完整藏文原文 · 德格版页 当前仅加载第 9 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
སྡེ་ཅན་མའོ། །རྒྱལ་པོས་བསྒོ་བ་ཞེས་བྱ་བ་ནི་གསལ་རྒྱལ་གྱིས་རང་གིས་རུང་བར་བྱས་པའོ། །ཁྱིམ་ཐབ་ཀྱིས་སྤངས་པ་ཞེས་བྱ་བ་ནི་ཁྱོས་སོ། །ཕ་མས་ཡོངས་སུ་བཏང་བ་ཞེས་བྱ་བ་ནི་དཔོག་བྱེད་དང་དཔོག་བྱེད་ཀྱི་ཆུང་མས་སོ། །དམག་མི་རྣམས་
D5.009.0123a01.01ལ་སོད་ཅིག་ཅེས་བསྒོ་བ་ཞེས་བྱ་བ་ནི་མཐུ་སྟོབས་རྡུལ་དུ་རློག་པ་དང་། རིགས་བཟང་པོ་ལའོ། །ཤེས་བཞིན་དུ་ཞེས་བྱ་བ་ནི་དེ་བདག་ཉིད་ཀྱིས་སམ། གཞན་གྱིས་སྨྲས་པ་ནས་སོ། །འཁོར་དུ་འཇོག་ན་ཞེས་བྱ་བ་ནི་ཆོས་འདུལ་བ་འདི་ལ་གསོལ་བ་དང་བཞིའི་ལས་ཀྱིས་
D5.009.0123a02.01རབ་ཏུ་འབྱིན་ཅིང་བསྙེན་པར་རྫོགས་པར་བྱེད་ནའོ། །གཞན་ནི་སྔ་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་རྣམ་པ་འདི་ལྟ་བུའི་བུད་མེད་རབ་ཏུ་འབྱིན་པར་བྱེད་ན་ཇི་ལྟར་ཡང་རུང་སྟེ་དགེ་འདུན་ལྷག་མར་འགྱུར་རོ། །དགེ་སློང་མའི་རྣམ་པར་
D5.009.0123a03.01འབྱེད་པ་ལས་དགེ་འདུན་ལྷག་མ་བཅུ་པ་རྫོགས་{སྷོ,སོ}།། །།སྡོམ་ལ། གང་གི་ཚེ་ན་ཆགས་རྒྱ་དང་། །བཟོད་པ་གསོལ་དུ་འཇུག་བྱེད་དང་། །སངས་རྒྱས་ཆོས་དང་དགེ་འདུན་གཏོང་། །འདུན་དང་ཞེ་སྡང་འཇིགས་སྨྲ་དང་། །གཉིས་པོ་ལྷན་ཅིག་གནས་བྱེད་
D5.009.0123a04.01དང་། །དེ་ཡི་རྗེས་སུ་ཕྱོགས་པ་དང་། །དགེ་འདུན་དབྱེན་དང་རྗེས་ཕྱོགས་དང་། །ཁྱིམ་སུན་བཀའ་བློ་མི་བདེ་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་
D5.009.0123a05.01མཉན་ཡོད་ན་ཁྱིམ་བདག་ཅིག་ནད་ཀྱིས་ཐེབས་ནས་དགེ་སྦྱོང་དང་། བྲམ་ཟེ་དང་། བཀྲེན་པ་དང་། ཕོངས་པ་རྣམས་ལ་སྦྱིན་པ་ནི་སྦྱིན། བསོད་ནམས་ནི་བྱེད་པ་དེ་སྦོམ་དགའ་མོས་ཐོས་སོ། །དེ་ནས་སྦོམ་དགའ་མོ་ཁྱིམ་བདག་ག་ལ་བ་དེར་སོང་སྟེ་ཕྱིན་
D5.009.0123a06.01ནས་ཁྱིམ་བདག་དེ་ལ་ཆོས་བཤད་པ་བྱས་སོ། །ཆོས་བཤད་པ་བྱས་ནས་ཀྱང་ཁྱིམ་བདག་དེ་ལ་འདི་སྐད་ཅེས་སྨྲས་སོ། །བཞིན་{བཟངས་,བཟང་}བུད་མེད་ནི་རྙེད་པ་ཆུང་བ་ཡིན་གྱིས་བདག་ལ་ཡང་ཅུང་ཟད་ཅིག་བྱིན་ཅིག །དེས་འདི་སྐད་ཅེས་སྨྲས་སོ། །འཕགས་མ་ཁྱོད་ཅིའི་
D5.009.0123a07.01