完整藏文原文 · 德格版页 当前仅加载第 9 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
པ། དགེ་སློང་མ་དག་དགེ་སློང་མ་མཛའ་མོ་ངོར་འཕྱ་བའི་གྲངས་སུ་ཆུག་ཤིག །གྲངས་སུ་གཞུག་པ་ནི་འདི་ལྟར་བྱ་སྟེ། གནས་མལ་བཤམས་པ་བྱས་ནས་ཞེས་བྱ་བ་ནས། འཕགས་མའི་དགེ་འདུན་ཕུ་ནུ་མོ་དག་བདག་ལ་གསན་དུ་གསོལ། དགེ་སློང་མ་
D5.009.0213b01.01མཛའ་མོ་འདི་ཚེ་དང་ལྡན་པ་གྱད་བུ་ནོར་ལ་ངོར་འཕྱ་ལགས་ཀྱིས། གལ་ཏེ་འཕགས་མའི་དགེ་འདུན་གྱིས་དུས་ལ་བབ་ཅིང་བཟོད་ན་འཕགས་མའི་དགེ་འདུན་གྱིས་གནང་བར་མཛོད་ཅིག་དང་། དགེ་སློང་མ་མཛའ་མོ་ངོར་འཕྱ་བའི་གྲངས་སུ་སྩལ་ཏོ། །འདི་ནི་གསོལ་
D5.009.0213b02.01བའོ། །དེ་བཞིན་དུ་ལས་ཀྱང་བརྗོད་པར་བྱའོ། །འོན་ཀྱང་གཞོགས་འཕྱས་ཀྱིས་འཕྱ་བར་བྱེད་པ་ནས་ཞེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་དག་དགེ་སློང་མ་མཛའ་མོ་གཞོགས་འཕྱས་བྱེད་པའི་གྲངས་སུ་ཆུག་ཤིག་ཅེས་བྱ་
D5.009.0213b03.01བའི་བར་ཏེ། འདི་ནི་གསོལ་བའོ། །ལས་ཀྱང་བརྗོད་པར་བྱའོ། །ཕྱི་ནས་གཞོགས་འཕྱས་དང་། ངོར་འཕྱ་བ་གཉིས་ཀ་བྱེད་ན་ཞེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་མཛའ་མོ་གཉི་གར་འཕྱ་བའི་གྲངས་སུ་ཆུག་ཤིག་ཅེས་བྱ་
D5.009.0213b04.01བའི་བར་ཏེ། གསོལ་བ་དང་། ལས་ཀྱང་བརྗོད་པར་བྱའོ། །དེ་དེ་ལྟར་བསྒོ་ཡང་འཕྱ་བར་བྱེད་པ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། ཞེས་བྱ་བ་ནས་བསླབ་
D5.009.0213b05.01པ་བཅའ་བའི་བར་དུ་མཛད་དེ། འཕྱའམ་གཞོགས་འཕྱས་བྱེད་ན་ལྟུང་བྱེད་དོ། །འཕྱའམ་ཞེས་བྱ་བ་ནི་འཕྱ་བའི་བསམ་པ་ཅན་གྱི་གང་ངག་དང་ཚིག་དང་། བརྗོད་པ་ཞེས་བྱ་བའི་བར་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་གྲངས་
D5.009.0213b06.01སུ་བཅུག་པར་གྱུར་པས་ཡང་དགེ་འདུན་གྱིས་བསྐོས་པའི་དགེ་སློང་མ་བཅུ་གཉིས་པོ་སྦྱོར་བ་མ་བཏང་བ་རྣམས་ལ་འཕྱ་ན་ལྟུང་བྱེད་དོ། །གཞོགས་འཕྱས་བྱེད་ན་ལྟུང་བྱེད་དོ། །འཕྱ་བ་དང་གཞོགས་འཕྱས་བྱེད་ན་ལྟུང་བྱེད་དོ། །དགེ་སློང་མ་གྲངས་སུ་བཅུག་པར་གྱུར་
D5.009.0213b07.01