完整藏文原文 · 德格版页 当前仅加载第 9 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་ཤིག །དེ་དག་གིས་འདི་སྐད་ཅེས་སྨྲས་སོ། །ཅིའི་ཕྱིར་འདི་དག་སངས་རྒྱས་དང་། ཆོས་དང་། དགེ་འདུན་ལ་སོགས་པ་ལ་མཆོད་པའི་དོན་དུ་བརྩོན་པར་བྱེད། དེ་དག་གིས་འདི་སྐད་ཅེས་སྨྲས་སོ། །ལྟུང་བ་འདི་དང་འདི་དག་བྱུང་ངོ་། །
D5.009.0204a01.01དེ་དག་གིས་ཐོས་ནས་གང་ལ་རྒན་མོ་རྣམས་ཀྱང་འདི་འདྲ་བའི་གནས་སྐབས་སུ་གྱུར་ན་གཞོན་ནུ་མ་རྣམས་ལ་ཇི་ལྟ་བུ་ཞིག་ཏུ་འགྱུར། ཞེས་ཡིད་ལ་གཅགས་པར་གྱུར་ཏོ། །བཅུ་གཉིས་སྡེ་དག་གིས་དོན་དེ་རྟོགས་པར་བྱས་ནས་དེ་དག་གིས་དགེ་ཚུལ་གཞོན་ནུ་མ་རྣམས་
D5.009.0204a02.01ལ་དྲིས་པ། ཁྱེད་ཀྱི་མཁན་མོ་དང་། སློབ་དཔོན་དག་ཅི་བྱེད། དེ་རྣམས་ཀྱིས་འདི་སྐད་ཅེས་སྨྲས་སོ། །བསོད་ནམས་བགྱིད་དོ། །དེ་ནས་བཅུ་གཉིས་སྡེ་དག་གིས་འདི་སྐད་ཅེས་སྨྲས་སོ། །ཁྱོད་བསོད་ནམས་འདི་འདྲ་བ་བྱོས་ཤིག །དགེ་ཚུལ་མ་དེ་རྣམས་
D5.009.0204a03.01ཀྱིས་འདི་སྐད་ཅེས་སྨྲས་སོ། །དེ་ཅི་ལགས། དེ་ནས་བཅུ་གཉིས་སྡེ་དག་གིས་དེ་དག་གི་དགེ་ཚུལ་མ་རྣམས་ལ་འདི་སྐད་ཅེས་སྨྲས་སོ། །ཅི་ཁྱེད་ཀྱི་སྙིང་ལམ་ན་ཁྱེད་ཀྱི་མཁན་མོ་དང་། སློབ་དཔོན་འདི་དག་འདི་ལ་ཆོས་བཟང་ངོ་ཞེས་སངས་རྒྱས་དང་། ཆོས་དང་། དགེ་འདུན་
D5.009.0204a04.01ལ་སོགས་པ་ལ་བསྙེན་བཀུར་བྱེད་སྙམ་མམ། དེ་ལྟ་མོད་ཀྱི་ལྟུང་བ་འདི་དང་འདི་དག་བྱུང་ངོ་། །གང་གི་ཚེ་དགེ་སློང་མ་དེ་དག་ལྟུང་བ་དེ་ལས་ལངས་པར་གྱུར་པ་དེའི་ཚེ་དེ་དག་གི་དགེ་ཚུལ་གཞོན་ནུ་མ་དེ་དག་ལ་དགེ་ཚུལ་མ་དག་ལས་དག་གྱིས་ཤིག་ཅེས་བསྒོ་བ་ན། དེ་དག་
D5.009.0204a05.01གིས་སྨྲས་པ། ཁྱེད་ཅག་ཅིའི་ཕྱིར་མི་མཛད། གནས་བརྟན་མོ་དེ་དག་གིས་འདི་སྐད་ཅེས་སྨྲས་སོ། །ཁོ་མོ་ཅག་གིས་མི་རུང་ངོ་། །དགེ་ཚུལ་མ་རྣམས་ཀྱིས་ཡང་འདི་སྐད་ཅེས་སྨྲས་སོ། །ཁ་ཅིག་རུང་ན་ཁ་ཅིག་མི་རུང་ངམ། དགེ་སློང་མ་དེ་རྣམས་ཀྱིས་འདི་
D5.009.0204a06.01སྐད་ཅེས་སྨྲས་སོ། །ཁྱེད་ལ་སུས་སྨྲས། དེ་དག་གིས་འདི་སྐད་ཅེས་བཅུ་གཉིས་སྡེ་དག་གིས་སོ་ཞེས་སྨྲས་པ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་རྒྱས་པར་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ།
D5.009.0204a07.01