完整藏文原文 · 德格版页 当前仅加载第 9 函德格 323a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཕྱེ་རབ་ཏུ་མང་དུ་བླངས་སོ། །ཁྱིམ་བདག་དེས་ཡང་གཡོས་ཀྱི་རྣམ་གྲངས་ཉི་ཤུ་རྩ་བརྒྱད་རྒན་པའི་མཐའ་ནས་བྲིམས་པ་དང་། དེ་ནས་རབ་ཏུ་བྱུང་བ་རྒན་མོ་དེ་རྒན་རིམས་གང་ན་བ་དེ་ལོགས་སུ་ལྟ་བར་བྱེད་པ་ན་བཅུ་གཉིས་སྡེ་དེ་དག་གིས་ཡང་རྒན་མོ་རབ་ཏུ་བྱུང་
D5.009.0323a01.01བ་དེའི་མདུན་དུ་ཁ་ཟས་ཀྱི་གོང་བུ་དག་གཏོར་ནས་འདི་སྐད་ཅེས་རྒྱལ་པོ་ང་ལས་ནུ་ལ་རིན་པོ་ཆེའི་ཆར་དག་འབབ་པོ་ཞེས་དེ་སྐད་གྲག་ན་ཁྱོད་ཀྱང་བསོད་ནམས་དང་ལྡན་ནས་ཁ་ཟས་ཀྱི་ཆར་བབ་བོ་ཅེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། ལག་པ་མི་ལྡག་པ་དང་།
D5.009.0323a02.01ལྷུང་བཟེད་མི་བྱོག་པ་དང་། ལག་པ་མི་སྤྲུག་པ་དང་ལྷུང་བཟེད་མི་བསྐྱམ་པ་དང་། ལྷུང་བཟེད་ཀྱི་འདུ་ཤེས་ཀྱིས་ཟས་བཟའ་བར་བསླབ་པར་བྱའོ་ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་གྲལ་ཟླའི་དགེ་སློང་མ་རྣམས་ཀྱི་ལྷུང་བཟེད་ལ་བལྟས་ན་འདིར་ནི་མང་དུ་བྲིམས་
D5.009.0323a03.01ལ་ཁོ་མོ་ཅག་ལ་ཉུང་དུ་བྲིམས་སོ་ཞེས་ཁ་ཟེར་བར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཁ་ཟེར་བར་འདོད་པས་དགེ་སློང་མ་གྲལ་ཟླ་རྣམས་ཀྱི་ལྷུང་བཟེད་བལྟ་བར་མི་བྱའོ། །ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་ལག་པ་ཁ་ཟས་ཀྱིས་
D5.009.0323a04.01འབགས་པས་བྱ་མ་བུམ་ལེན་པ་ན་དེ་ཁ་ཟས་ཀྱིས་འབགས་པས་སྦྲང་བུ་དག་གིས་ཟི་ཟི་སྟོན་པ་དང་། ཁྱིམ་བདག་རྣམས་ཀྱིས་མཐོང་ནས་སྨོད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། ལག་པ་ཟས་ཀྱིས་འབགས་པས་ཆུ་སྣོད་ལ་གཟུང་བར་མི་བྱའོ་
D5.009.0323a05.01ཞེས་བྱ་བའི་བར་རོ། །དེ་ནས་ཡང་ཁྱིམ་བདག་ཅིག་གིས་དགེ་སློང་མའི་དགེ་འདུན་མགྲོན་དུ་བོས་པ་དང་། དེ་ནས་འདུན་མ་དང་། ཉེ་དགའ་མོའི་བར་ན་དགེ་སློང་མ་སྣམ་སྦྱར་དམར་སེར་གྱོན་པ་ཞིག་འདུག་པ་དང་། དེས་དེ་ལ་ལྷུང་བཟེད་བཤལ་བའི་ཆུས་གཏོར་ནས་དེ་དག་འདི་སྐད་
D5.009.0323a06.01ཅེས་བཀྲེན་མ་ངན་པ་མོ་ཁྱོད་འབའ་ཞིག་ལ་སྣམ་སྦྱར་ཡོད་དམ་ཞེས་ཁ་ཟེར་བར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཟས་ཀྱིས་འབགས་པའི་ཆུས་གཏོར་བར་མི་བྱའོ་ཞེས་བྱ་བའི་བར་རོ། །གང་གི་ཚེ་ཆུ་སྲིན་བྱིས་པ་གསོད་ཀྱི་རི་ལ་ཁང་{བཟངས་,བཟང་}པད་མ་དཀར་པོ་
D5.009.0323a07.01