完整藏文原文 · 德格版页 当前仅加载第 9 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
བཅའ་བ་མཛད་པ་དེའི་ཚེ་དགེ་སློང་མའི་དབྱར་ཁང་དུ་དགེ་སློང་སྒོར་བཏང་ངོ་། །གང་གི་ཚེ་དགེ་སློང་གིས་དགེ་སློང་མ་རྣམས་ལ་བསྒོ་བ་དེའི་ཚེ་དགེ་སློང་མ་དག་གིས་དགེ་སློང་མ་གཞན་དང་གཞན་དག་ལ་ཡང་བསྒོའོ། །དེ་ནས་ཡང་དགེ་སློང་མ་དེ་རྣམས་ཀྱིས་
D5.009.0258a01.01བཅུ་གཉིས་སྡེ་རྣམས་ལ་བསྒོ་བ་དང་། དེ་དག་གིས་འདི་སྐད་ཅེས། ཁོ་མོ་ཅག་བུས་པ། རྨོངས་པ། མི་གསལ་བ། མི་མཁས་པ། ཁྱེད་ཅག་ལ་བསླབ་པ་མི་སློབ་ཀྱི་ཞེས་བྱ་བ་ནས་ཁོ་མོ་ཅག་ནི་མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ་གཞན་
D5.009.0258a02.01དག་ལ་འདྲིའོ་ཞེས་སྨྲས་པ་ན། དོན་ཉུང་བའི་དགེ་སློང་མ་རྣམས་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་སློང་མ་རྣམས་
D5.009.0258a03.01ཀྱིས་འདི་སྐད་ཅེས་འཕགས་མ་ཁྱོད་ཀྱིས་བསླབ་པ་འདི་ལ་བསླབ་པར་བྱའོ་ཞེས་བསྒོ་བ་ན་དེ་དེ་དག་ལ་འདི་སྐད་ཅེས་ཁོ་མོས་བུས་པ། རྨོངས་པ། མི་གསལ་བ། མི་མཁས་པ་ཁྱེད་ཀྱི་ཚིག་གིས་བསླབ་པ་ལ་མི་སློབ་ཀྱི་ཞེས་བྱ་བ་ནས་དགེ་སློང་མ་མདོ་སྡེ་འཛིན་པ། འདུལ་
D5.009.0258a04.01བ་འཛིན་པ། མ་མོ་འཛིན་པ། གཞན་དག་ལ་འདྲིའོ་ཞེས་སྨྲ་ན་ལྟུང་བྱེད་དོ། །དགེ་སློང་མ་ཀུན་ཤེས་པར་འདོད་པས་བསླབ་པ་དེ་ལ་བསླབ་པར་བྱ་ཞིང་དགེ་སློང་མ་མདོ་སྡེ་འཛིན་པ། འདུལ་བ་འཛིན་པ་དང་། མ་མོ་འཛིན་པ་ལ་ཡང་དྲི་བར་བྱ་སྟེ། དེ་ནི་དེ་ལ་ཆོ་ག་
D5.009.0258a05.01ཡིན་ནོ། །ཡང་གང་ཞེས་བྱ་བ་ནི་བཅུ་གཉིས་སྡེ་དག་ལའོ། །དགེ་སློང་མ་རྣམས་ཀྱིས་བསྒོ་བ་ན་ཞེས་བྱ་བ་ནི་ཆོས་འདི་པ་དག་གིས་སོ། །བསླབ་པ་དེ་ལ་ཁྱོད་ཀྱིས་བསླབ་པར་བྱའོ་ཞེས་བྱ་བ་ནི་ཕས་ཕམ་པར་འགྱུར་བ་བརྒྱད་ཅེས་བྱ་བ་ནས། རྩོད་པ་ཞི་བར་བྱ་བའི་ཆོས་
D5.009.0258a06.01བདུན་ཞེས་བྱ་བའི་བར་རོ། །བུས་པ་ཞེས་བྱ་བ་ནི་མདོ་སྡེ་མི་འཛིན་འདུལ་བ་མི་འཛིན་མ་མོ་མི་འཛིན་པ་ནི་བུས་པ་ཞེས་བྱའོ། །མི་མཁས་པ་ཞེས་བྱ་བ་ནི་མདོ་སྡེ་ལ་མི་མཁས། འདུལ་བ་ལ་མི་མཁས། མ་མོ་ལ་མི་མཁས་པ་ནི་མི་མཁས་པ་ཞེས་བྱའོ། །མི་གསལ་བ་ཞེས་བྱ་
D5.009.0258a07.01