完整藏文原文 · 德格版页 当前仅加载第 9 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མ་རྫོགས་པར་གལ་ཏེ་གཏོང་བ་དེ་ལྟ་ན་ལེགས། ཇི་སྟེ་གཏོང་བར་མི་བྱེད་ལ་ཚིག་རྫོགས་པར་གྱུར་ན་ཉེས་པ་སྦོམ་པོར་འགྱུར་རོ། །ལས་གསུམ་པའི་ཚིག་བརྗོད་པར་ཡང་མ་རྫོགས་ལ་མཐུན་པས་ཆོས་མ་ཡིན་པར་བྱས་པ་དང་། མི་མཐུན་པས་ཆོས་མ་ཡིན་
D5.009.0087b01.01པར་བྱས་པ་དང་། མི་མཐུན་པས་ཆོས་བཞིན་དུ་བྱས་པ་དང་། ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་པས་བསྟན་པ་ཇི་ལྟ་བ་དེ་བཞིན་དུ་བྱས་ན་ལྟུང་བ་མེད་དོ། །ལས་གསུམ་པའི་ཚིག་བརྗོད་པ་ཡང་རྫོགས་ལ་ཆོས་ཇི་ལྟ་བ་དང་། འདུལ་བ་
D5.009.0087b02.01ཇི་ལྟ་བ་དང་། སྟོན་པས་བསྟན་པ་ཇི་ལྟ་བ་དེ་བཞིན་དུ་བྱས་ཀྱང་གཞི་དེ་གཏོང་བར་མི་བྱེད་ན་དགེ་སློང་མ་དེ་ལ་ཕས་ཕམ་པའི་ལྟུང་བ་བྱུང་བར་གྱུར་པ་ཡིན་ནོ། །ལས་དང་པོ་པ་ལ་སོགས་པ་ལ་ལྟུང་བ་མེད་དོ། །དགེ་སློང་མའི་རྣམ་པར་འབྱེད་པ་ལས་ཕས་
D5.009.0087b03.01ཕམ་པར་གྱུར་པ་བརྒྱད་པ་རྫོགས་{སྷོ,སོ}།། །།ཕམ་པའི་སྐབས་སུ་དགེ་སློང་མ་བཅུ་གཉིས་པོ་དག་བསྐོ་བར་མི་བྱའོ་ཞེས་གསུངས་པ་དེ་ལ་གལ་ཏེ་འགའ་ཞིག་བཅུ་གཉིས་པོ་གང་ཡིན་ཞེས་འདྲི་བར་བྱེད་ན་འདི་སྐད་ཅེས་བརྗོད་པར་བྱ་སྟེ། གནས་ཁང་བསྐོ་
D5.009.0087b04.01བ་དང་། ཁ་ཟས་བསྐོ་བ་དང་། ཐུག་པ་འབྲིམ་པ་དང་། སོ་ཤིང་འབྲིམ་པ་དང་། ཕྲན་ཚེགས་འབྲིམ་པ་དང་སྣོད་སྤྱད་འབྲུབ་པ་དང་། འགེད་པ་དང་། གོས་འགེད་པ་དང་། དབྱར་གྱི་རས་ཡུག་ཆེན་འབྲུབ་པ་དང་། དབྱར་གྱི་རས་ཆེན་འགེད་པ་དང་། མངག་
D5.009.0087b05.01གཞུག་པ་དང་། མཛེས་འཆོས་རྣམས་སོ།། །།སྡོམ་ལ། སྨྱན་བྱེད་པ་དང་གཞི་མེད་དང་། །གསུམ་པ་བག་ཙམ་ཆ་ལས་ལེན། །བཞི་པ་ཅི་ཡང་རུང་བར་བྱ། །ལྔ་པ་ཆགས་པ་མེད་པ་སྟེ། །ཉིན་མོ་མཚན་མོ་ལམ་འགྲོ་དང་། །ཆུ་ཀླུང་ཕ་རོལ་བསྐོས་པའོ། །
D5.009.0087b06.01སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་{རི་དགས་,རི་དྭགས་}འཛིན་གྱི་བུ་ནག་པོ་ཞེས་བྱ་བ་མཉན་ཡོད་ཀྱི་བྲམ་ཟེ་དང་། ཁྱིམ་བདག་རྣམས་དང་གཏམ་འདྲེ་བ། ཕེབས་པར་སྨྲ་བ། སྨོས་
D5.009.0087b07.01