完整藏文原文 · 德格版页 当前仅加载第 9 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
གཏོགས་ཏེ་ཞེས་བྱ་བ་ནི་འདི་ལྟར་ཡང་ན་བ་དག་ཏུ་གྱུར་ལ། ཟས་གཅིག་གིས་འཚོ་བར་མི་ནུས་པ་ལྟ་བུའོ། །ལམ་དུས་ཞེས་བྱ་བ་ནི་ལམ་དུ་ཞུགས་པ་ལ་སྦྱིན་བདག་གིས་བྱིན་པའོ། །གྲུར་ཞུགས་པ་ཞེས་བྱ་བ་ནི་གྲུར་འཇུག་པ་ན་སྦྱིན་བདག་གིས་
D5.009.0225a01.01བསོད་སྙོམས་བྱིན་པའོ། །འདུས་པ་ཆེན་པོ་ཞེས་བྱ་བ་ནི་མང་པོ་འདུས་པའི་ཟས་སོ། །དགེ་སྦྱོང་གི་ཟས་དུས་སོ་ཞེས་བྱ་བ་ནི་འདི་ལས་ཕྱི་རོལ་པའི་རབ་ཏུ་བྱུང་བ་ལ་དགེ་སྦྱོང་ཞེས་བྱའོ། །དེ་ལ་དུས་ནི་འདི་ཡིན་ནོ་ཞེས་བྱ་བ་ནི་དེ་ལ་དེ་ནི་མཐུན་པའི་ཆོས་ཡིན་པའོ། །དེ་ལ་
D5.009.0225a02.01ལྟུང་བར་ཇི་ལྟར་འགྱུར་ཞེ་ན། དགེ་སློང་མ་མཚམས་ཀྱི་ནང་ལ་མཚམས་ཀྱི་ནང་དུ་འདུ་ཤེས་པས་འདུས་ཤིང་ཟས་ཟ་ན་ལྟུང་བྱེད་དོ། །དེ་བཞིན་དུ་ཡིད་གཉིས་ཟ་ན་ལྟུང་བྱེད་དོ། །དགེ་སློང་མ་མཚམས་ཀྱི་ཕྱི་རོལ་ལ་མཚམས་ཀྱི་ནང་དུ་འདུ་ཤེས་པས་འདུས་ཤིང་ཟས་ཟ་ན་ཉེས་བྱས་
D5.009.0225a03.01སོ། །ཡིད་གཉིས་ཟ་ན་ཉེས་བྱས་སོ། །དགེ་སློང་མའི་དབྱར་ཁང་གི་ཁྱམས་དག་ཡོད་ལ། གལ་ཏེ་དགེ་སློང་མ་ཁ་ཅིག་དབྱར་ཁང་དུ་ཟ་ལ། ཁ་ཅིག་ཁྱམས་དག་ཏུ་ཟ་ན། དེ་ལ་ནི་གཡར་ཁང་ན་ཟ་བ་གང་ཡིན་པ་དེ་དག་གིས་ཇི་ག་ཁ་ཟས་ཀྱིས་བསྲུལ་ཏམ་ཞེས་དྲི་བར་བྱའོ། །
D5.009.0225a04.01མ་དྲིས་པར་ཟ་ན་ལྟུང་བྱེད་དུ་འགྱུར་རོ། །ཁྱམས་རྣམས་ལ་ནི་ཉེས་བྱས་སུ་འགྱུར་རོ། །དེ་བཞིན་དུ་གནས་ཁང་དང་། སྒོ་ཁང་ལ་སོགས་པ་ལ་ཡང་བརྗོད་པར་བྱའོ། །གལ་ཏེ་ཁ་ཟས་ཀྱིས་བསྲུལ་ན་ཆུང་ངུ་ན་རིལ་བའི་ཆུའམ། ལན་ཚྭ་ཁ་གཟར་གང་ཙམ་
D5.009.0225a05.01ཡང་བསྲུལ་ན་ལྟུང་བ་མེད་དོ། །ལྟུང་བྱེད་གསུམ་པའི་གཉིས་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས་བཅུ་བདུན་སྡེ་རྣམས་ལས་བརྟེན་ཏེ་དུས་མ་ཡིན་པའི་ཟས་ཀྱི་བསླབ་པའི་གཞི་བཅའ་བ་མཛད་པ་དེའི་ཚེ་བཅུ་
D5.009.0225a06.01གཉིས་སྡེ་རྣམས་དུས་སུ་ཡང་ཟ་བར་བྱེད། དུས་མ་ཡིན་པར་ཡང་ཟ་བར་བྱེད་པ་དང་། དགེ་སློང་མ་རྣམས་ཀྱིས་སྨྲས་པ། བཅོམ་ལྡན་འདས་ཀྱིས་དུས་མ་ཡིན་པའི་ཟས་ཀྱི་བསླབ་པའི་གཞི་བཅའ་བ་མ་མཛད་དམ། དེ་དག་གིས་འདི་སྐད་ཅེས་དགེ་སློང་རྣམས་ལ་བཅའ་
D5.009.0225a07.01