完整藏文原文 · 德格版页 当前仅加载第 9 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གསོག་འཇོག་བྱས་པའི་བཅའ་བ་དང་། བཟའ་བ་འཆོས་སམ། ཟོས་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ། །གསོག་
D5.009.0226a01.01འཇོག་བྱས་པ་ཞེས་བྱ་བ་ལ། གསོག་འཇོག་བྱས་པ་ནི་གཉིས་ཏེ། སྔ་མའི་ཟས་བྱིན་ལེན་བྱས་ཤིང་ཕྱི་མའི་ཟས་གསོག་འཇོག་བྱས་པའམ། ཕྱི་མའི་ཟས་བྱིན་ལེན་བྱེད་ཅིང་དུས་ཚོད་ལས་འདས་པར་གསོག་འཇོག་བྱས་པའོ། །བཅའ་བ་དང་། བཟའ་བ་ཞེས་
D5.009.0226a02.01བྱ་བ་ནི་སྔ་མ་བཞིན་ནོ། །ལྟུང་བྱེད་དོ་ཞེས་བྱ་བའི་བར་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་གསོག་འཇོག་བྱས་པ་ལ་གསོག་འཇོག་བྱས་པར་འདུ་ཤེས་ན་ལྟུང་བྱེད་དོ། །གསོག་འཇོག་མ་བྱས་པ་ལ་གསོག་འཇོག་བྱས་པར་འདུ་ཤེས་ན་
D5.009.0226a03.01ཉེས་བྱས་སོ། །དེ་བཞིན་དུ་ཡིད་གཉིས་ཟ་ན་ཉེས་བྱས་སོ། །གོས་ཀྱི་གསོག་འཇོག་བྱེད་ན་ལྟུང་བྱེད་དོ། །ལྷུང་བཟེད་ཀྱི་གསོག་འཇོག་བྱེད་ན་ལྟུང་བྱེད་དོ། །བྱ་མ་བུམ་གསོག་འཇོག་བྱེད་ན་ལྟུང་བྱེད་དོ། །སྒོ་ལྕགས་གསོག་འཇོག་བྱེད་ན་ཉེས་བྱས་སོ། །ལྡེ་མིག་
D5.009.0226a04.01ཀྱོག་པོ་གསོག་འཇོག་བྱེད་ན་ཉེས་བྱས་སོ། །སྒོ་ལྕགས་གཟེ་མ་གསོག་འཇོག་བྱེད་ན་ཉེས་བྱས་སོ། །ལྟུང་བྱེད་གསུམ་པའི་བཞི་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས་དུར་ཁྲོད་ཐམས་ཅད་པའི་དགེ་སློང་ནག་པོ་
D5.009.0226a05.01ཆེན་པོ་ལ་བརྟེན་ནས་བྱིན་ལེན་བྱ་བའི་བསླབ་པའི་གཞི་བཅའ་བ་མཛད་པ་དེའི་ཚེ་དགེ་སློང་མ་དེ་དག་གིས་བྱིན་ལེན་ཇི་ལྟ་བུ་ཡིན་པ་དང་། བྱིན་ལེན་དུ་ཡོད་པ་མ་ཤེས་པར་གྱུར་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་
D5.009.0226a06.01འདས་ཀྱིས་བཀའ་སྩལ་པ། བྱིན་ལེན་ནི་ལྔ་སྟེ། ལྔ་གང་ཞེ་ན། ལུས་ཀྱིས་ལུས་དང་འབྲེལ་པ་དང་། ལུས་ལ་ལུས་ཀྱིས་དང་། ལུས་དང་འབྲེལ་པ་ལ་ལུས་དང་འབྲེལ་པ་དང་། ལུས་ལ་ལུས་ཀྱིས་འབྲེལ་པ་དང་། གཞག་པའི་ཆོ་ག་ཉིད་ནི་ལྔ་པ་ཡིན་ནོ། །སྨད་
D5.009.0226a07.01