完整藏文原文 · 德格版页 当前仅加载第 9 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་བུ་འདི་བྱུང་སྟེ། ཆོས་གོས་གཞན་གྱིས་ནི་མཁན་མོ་དང་། སློབ་དཔོན་དག་ལ་བལྟ་བའི་ཕྱིར་འགྲོ་བར་བྱེད། ཆོས་གོས་གཞན་གྱིས་ནི་གཙུག་ལག་ཁང་དུ་ཆག་ཆག་འདེབས་པར་བྱེད། ཕྱག་དར་འཕྱག་པར་བྱེད། ཆོས་གོས་གཞན་གྱིས་ནི་བའི་ལྕི་བ་སར་པའི་
D5.009.0149b01.01བྱུག་པས་སྐུར་པར་བྱེད། ཆོས་གོས་གཞན་གྱིས་ནི་བཤང་བའི་ས་དང་། གཅི་བའི་ས་དག་འཕྱག་པར་བྱེད། ཆོས་གོས་གཞན་གྱིས་ནི་སོ་ཤིང་འདོར་བར་བྱེད། ཆོས་གོས་གཞན་གྱིས་ནི་གནས་མལ་དང་། སྣོད་སྤྱད་འབྲིམ་པར་བྱེད། ཆོས་གོས་གཞན་གྱིས་ནི་གྲོང་
D5.009.0149b02.01དུ་བསོད་སྙོམས་ལ་འཇུག་པར་བྱེད། ཆོས་གོས་གཞན་གྱིས་ནི་ཟས་ཀྱི་གྲལ་དུ་བཀད་པར་བྱེད། ཆོས་གོས་གཞན་གྱིས་ནི་ཉིན་པར་ཆོས་ཉན་པར་བྱེད། ཆོས་གོས་གཞན་གྱིས་ནི་མཚན་མོ་ཆོས་ཉན་པར་བྱེད། ཆོས་གོས་གཞན་གྱིས་ནི་སྟོན་པའི་སྤྱན་སྔ་ནས། གདམས་ངག་དང་།
D5.009.0149b03.01རྗེས་སུ་བསྟན་པ་དག་སོ་སོར་ཉམས་སུ་མྱོང་བར་བྱེད་པ་ན། དགེ་སློང་མ་དོན་ཉུང་བ་དག་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་།
D5.009.0149b04.01གླེང་གཞི་འདི་དང་། སྐབས་འདི་ལ་དགེ་སློང་མའི་དགེ་འདུན་བསྡུ་བ་མཛད་དེ། ངའི་ཉན་ཐོས་མ་རྣམས་རྣམ་པར་ཤེས་པར་འགྱུར་བ་དང་། བསླབ་པའི་གཞི་ཡང་ལེགས་པར་བཅས་པར་འགྱུར་བའོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་
D5.009.0149b05.01པར་མཛད་པ་སྟེ། མཁྱེན་བཞིན་དུ་རྨེད་ཀྱི་མི་མཁྱེན་པར་ནི་མ་ཡིན། དུས་སུ་ཡིན་གྱི་དུས་མ་ཡིན་པར་མ་ཡིན། དོན་དང་ལྡན་པར་ཡིན་གྱི་དོན་དང་མི་ལྡན་པ་ནི་མ་ཡིན་གྱིས་སངས་རྒྱས་བཅོམ་ལྡན་འདས་རྣམས་ཆུ་ལོན་གྱིས་ཟློག་པར་མཛད་པ་ཡིན་པས། འདི་ལྟ་སྟེ། དོན་དང་
D5.009.0149b06.01ལྡན་པའི་ཕྱིར་སངས་རྒྱས་བཅོམ་ལྡན་འདས་ཀྱིས་དགེ་སློང་མ་རྣམས་ལ་རྨ་བ་རྨེད་པར་མཛད་དེ། དགེ་སློང་མ་དག་ཁྱེད་ཅག་ལ་ཆོས་གོས་མང་པོ་འདི་ལྟ་བུ་འདི་བྱུང་བ་བདེན་ནམ། བཅོམ་ལྡན་འདས་མད་ལགས་སོ། །སངས་རྒྱས་བཅོམ་ལྡན་འདས་ཀྱིས་གསོ་དཀའ་བ་དང་།
D5.009.0149b07.01