完整藏文原文 · 德格版页 当前仅加载第 9 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
པད་མའི་ནགས་ཁྲོད་ན་འདུག་གོ། །དེ་ནས་ཚེ་དང་ལྡན་པ་རྟ་ཐུལ་སྔ་དྲོ་ཤམ་ཐབས་བགོས་ཞེས་བྱ་བ་ནས། གྱད་བུ་ནོར་སྟེང་གི་ཁང་{བཟངས་ཀྱི་,བཟང་གི་}ཐོག་ན་འདུག་པས་ཚེ་དང་ལྡན་པ་རྟ་ཐུལ་འགྲོ་བ་དང་། ལྡོག་པ་དང་། བསྐུམ་པ་དང་། བརྐྱང་བ་དང་། སྣམ་སྦྱར་དང་།
D5.009.0103b01.01ཆོས་གོས་དང་། ལྷུང་བཟེད་ཐོགས་པ་མཛེས་པ་དེ་མཐོང་ངོ་། །གྱད་བུ་ནོར་གྱིས་ཚེ་དང་ལྡན་པ་རྟ་ཐུལ་མཐོང་བ་དེའི་ཚེ་ཚིགས་སུ་བཅད་པ་སྨྲས་པ། རྟགས་ཅན་ཆོས་ཀྱིས་འཚོ་བྱེད་པ། །འདི་ན་ཕལ་ཆེར་བདག་གིས་མཐོང་། །ཞི་ཞིང་ཞི་བར་གནས་གྱུར་པ། །
D5.009.0103b02.01འདི་འདྲ་བདག་གིས་མ་མཐོང་ངོ་། །ཞེས་བྱ་བའི་བར་དུའོ། །མི་ཞིག་བཏང་ནས་ཞེས་བྱ་བ་ནས་སྤྱོད་ལམ་མཐོང་སྟེ་སླར་ལོག་ནས་གཞོན་ནུ་ལ་སྨྲས་སོ་ཞེས་བྱ་བའི་བར་དུའོ། །དེ་ནས་ཚེ་དང་ལྡན་པ་གྱད་བུ་ནོར་དགེ་བའི་རྩ་བས་བསྐུལ་ཏེ་ལྟ་འདོད་དེ་ཞེས་བྱ་བ་ནས། ཡང་
D5.009.0103b03.01དག་པར་དགའ་བར་འགྱུར་བའི་བར་དུ་བྱས་ནས་འདུག་སྟེ་དེ་ལ་སྨྲས་པ། ཅི་ཁྱོད་སྟོན་པ་ཡིན་ནམ། འོན་ཏེ་ཉན་ཐོས་ཡིན། ཚེ་དང་ལྡན་པ་རྟ་ཐུལ་གྱིས་ཞེས་བྱ་བ་ནས་ཚིགས་སུ་བཅད་པ་སྨྲས་པ། རི་དབང་གངས་ཅན་དང་ནི་ཡུངས་ཀར་ཉིད་ཀྱི་ཁྱད་པར་གང་ཡིན་དང་། །
D5.009.0103b04.01རྒྱ་མཚོ་དང་ནི་ཕྱུགས་རྗེས་ཆུ་ཆུང་ཉིད་ཀྱི་ཁྱད་པར་གང་ཡིན་དང་། །ཉི་མ་འོད་ཟེར་དྲ་བ་ཆེ་དང་སྲིན་བུ་མེ་ཁྱེར་ཁྱད་གང་ཡིན། །དེ་དག་རྫོགས་པའི་སངས་རྒྱས་ཡོན་ཏན་གཏེར་དང་ཉན་ཐོས་ཁྱད་པར་རོ། །ཞེས་བྱ་བའི་བར་དུའོ། །ཕ་མ་གཉིས་ཀྱི་གན་དུ་འོངས་ནས་གསོལ་
D5.009.0103b05.01བ་འདེབས་པར་བྱེད་དེ་ཞེས་བྱ་བ་ནས། མ་གནང་ངོ་ཞེས་བྱ་བའི་བར་དང་། ཉིན་ཞག་གཅིག་ཟན་བཅད་པའི་བར་དང་། ཕ་མ་འོངས་ནས་འདི་སྐད་ཅེས་སྨྲས་སོ། །ཁྱོད་ཀྱིས་ནི་སྡུག་བསྔལ་མི་ཤེས་ཏེ་ཚངས་པར་སྤྱོད་པར་སྤྱད་དཀའོ། །གཅིག་པུ་ཉིད་ལ་མངོན་པར་
D5.009.0103b06.01དགའ་བར་བྱ་དཀའོ། །གནས་མལ་དགོན་པ་དང་། ནགས་འདབ་དང་། བས་མཐའ་དག་ཏུ་གནས་དཀའོ། །ཁྱོད་ཀྱིས་ཇི་སྲིད་འཚོའི་བར་དུ་གཅན་གཟན་གདུག་པ་དག་དང་ལྷན་ཅིག་གནས་པར་བྱ་དགོས་སོ། །ཁྱོད་ཀྱིས་ཇི་སྲིད་འཚོའི་བར་དུ་མི་རྣམས་ཀྱི་དགའ་བ་
D5.009.0103b07.01