德格《甘珠尔》D5

ལེགས་སོ་ཞེས་བྱ་བའི་བར་དུའོ། །དེ་ཕ་མ་ལ་གུས་པ་ཡིན་པས་དེས་འདི་སྙམ་དུ་འདི་ལྟར་བདག་གིས་དེ་དག་གི་ཚིག་བཟློག་པར་མི་ནུས་ཏེ། འདི་ལྟར་ཕ་མས་བསྒོ་བ་བཞིན་དུ་བྱ་དགོས་པས་ཕ་མས་བསྒོ་བ་བཞིན་དུ་འགྲོ་བར་བྱའོ་སྙམ་དུ་བསམས་

ནས་དེ་ཁས་བླངས་སོ། །དེ་ནས་ཕ་མས་ཀྱང་བུ་དེ་འགྲོ་བའི་བསམ་པ་རྟོགས་ནས་བདག་ཉིད་ཀྱི་གྲོང་ན་གནས་པའི་འབངས་དང་། ཞོ་ཤས་འཚོ་བ་རྣམས་ལ་གྱད་བུ་ནོར་{རི་དགས་,རི་དྭགས་}ཤོར་དུ་འགྲོ་ཡིས་ཁྱེད་ཅག་ཀྱང་སོང་ཤིག་ཅེས་བསྒོའོ། །དེ་དག་ཀྱང་བསྒོ་བ་བཞིན་

དུ་འོངས་ནས་ཉི་མ་གཉིས་པ་ལ་གྱད་བུ་ནོར་གྱད་ཀྱི་སྣ་ལ་གཏོགས་པའི་བུ་ལྔ་བརྒྱས་བསྐོར་ཏེ་ཞོ་ཤས་འཚོ་བའི་མི་དང་། བྲན་གཡོག་མང་པོས་ཡོངས་སུ་བསྐོར་ནས་{རི་དགས་,རི་དྭགས་}ཤོར་དུ་སོང་ངོ་། །དེ་ནས་དེ་ལ་གྲོགས་པོ་རྣམས་ཀྱིས་སྨྲས་པ། གྲོགས་པོ་ཁྱོད་ཅི་{རི་དགས་,རི་དྭགས་}

སྐོང་དུ་འགྲོ་འམ། འོན་ཏེ་འཕན་ཀར་སྡོད་ཅེས་བྱས་པ་དང་། དེས་འདི་སྙམ་དུ་གལ་ཏེ་འདི་དག་འཕན་ཀར་བཞག་སྟེ། བདག་གིས་{རི་དགས་,རི་དྭགས་}བཏབ་པར་གྱུར་ན་དེ་དག་འཕོང་སྐྱེན་པས་{རི་དགས་,རི་དྭགས་}ཕལ་མོ་ཆེ་བསད་པར་འགྱུར་བར་བདག་གིས་འཕན་ཀར་བསྡད་ན་

རུང་ངོ་སྙམ་དུ་བསམས་ནས། དེས་དེ་དག་ལིངས་ལ་སོང་ཤིག་ཅེས་བསྒོ་བ་དང་། དེ་དག་ཀྱང་ཡིད་རབ་ཏུ་དགའ་བར་གྱུར་ནས་གྲོགས་པོ་བདག་ཅག་ཀྱང་དེ་ཁོ་ན་ལྟར་དད་དོ། །དེ་དག་གིས་འདི་སྙམ་དུ་འདི་ནི་གནས་བཞི་དང་། འཕང་བ་ལྔ་རྣམས་ལ་བྱང་

བ་ཡིན་པས་ཕལ་མོ་ཆེ་ཞིག་བསད་པར་འགྱུར་རོ། །སྙམ་དུ་བསམས་སོ། །དེ་ཡང་མདའ་སྟོང་གིས་བཀང་བའི་དོང་པ་ཐོགས་ནས་འཕན་ཀར་འདུག་གོ། །དེ་དག་གིས་ཀྱང་{རི་དགས་,རི་དྭགས་}ཕལ་མོ་ཆེ་ཀུན་ནས་བསྐོངས་པ་དང་། {རི་དགས་,རི་དྭགས་}དེ་དག་འཇིགས་སྐྲག་བཞིན་

དུ་གཞོན་ནུའི་དྲུང་དུ་ལྷགས་པ་དང་། གཞོན་ནུ་སྙིང་རྗེ་ཅན་གྱིས་བརྟབས་པར་གྱུར་པ་དེ་དག་མཐོང་ནས་ཡིད་མི་བདེ་བར་གྱུར་ནས་སྙིང་རྗེས་མངོན་པར་གདུངས་པར་གྱུར་ཏེ། དེའི་ཚེ་ཚིགས་སུ་བཅད་པ་སྨྲས་པ། སེམས་ཅན་ཀུན་ལ་བྱིན་པ་དང་། །སེམས་ཅན་གཅིག་