完整藏文原文 · 德格版页 当前仅加载第 9 函德格 318a 版页；藏文 NFD、目录标记与异常页序保留在来源切片中，重复版页行以稳定序号区分。
གླེང་གཞི་ནི་མཉན་ཡོད་ནའོ། །དེ་ནས་བཅུ་གཉིས་སྡེ་དག་ཕྲག་པ་ཕྱུང་ནས་ཁྱིམ་དག་ཏུ་འདོང་བ་ན་དེ་དག་ལ་དགེ་སློང་མ་རྣམས་ཀྱིས་སྨྲས་པ། ཕུ་ནུ་མོ་དག་ཁྱེད་ཅག་ཅིའི་ཕྱིར་ཕྲག་པ་ཕྱུང་ཞིང་འདོང་། དེ་དག་གིས་འདི་སྐད་ཅེས་རེ་ཞིག་
D5.009.0318a01.01གཡོན་ཅན་དག་གིས་མཐོང་ན་དེ་དག་གི་སྙིང་འགས་པར་འགྱུར་བར་བྱའོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་བསྡམས་པ་དང་། ལེགས་པར་བགོས་པས་ཁྱིམ་གྱི་ནང་དུ་འཇུག་པར་བྱའོ། །ཁྱིམ་དག་ཏུ་འཇུག་པ་ན་སྒྲ་མཐོན་
D5.009.0318a02.01པོ་དང་། སྒྲ་ཆེན་པོས་འདོང་བ་ན། བཅོམ་ལྡན་འདས་ཀྱིས་བཀའ་སྩལ་པ། གཅོམ་སྐྱུང་ཞིང་འཇུག་པར་བྱའོ། །དེ་ནས་ཕན་ཚུན་དུ་བལྟ་ཞིང་འདོང་བ་ནས། བཅོམ་ལྡན་འདས་ཀྱིས་བཀའ་སྩལ་པ། མིག་མི་གཡེང་བར་ཁྱིམ་གྱི་ནང་དུ་འཇུག་པར་བྱའོ། །
D5.009.0318a03.01དེ་དག་མདུན་དུ་མི་ལྟ་བར་འདོང་བ་ནས། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་བསྡམས་པ་དང་། ལེགས་པར་བགོས་པ་དང་། གཅོམ་བསྐྱུངས་པ་དང་། མིག་མི་གཡེང་ཞིང་གཉའ་ཤིང་གང་ཙམ་དུ་ལྟ་བས་ཁྱིམ་གྱི་ནང་དུ་འཇུག་པ་དང་། འདུག་
D5.009.0318a04.01པར་བསླབ་པར་བྱའོ། །དེ་ནས་བཅུ་གཉིས་སྡེ་དག་མགོ་གཡོགས་ནས་འདོང་བ་ན་དེ་དག་ལ་ཁྱེད་ཅག་ཅིའི་ཕྱིར་དེ་ལྟར་བྱེད་ཅིང་འདོང་ཞེས་དྲིས་པ་དང་། དེ་དག་གིས་འདི་སྐད་ཅེས་སྨྲས་སོ། །ཁོ་མོ་ཅག་སྔོན་དྲ་མ་དག་གི་མནའ་མར་གྱུར་པ་ན་ཁྱིམ་དག་ན་འདི་ལྟར་བྱེད་དོ། །
D5.009.0318a05.01དེ་རྣམས་ཀྱིས་འདི་སྐད་ཅེས་སྨྲས་སོ། །ཅི་ཁྱེད་ད་དུང་ཡང་དྲ་མ་དག་གི་མནའ་མ་ཡིན་ནམ། དེ་དག་འདི་སྐད་ཅེས་མི་ཤེས་པ་གང་ཡིན་པ་དེ་སྤངས་པར་འགྱུར་ཞིང་། ཁྱེད་ཅག་ཀྱང་བསླབ་པ་ལ་བསླབ་པར་འགྱུར་རོ། །ཞེས་སྨྲས་པ་ན་བཅོམ་ལྡན་འདས་
D5.009.0318a06.01ཀྱིས་བཀའ་སྩལ་པ། མགོ་གཡོགས་ཏེ་ཁྱིམ་གྱི་ནང་དུ་འདོང་བར་མི་བྱའོ།། །།དགེ་སློང་མའི་འདུལ་བ་རྣམ་པར་འབྱེད་པ། བམ་པོ་ཉི་ཤུ་བརྒྱད་པ་སྟེ་ཐ་མའོ། །དེ་ནས་བཅུ་གཉིས་སྡེ་དག་ལག་པ་གཉིས་ཀྱིས་ཤིང་དཔུང་ཆད་བརྫེས་ནས་འདོང་བ་ན།
D5.009.0318a07.01