完整藏文原文 · 德格版页 当前仅加载第 9 函德格 309a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་དྲི་མ་འཕྱི་ཞིང་གནིག་པར་བྱེད་པའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གནིག་པའི་རྫས་ཀྱིས་འཕྱིར་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་དྲུག་པའི་ཚིགས་སུ་
D5.009.0309a01.01བཅད་པའི་སྡོམ་རྫོགས་{སྷོ,སོ}།། །།དགེ་སློང་མའི་འདུལ་བ་རྣམ་པར་འབྱེད་པ། བམ་པོ་ཉི་ཤུ་བདུན་པ། སྡོམ་ནི། སྐབས་མ་ཕྱེ་བར་འདྲི་བ་དང་། །ཁྱིམ་པའི་རྒྱན་ནི་ཐོགས་པ་དང་། །སྦྲེལ་ཅིང་ཁྲུས་ནི་བྱེད་པ་དང་། །གར་དང་གླུ་དང་རོལ་མོ་མིན། །གླེང་གཞི་ནི་མཉན་
D5.009.0309a02.01ཡོད་ནའོ། །དེ་ནས་སྦོམ་དགའ་མོ་གཙུག་ལག་ཁང་དུ་སོང་ནས་དགེ་སློང་ལ་སྐབས་མ་ཕྱེ་བར་དྲི་བ་དྲིས་པ་དང་། དགེ་སློང་དེས་དྲི་བ་དེས་དགྲོལ་བར་མ་ནུས་ནས་ཞུམ་ཞུམ་པོར་གྱུར་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་
D5.009.0309a03.01འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་སློང་ལ་སྐབས་མ་ཕྱེ་བར་དྲི་བ་འདྲི་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །དགེ་སློང་ལ་ཞེས་བྱ་བ་ནི་འཁོར་གྱི་གཙོ་བོ་ལའོ། །སྐབས་མ་ཕྱེ་
D5.009.0309a04.01བར་ཞེས་བྱ་བ་ནི་གསོལ་བ་མ་བྱས་པར་རོ། །དྲི་བ་འདྲི་ན་ཞེས་བྱ་བ་ནི་སངས་རྒྱས་ཀྱིས་གསུངས་པའམ། ཉན་ཐོས་ཀྱིས་སྨྲས་པའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་སློང་ལ་སྐབས་མ་ཕྱེ་
D5.009.0309a05.01བར་དྲི་བ་འདྲི་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་བདུན་པའི་དང་པོ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོས་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་བླངས་ཏེ་ཕྱུག་པོ་ཞིག་གི་ཁྱིམ་དུ་བསོད་སྙོམས་ལ་ཞུགས་
D5.009.0309a06.01པ་དང་། དེ་དག་གི་ལུས་ཀྱི་རྒྱན་གྱི་སྣོད་སྤྲོག་མ་དག་ཏུ་རྒྱན་རྣམས་བཞག་ནས་སྐྲའི་བྱི་དོར་བྱེད་པ་ཡིན་པས་དེ་ནས་སྦོམ་དགའ་མོས་མགུལ་གདུབ་དང་། གདུ་བུ་རྒྱན་ཅན་དང་། དཔུང་རྒྱན་ལ་སོགས་མཐོང་ནས་བླངས་ཏེ་ཐོགས་པ་དང་། བུད་མེད་དེ་དག་གིས་སྨྲས་པ།
D5.009.0309a07.01