完整藏文原文 · 德格版页 当前仅加载第 9 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱིས་སྨྲས་པ། འཕགས་མ་དགེ་སློང་མའི་ཚོགས་ལ་སྤྱོ་བར་མི་རིགས་སོ། །དེས་འདི་སྐད་ཅེས་རིགས་ཀྱང་རུང་། མི་རིགས་ཀྱང་རུང་ཁོ་མོས་ནི་སྤྱོས་སོ་ཞེས་སྨྲས་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་
D5.009.0294b01.01ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཚོགས་ལ་སྤྱོས་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ཚོགས་ལ་ཞེས་བྱ་བ་ནི་དགེ་སློང་མའི་དགེ་འདུན་ལའོ། །སྤྱོས་ན་
D5.009.0294b02.01ཞེས་བྱ་བ་ནི་ཚར་བཅད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཚོགས་ལ་སྤྱོས་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་པའི་དང་པོ་རྫོགས་{སྷོ,སོ}།། །།གླེང་གཞི་ནི་མཉན་
D5.009.0294b03.01ཡོད་ནའོ། །དེ་ནས་སྦོམ་དགའ་མོས་དགེ་སློང་མའི་ཚོགས་ལ་མི་སྙན་པ་ཁྱིམ་ཞེས་བྱ་བ་དང་། ནལ་ཞེས་བྱ་བ་དང་། བོང་བུ་དག་དང་ལྡན་པའི་གཤེ་བ་དག་གིས་གཤེ་བའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་
D5.009.0294b04.01བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཚོགས་ལ་གཤེ་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ཚོགས་ལ་ཞེས་བྱ་བ་ནི་དགེ་སློང་མའི་དགེ་འདུན་ལའོ། །གཤེ་ན་ཞེས་བྱ་བ་ནི་ཁྱིམ་པ་མོའི་ཚིག་དང་
D5.009.0294b05.01ལྡན་པའི་གཤེ་བས་སོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཚོགས་ལ་གཤེ་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་པའི་གཉིས་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །
D5.009.0294b06.01དེ་ནས་སྦོམ་དགའ་མོས་དགེ་སློང་མ་གློ་བུར་པ་རྣམས་ཀྱིས་དབྱར་ཁང་དུ་གནས་བྱིན་ནས་དེ་དག་རྙེད་པ་དང་། བཀུར་སྟི་རབ་ཏུ་མང་པོ་དང་ལྡན་པ་དང་། དེས་སེར་སྣས་དེ་དག་བསྐྲད་པ་ན། དེ་ལ་དགེ་སློང་མ་རྣམས་ཀྱིས་སྨྲས་པ། འཕགས་མ་ཁྱོད་ཅི་སེར་སྣས་གནོད་པར་མ་
D5.009.0294b07.01