完整藏文原文 · 德格版页 当前仅加载第 9 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་སྟེ། འདྲུ་བ་དང་། འཐག་པ་དང་། གཏུན་དང་། གཏུན་ཤིང་དང་ཞེས་བྱ་བ་ནས། སེལ་བ་དང་། རྨེལ་བ་དང་། འཁལ་བའི་བར་བསླབ་དགོས་སོ་ཞེས་སྨྲས་ན། དགེ་སློང་མ་སྤ་གོང་བ་ཉིད་དུ་གྱུར་ཀྱང་རུང་། མ་གྱུར་ཀྱང་རུང་ལྟུང་བྱེད་
D5.009.0196a01.01དུ་འགྱུར་རོ། །དགེ་སློང་མས་དགེ་སློང་མའི་དྲུང་དུ་སོང་སྟེ་འདི་སྐད་ཅེས། ཁྱོད་ནི་ཐ་ག་མ་ལས་རབ་ཏུ་བྱུང་བ་ཡིན་པས་ཁྱོད་ཀྱིས་རང་གི་གཞུང་ལུགས་འདི་ལྟ་སྟེ། དར་དང་། རས་ཡུག་ཆེན་དང་། གོས་དང་། དར་ལ་དང་། མོན་དར་དག་བསླབ་དགོས་སོ་ཞེས་སྨྲས་ན། དགེ་
D5.009.0196a02.01སློང་མ་སྤ་གོང་བ་ཉིད་དུ་གྱུར་ཀྱང་རུང་། མ་གྱུར་ཀྱང་རུང་ལྟུང་བྱེད་དུ་འགྱུར་རོ། །དགེ་སློང་མས་དགེ་སློང་མའི་དྲུང་དུ་སོང་སྟེ་འདི་སྐད་ཅེས་ཁྱོད་ནི་སྐུད་རིས་མཁན་ལས་རབ་ཏུ་བྱུང་བ་ཡིན་པས་ཁྱོད་ཀྱིས་རང་གི་གཞུང་ལུགས་འདི་ལྟ་སྟེ། ཀླམ་དང་། པར་ཏང་དང་། རྒྱབ་རྟེན་
D5.009.0196a03.01དང་། གོར་ཆེན་ནང་ཚངས་དང་། ཞྭ་དྲུབ་པ་དང་། ལྒོ་ཏོ་དག་བསླབ་དགོས་སོ་ཞེས་སྨྲས་ན། དགེ་སློང་མ་སྤ་གོང་བ་ཉིད་དུ་གྱུར་ཀྱང་རུང་། མ་གྱུར་ཀྱང་རུང་ལྟུང་བྱེད་དུ་འགྱུར་རོ། །དེ་བཞིན་དུ་བཟང་མཁན་ལས་རབ་ཏུ་བྱུང་བ་ལ་བུས་པའི་གོས་དང་། ཞྭ་དང་། ཡན་ལག་ལྔ་
D5.009.0196a04.01ཁེབས་པ་དང་། འཐབ་བེར་དག་ཅེས་བྱ་བ་ནས་ལྟུང་བྱེད་དོ། །ཞེས་བྱ་བའི་བར་རོ། །དེ་བཞིན་དུ་མགར་བ་ལས་རབ་ཏུ་བྱུང་བ་ལ་ལྷུང་བཟེད་དང་། ལྷུང་བཟེད་ཆུང་ངུ་དང་། མཚོན་ཆ་དང་། ཁབ་དང་། གསོར་བུ་དང་། ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ། །དེ་
D5.009.0196a05.01བཞིན་དུ་ལྕགས་མགར་ལས་རབ་ཏུ་བྱུང་བ་ལ་ཞུགས་གླིང་དང་། གྲི་གུ་དང་། ཕོར་བུ་དང་། ཁ་གཟར་དང་ཞེས་བྱ་བ་ནས། ལྟུང་བྱེད་དོ་ཞེས་བྱ་བའི་བར་རོ། །དེ་བཞིན་དུ་ལྷམ་མཁན་ལས་རབ་ཏུ་བྱུང་བ་ལ་ལྷམ་དང་། ལྷམ་ཡུ་ཆད་དང་། མཆིལ་ལྷམ་དང་། སྲབ་དང་། སྒ་
D5.009.0196a06.01ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ། །དེ་བཞིན་དུ་རྫ་མཁན་ལས་རབ་ཏུ་བྱུང་བ་ལ་རྫ་མ་དང་། རིལ་བ་དང་། བྱ་བོ་དང་། ཁམ་ཕོར་དང་། ལྷུང་བཟེད་དང་། ལྷུང་བཟེད་ཆུང་ངུ་དག་ཅེས་བྱ་བ་ནས། ལྟུང་བྱེད་དོ་ཞེས་བྱ་བའི་བར་རོ། །དེ་བཞིན་དུ་འདྲེག་
D5.009.0196a07.01