完整藏文原文 · 德格版页 当前仅加载第 9 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་སློང་མེད་པའི་གནས་སུ་དབྱར་གནས་པར་ཁས་ལེན་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་བཅུ་དགུ་པའི་ལྔ་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །
D5.009.0294a01.01གང་གི་ཚེ་བཅོམ་ལྡན་འདས་ཀྱིས་དབྱར་གནས་པའི་དགེ་སློང་མ་རྣམས་ཀྱིས་གཉི་གའི་དགེ་འདུན་ལ་དགག་དབྱེ་བྱའོ་ཞེས་གསུངས་པ་དང་། དེ་ནས་དགེ་སློང་མ་དེ་རྣམས་ཀྱིས་སྦོམ་དགའ་མོ་ལ་འདི་སྐད་ཅེས་སྨྲས་སོ། །འཕགས་མ་གཉི་གའི་དགེ་འདུན་ལ་དགག་དབྱེ་བྱས་ཚུར་སྤྱོན། དེས་
D5.009.0294a02.01འདི་སྐད་ཅེས་སྨྲས་སོ། །ཁོ་མོ་དེར་མི་འགྲོའོ། །ཅིའི་ཕྱིར། རེ་ཞིག་ཁོ་མོ་ནི་སྡེ་སྣོད་གསུམ་པ་ཡིན་པས་ཁོ་མོས་དགག་དབྱེ་ཇི་ལྟར་བྱ་བ་ཤེས་ཏེ། དགེ་སློང་གི་དགེ་འདུན་ལ་ལྕག་པོད་དང་། ཤུར་བུ་དང་། ཤུར་བུ་ཕྲེའུ་ཕལ་མོ་ཆེ་དབུལ་དགོས་པས་ཁྱེད་ཅག་དེང་ཤིག །ཁོ་
D5.009.0294a03.01མོ་ནི་དེར་མི་འགྲོའོ་ཞེས་ཟེར་བའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དབྱར་གནས་ནས་གཉི་གའི་དགེ་འདུན་ལ་དགག་དབྱེ་མི་བྱེད་ན་ལྟུང་བྱེད་
D5.009.0294a04.01དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །དབྱར་གནས་ནས་ཞེས་བྱ་བ་ནི་ཟླ་བ་གསུམ་གྱི་མཐར་ཕྱིན་ནས་སོ། །གཉི་གའི་དགེ་འདུན་ལ་ཞེས་བྱ་བ་ནི་དགེ་སློང་དང་དགེ་སློང་མའི་དགེ་འདུན་ལའོ། །དགག་དབྱེ་མི་བྱེད་ན་ཞེས་བྱ་བ་ནི་མཐོང་བ་དང་། ཐོས་པ་དང་དོགས་
D5.009.0294a05.01པས་སོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དབྱར་གནས་ནས་གཉི་གའི་དགེ་འདུན་ལ་དགག་དབྱེ་མི་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་བཅུ་དགུ་པའི་ཚིགས་སུ་བཅད་པའི་སྡོམ་རྫོགས་{སྷོ,སོ}།། །།
D5.009.0294a06.01སྡོམ་ལ། ཚོགས་ལ་སྤྱོ་བར་མི་བྱ་དང་། །མི་སྙན་པ་དང་སེར་སྣ་ལྔ། །སྤངས་ནས་བཟའ་བར་མི་བྱ་དང་། །བཙས་པ་བླང་བར་མི་བྱའོ། །གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོས་ཚོགས་ལ་སྤྱོས་པ་དང་། དེ་ལ་ལྷན་ཅིག་གནས་པ་དང་། ཉེ་གནས་
D5.009.0294a07.01