完整藏文原文 · 德格版页 当前仅加载第 9 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་འཚོས་པའི་ཆུང་མ་གང་ཞེ་ན། བུད་མེད་དམ་གཞོན་ནུ་མ་གང་སྐྱེས་པའི་གན་དུ་སོང་སྟེ་འདི་སྐད་ཅེས་རྗེའི་སྲས་ཁྱོད་ཀྱིས་བདག་ལ་གོས་དང་ཟས་སྩོལ་ཅིག་དང་། བདག་གིས་རྗེའི་སྲས་ཁྱོད་ཀྱི་ཆུང་མ་སྐྱེ་དགུའི་བདག་མོ་བགྱིའོ་ཞེས་སྨྲས་ལ། དེས་ཀྱང་དེ་
D5.009.0090a01.01ལ་གོས་དག་བྱིན་ནས་དེས་དེ་ཆུང་མ་སྐྱེ་དགུའི་བདག་མོ་བྱས་ཏེ་ཞེས་བྱ་བ་ནས། བདག་གི་འདི་ལ་གཞན་དག་འདོད་པའི་ཕྱིར་སྤྱོད་པར་མ་གྱུར་ཅིག་ཅེས་བྱ་བའི་བར་འདི་ནི་གོས་ཟས་ཀྱིས་འཚོས་པའི་ཆུང་མ་ཞེས་བྱའོ། །ཁ་དུམ་པའི་ཆུང་མ་གང་ཞེ་ན། འདི་ལྟ་སྟེ། བུད་མེད་
D5.009.0090a02.01དམ་གཞོན་ནུ་མ་གང་ནོར་མང་ཡང་རུང་ཉུང་ཡང་རུང་ཁྱེར་ཏེ་སྐྱེས་པའི་གན་དུ་སོང་ནས་འདི་སྐད་ཅེས་རྗེའི་སྲས་མཁྱེན་པར་མཛོད་ཅིག །ཁྱོད་ཀྱི་ནོར་གྱི་ཕུང་པོ་དང་། བདག་གི་ནོར་གྱི་ཕུང་པོ་གང་ལགས་པ་དེ་གཅིག་ཏུ་བསྡུས་ནས་བདག་ཅག་མཉམ་དུ་འཚོ་ཞིང་འདོད་པ་ལ་
D5.009.0090a03.01ལོངས་སྤྱོད་པར་བགྱིས་ལ། གང་གི་ཚེ་བདག་ཅག་ལས་ཁྱེའུའམ་བུ་མོ་གང་དག་མཆིས་པར་གྱུར་པ་དེ་དག་ཀྱང་བདག་ཅག་དུས་ལ་བབ་ཅིང་ཤི་བ་ན་སྦྱིན་པ་དག་སྦྱིན་ཞིང་བསོད་ནམས་དག་བྱས་ནས། འདི་བདག་ཅག་གི་ཕ་མ་གང་དུ་སྐྱེས་པ་དེར་རྗེས་སུ་འགྲོ་བར་གྱུར་ཅིག་
D5.009.0090a04.01ཅེས་ཡོན་བསྔོ་བ་བགྱིད་པར་འགྱུར་བར་བགྱིའོ་ཞེས་སྨྲས་ལ་དེས་ཀྱང་དེའི་ཆུང་མ་སྐྱེ་དགུའི་བདག་མོར་བྱས་ནས་བདག་གི་འདི་ལ་གཞན་དག་འདོད་པའི་ཕྱིར་སྤྱོད་པར་མ་གྱུར་ཅིག་ཅེས་བསྲུངས། ཤིན་ཏུ་བསྲུངས། སྦས་ཤིན་ཏུ་སྦས་པ་དེ་ནི་ཁ་དུམ་པའི་ཆུང་མ་ཞེས་བྱའོ། །
D5.009.0090a05.01ཐང་འགའ་འཕྲད་པའི་ཆུང་མ་གང་ཞེ་ན། འདི་ལྟ་སྟེ། བུད་མེད་དམ་གཞོན་ནུ་མ་གང་ལ་སྐྱེས་པས་དེའི་དུས་ཀྱི་གླ་བྱིན་ནས་འདི་དང་བདག་ཡིད་ཙམ་ཞིག་ལྷན་ཅིག་ཡོངས་སུ་སྤྱད་པར་བྱའོ་སྙམ་ནས་དེས་དེ་བསྲུངས་པ་ཞེས་བྱ་བའི་བར་འདི་ནི་ཐང་འགའ་ཕྲད་པའི་ཆུང་མ་ཞེས་
D5.009.0090a06.01བྱ་སྟེ། འདི་དག་ནི་ཆུང་མ་བདུན་ཞེས་བྱ་བ་ཡིན་ནོ། །མཛའ་ན་མོ་བཅུ་ཞེས་བྱ་བ་ལ་བཅུ་པོ་གང་ཞེ་ན། མས་བསྲུངས་པ་དང་། ཕས་བསྲུངས་པ་དང་། མིང་པོས་བསྲུངས་པ་དང་། ཕུ་ནུ་མོས་བསྲུངས་པ་དང་། སྒྱུག་མོས་བསྲུངས་པ་དང་། གྱོས་པོས་བསྲུངས་
D5.009.0090a07.01