完整藏文原文 · 德格版页 当前仅加载第 9 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་འདུན་ལས་དགེ་སློང་མའི་འཁོར་གཞག་པའི་སྡོམ་པ་མ་གསོལ་བར་འཁོར་འཇོག་པར་བྱེད་ན་ལྟུང་བྱེད་དོ། །ཡང་གང་
D5.009.0281b01.01ཞེས་བྱ་བ་ནི་སྦོམ་དགའ་མོའོ། །དགེ་འདུན་གྱིས་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་མའི་དགེ་འདུན་གྱིས་སོ། །འཁོར་འཇོག་པའི་སྡོམ་པ་ཞེས་བྱ་བ་ནི་གསོལ་བ་དང་གཉིས་ཀྱི་ལས་ཀྱིས་སོ། །མ་གསོལ་བར་ཞེས་བྱ་བ་ནི་མ་བླངས་པར་རོ། །འཁོར་འཇོག་པར་བྱེད་
D5.009.0281b02.01ན་ཞེས་བྱ་བ་ནི་རབ་ཏུ་བྱུང་བའམ། བསྙེན་པར་རྫོགས་པའམ། གནས་སྦྱིན་པར་བྱེད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་འཁོར་གཞག་པའི་སྡོམ་པ་མ་གསོལ་བར་འཁོར་འཇོག་པར་བྱེད་ན་ཐམས་
D5.009.0281b03.01ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་{བཅྭ་,བཅོ་}ལྔ་པའི་གཉིས་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེ་ནས་ཁྱིམ་སོ་བཟུང་བ་ལོ་བཅུ་གཉིས་ལོན་པ་དག་འོངས་པ་དང་རབ་ཏུ་བྱུང་ནས་དེ་དག་ལོ་ཉི་ཤུའི་བར་དུ་གཞག་པ་ལས། དེ་དག་གིས་འདི་སྐད་ཅེས་སྨྲས་སོ། །
D5.009.0281b04.01བདག་ཅག་ཅིའི་སླད་དུ་བསྙེན་པར་རྫོགས་པར་མི་བགྱི། དགེ་སློང་མ་རྣམས་ཀྱིས་འདི་སྐད་ཅེས་སྨྲས་སོ། །ད་དུང་ཁྱེད་ཀྱིས་མ་གོམས་སོ། །དེ་དག་གིས་འདི་སྐད་ཅེས་འཕགས་མ་དག་བདག་ཅག་སྡུམ་པ་ན་མཆིས་པ་ན་སྡུམ་ཐབ་ཀྱི་སེམས་གཟུང་བ་དང་། ཁྱིམ་གྱི་ནང་མིའི་སེམས་
D5.009.0281b05.01གཟུང་བ་དང་། དེ་བཞིན་དུ་ཁྱིམ་གྱི་བགྱི་བ་མང་པོ་དག་བགྱིས་ནད་བདག་ཅག་གིས་དགེ་སློང་མའི་དགེ་འདུན་གྱི་ཐུགས་མཉེས་པར་མི་འགྱུར་རམ་ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་
D5.009.0281b06.01ལྟ་བས་ན་རྗེས་སུ་གནང་སྟེ། ཁྱིམ་སོ་བཟུང་བ་ལོ་བཅུ་གཉིས་ལོན་པ་ཡིན་ན་དེ་བསྙེན་པར་རྫོགས་པར་བྱའོ། །གང་གི་ཚེ་བཅོམ་ལྡན་འདས་ཀྱིས་ཁྱིམ་སོ་བཟུང་བ་ལོ་བཅུ་གཉིས་ལོན་པ་ཡིན་ན་བསྙེན་པར་རྫོགས་པར་བྱའོ་ཞེས་བཀའ་སྩལ་པ་དེའི་ཚེ་སྦོམ་དགའ་མོས་ལོ་བཅུ་
D5.009.0281b07.01