚེ་{རི་དགས་,རི་དྭགས་}འཛིན་གྱི་བུ་ནག་པོ་ལ་དུས་གཅིག་ཏུ་བསྔགས་པ་དང་། བསྔགས་པ་མ་
D5.009.0088b02.01ཡིན་པ་བྱུང་བར་གྱུར་ཏོ། །དེ་ན་དགེ་སློང་མ་བཅུ་གཉིས་སྡེ་རྣམས་ཀྱིས་{རི་དགས་,རི་དྭགས་}འཛིན་གྱི་བུ་ནག་པོ་ལས་ཚིག་བླངས་ཏེ་སྨྱན་བྱེད་ཅིང་འཇུག་པ་མ་ཡིན་པའི་ཁྱིམ་དུ་འཇུག་པར་བྱེད་པ་དེ་དག་ལ་བྲམ་ཟེ་དང་ཁྱིམ་བདག་རྣམས་འཕྱ་བར་བྱེད་པའི་སྐབས་དེ་བཅོམ་ལྡན་འདས་ལ་དགེ་
D5.009.0088b03.01སློང་རྣམས་ཀྱིས་གསོལ་ཏོ། །དེ་ནས་བཅོམ་ལྡན་འདས་ཀྱིས་ངའི་ཉན་ཐོས་མའི་དགེ་འདུན་རྣམས་ཀྱིས་དོན་ཤེས་པ་དང་། ངས་བསླབ་པའི་གཞི་ཡང་ལེགས་པར་བཅས་པར་འགྱུར་རོ་སྙམ་ནས་བྱུང་བ་འདི་དང་། གླེང་གཞི་འདི་དང་། དངོས་པོ་འདི་དང་། སྐབས་འདི་
D5.009.0088b04.01ལ་དགེ་སློང་མའི་དགེ་འདུན་བསྡུ་བ་མཛད་དོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་ཀྱི་མི་མཁྱེན་པར་མ་ཡིན། དུས་སུ་ཡིན་གྱི་དུས་མ་ཡིན་པར་མ་ཡིན། དོན་དང་ལྡན་པར་ཡིན་གྱི་དོན་དང་མི་ལྡན་པར་
D5.009.0088b05.01མ་ཡིན་ཏེ། སངས་རྒྱས་བཅོམ་ལྡན་འདས་རྣམས་ནི་འདི་ལྟ་སྟེ། དོན་དང་མི་ལྡན་པར་རྨེད་པ་ནི་ཆུ་ལོན་གྱིས་ཟློག་པར་མཛད་པ་ཡིན་ནོ། །དེ་ལ་སངས་རྒྱས་བཅོམ་ལྡན་འདས་རྣམས་ནི་འདི་ལྟ་སྟེ། དོན་དང་ལྡན་པར་རྨེད་པ་ལ་དུས་མཁྱེན་པ་ཡིན་པས་སངས་རྒྱས་
D5.009.0088b06.01བཅོམ་ལྡན་འདས་ཀྱིས་དགེ་སློང་མ་བཅུ་གཉིས་སྡེ་དག་ལ་རྨས་པ། དགེ་སློང་མ་ཁྱེད་ཀྱིས་འདི་ལྟར་ཚུལ་མ་ཡིན་པ། མི་མཛེས་པ་དེ་ལྟ་བུ་བྱས་པ་བདེན་ནམ། བཅོམ་ལྡན་འདས་བགྱིས་མད་དོ། །སངས་རྒྱས་བཅོམ་ལྡན་འདས་ཀྱིས་བཅུ་གཉིས་སྡེ་ལ་དགེ་སྦྱོང་
D5.009.0088b07.01