完整藏文原文 · 德格版页 当前仅加载第 9 函德格 305b 版页；藏文 NFD、目录标记与异常页序保留在来源切片中，重复版页行以稳定序号区分。
སྟན་སྐྱེད་དུ་བཅུག་ཅིང་ཞེས་བྱ་བ་ནི་ཕྱི་བཞིན་ཁྱེར་དུ་བཅུག་ཅིང་ངོ་། །ཉམས་སུ་མྱོང་བར་བྱེད་ཅེས་བྱ་བ་ནི་རང་གིར་བྱེད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་སློང་མ་རྣམས་ལས་སྟན་སྐྱེད་པ་
D5.009.0305b01.01ཉམས་སུ་མྱོང་བར་བྱེད་ན་ཐམས་ཅད་ལྟུང་བྱེད་དུ་འགྱུར་རོ། །གལ་ཏེ་རྒས་པ་སྦྱོར་མི་བཟོད་པའམ། ནད་པ་ཞིག་ཆོས་འཆད་པ་ཡིན་ན་ལྟུང་བ་མེད་དོ། །ལྟུང་བྱེད་ཉི་ཤུ་བཞི་པའི་གཉིས་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེ་ནས་གཙུག་
D5.009.0305b02.01དགའ་མོས་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་བླངས་ཏེ་ཁྱིམ་བདག་ཅིག་གི་ཁྱིམ་དུ་བསོད་སྙོམས་ལ་ཞུགས་ནས་ཁྱིམ་བདག་གི་ཆུང་མ་དེ་ལ་འདི་སྐད་ཅེས་སྨྲས་སོ། །མཚན་{བཟངས་,བཟང་}མ་བསོད་སྙོམས་བྱིན་ཅིག །དེས་འདི་སྐད་ཅེས་སྨྲས་སོ། །འཕགས་
D5.009.0305b03.01མ་བདག་སྐུད་པ་འཁལ་བས་གློ་བ་བྲེལ་ལོ། །གཙུག་དགའ་མོས་འདི་སྐད་ཅེས་སྨྲས་སོ། །ཁྱོད་སོང་ལ་བསོད་སྙོམས་ཁྱེར་ཏེ་ཤོག་ཤིག་དང་། ཁོ་མོས་བཀལ་ལོ་ཞེས་བསོད་སྙོམས་ཀྱི་ཕྱིར་བཀལ་ཏོ་དེ་ནས་དུས་གཞན་ཞིག་ན་སྐྱེ་དགུའི་བདག་མོ་ཁྱིམ་དེར་བསོད་སྙོམས་
D5.009.0305b04.01ལ་ཞུགས་ཏེ་འདི་སྐད་ཅེས་སྨྲས་སོ། །ཕུ་ནུ་མོ་བསོད་སྙོམས་བྱིན་ཅིག །ཁྱིམ་བདག་གི་ཆུང་མས་འདི་སྐད་ཅེས་སྨྲས་སོ། །འཕགས་མ་སྐུད་པ་ཅིག་ཁོལ་མཛོད་ཅིག་དང་། དེའི་བར་དུ་བསོད་སྙོམས་འཚལ་ཏེ་མཆིའོ། །སྐྱེ་དགུའི་བདག་མོ་ཆེན་མོས་འདི་སྐད་ཅེས་
D5.009.0305b05.01སྨྲས་སོ། །ཕུ་ནུ་མོ་ཁོ་མོ་ཁྱིམ་པར་གྱུར་པ་ན་ཡང་འཁལ་མ་མྱོང་ན། ད་རབ་ཏུ་བྱུང་ནས་འཁལ་ལམ་དེ་ལྟ་མོད་ཀྱི་ཞེས་བྱ་བ་དང་། བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་སྐུད་པ་འཁལ་ན་ལྟུང་བྱེད་དོ། །
D5.009.0305b06.01ཡང་གང་ཞེས་བྱ་བ་ནི་གཙུག་དགའ་མོའོ། །སྐུད་པ་ཞེས་བྱ་བ་ནི་བདུན་པོ་གང་ཡང་རུང་བའོ། །འཁལ་ན་ཞེས་བྱ་བ་ནི་ཕུང་བུར་བྱེད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་སྐུད་པ་འཁལ་
D5.009.0305b07.01