完整藏文原文 · 德格版页 当前仅加载第 9 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
སྟི་བྱེད་ན། དེ་ལ་དམ་པ་ལྔ་པོ་རིགས་མཐོན་པོར་སྐྱེ་བ་དང་། རིགས་མཐོན་པོའི་བག་མར་ལེན་པར་འགྱུར་བ་དང་། ཁྱིམ་ཤིན་ཏུ་ཕུན་སུམ་ཚོགས་པར་འདུག་པ་དང་། ཁྱིམ་ཐབ་ཀྱང་དེའི་དབང་དུ་འགྱུར་བ་དང་། བུ་དང་ཡང་ལྡན་པར་འགྱུར་བ་སྦྱིན་
D5.009.0033a01.01པར་བྱེད་དོ། །ཞེས་ཚིག་དག་ཀྱང་སྨྲ་བར་བྱེད་དོ། །དེ་ནས་གྲོང་ཁྱེར་ཀ་པི་ལ་ན་འཁོད་པའི་གཞོན་ནུ་མ་རྣམས་བུ་མོའི་ལྷ་མོའི་དྲུང་དུ་དོང་སྟེ། མཆོད་པ་དག་བྱེད་ཅིང་གསོལ་བ་དག་འདེབས་པར་བྱེད་དོ། །དེ་ནས་བྲམ་ཟེ་སེར་སྐྱའི་ཆུང་མས་བུ་མོའི་ལྷ་མོ་དེ་ལྟ་བུ་འོངས་ཏེ་དམ་པ་ལྔ་སྦྱིན་པར་
D5.009.0033a02.01བྱེད་དོ་ཞེས་ཐོས་སོ། །དེས་གཏམ་དེ་ཐོས་ནས་སེར་སྐྱའི་བུ་མོ་བཟང་མོ་ལ་འདི་སྐད་ཅེས་སྨྲས་སོ། །བུ་མོ་སོང་ལ་ཁྱོད་ཀྱང་བུ་མོའི་ལྷ་མོ་ལ་མཆོད་པ་བྱོས་ཤིག །དེས་སྨྲས་པ། བུ་མོའི་ལྷ་མོ་མཆོད་པས་དེ་ལས་ཅིར་འགྱུར། དེས་སྨྲས་པ། གསོལ་བ་བཏབ་ན་དམ་པ་ལྔ་
D5.009.0033a03.01སྦྱིན་པར་བྱེད་དེ། ལྔ་གང་ཞེ་ན། རིགས་མཐོན་པོར་སྐྱེ་བ་དང་། རིགས་མཐོན་པོའི་བག་མར་ལེན་པར་འགྱུར་བ་དང་། ཁྱིམ་ཤིན་ཏུ་ཕུན་སུམ་ཚོགས་པར་འདུག་པ་དང་། ཁྱིམ་ཐབ་ཀྱང་དེའི་དབང་དུ་འགྱུར་བ་དང་། བུ་དང་ཡང་ལྡན་པར་འགྱུར་རོ། །དེ་ནས་སེར་སྐྱའི་
D5.009.0033a04.01བུ་མོ་བཟང་མོས་མ་དེ་ལ་འདི་སྐད་ཅེས་སྨྲས་སོ། །ཡུམ་བདག་ནི་རིགས་མཐོན་པོར་སྐྱེས་ཤིང་གཟུགས་བཟང་བ་དང་། བལྟ་ན་སྡུག་པའི་བར་དུ་གྱུར་ཀྱང་འདོད་པ་རྣམས་ནི་བདག་དོན་དུ་མི་གཉེར་ན་བདག་ལ་དམ་པ་ཅི་ཞིག་འཚལ། དེ་ལ་མས་ཡང་དང་ཡང་བསྐུལ་བ་དང་། དེ་
D5.009.0033a05.01ནས་སེར་སྐྱའི་བུ་མོ་བཟང་མོས་མའི་སེམས་བསྲུང་བའི་ཕྱིར་མེ་ཏོག་དང་། སྤོས་དང་། ཕྱེ་མ་དང་། གོས་ལ་སོགས་པ་ཁྱེར་ཏེ་བུ་མོའི་ལྷ་མོ་ག་ལ་བ་དེར་སོང་ངོ་། །ཇི་ལྟ་ཇི་ལྟར་གཟུགས་བརྙན་དེ་དང་ཉེ་བར་ཕྲད་དུ་བྱེད་པ་དེ་ལྟ་དེ་ལྟར་གཟུགས་བརྙན་དེ་ཇེ་སྔོ་ཇེ་སྔོར་གྱུར་ཏོ། །
D5.009.0033a06.01དེ་དང་ཉེ་བར་ཕྲད་པ་དང་། བུ་མོའི་ལྷ་མོ་དེ་ལྕགས་ལས་བྱས་པ་འདྲ་བར་གྱུར་ཏོ། །བྲམ་ཟེའི་ཁྱེའུ་དེ་རྣམས་འདི་སྙམ་དུ་ཆོ་འཕྲུལ་བྱུང་བར་གྱུར་པ་འདི་ཅི་ཞིག་ཡིན། འདི་སུའི་མཐུ་ཡིན་སྙམ་དུ་བསམས་པ་ལས་དེ་རྣམས་ཀྱིས་སྣང་བ་འདི་ལྟ་བུ་འདི་ནི་བུ་མོ་འདིའི་ཡིན་ནོ་
D5.009.0033a07.01