完整藏文原文 · 德格版页 当前仅加载第 9 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
སྦེད་པར་བྱེད་པ་སྟེ། དེ་ལྟར་མངགས་པས་སོ། །དགེ་སློང་མས་རྒྱུ་གསུམ་པོ་དེ་དག་གིས་གཞན་གྱི་ཡོ་བྱད་ལྕི་བ་མ་བྱིན་པར་བླངས་ན་ཕས་ཕམ་པར་འགྱུར་རོ། །གཞན་ཡང་དགེ་སློང་མས་རྒྱུ་གསུམ་གྱིས་གཞན་དག་གི་ཡོ་བྱད་ལྕི་བ་བླངས་ན་ཕས་ཕམ་པར་འགྱུར་ཏེ། གསུམ་
D5.009.0051b01.01གང་ཞེ་ན། མ་བྱིན་པ་དང་། ལྕི་བ་དང་། གནས་ནས་གནས་སུ་སྦེད་པའོ། །ཇི་ལྟར་མ་བྱིན་པ་ཡིན་ཞེ་ན། སྐྱེས་པ་དང་། བུད་མེད་དང་། མ་ནིང་གང་གིས་ཀྱང་མ་བྱིན་པ་སྟེ། དེ་ལྟ་བུ་ནི་མ་བྱིན་པ་ཡིན་ནོ། །ཇི་ལྟར་ན་ལྕི་བ་ཡིན་ཞེ་ན། མ་ཤ་ཀ་
D5.009.0051b02.01ལྔའམ། མ་ཤ་ཀ་ལྔ་ལས་ལྷག་པ་སྟེ། དེ་ལྟར་ན་ལྕི་བ་ཡིན་ནོ། །ཇི་ལྟར་གནས་ནས་གནས་སུ་སྦེད་པ་ཡིན་ཞེ་ན། གནས་གང་དུ་བཞག་པའི་གནས་དེ་ནས་སྤོས་ནས་གནས་གཞན་དུ་འཇོག་པར་བྱེད་པ་སྟེ། དེ་ལྟར་ན་གནས་ནས་གནས་སུ་སྦེད་པ་ཡིན་ནོ། །དགེ་སློང་མས་
D5.009.0051b03.01རྒྱུ་དེ་གསུམ་གྱིས་གཞན་གྱི་ཡོ་བྱད་ལྕི་བ་མ་བྱིན་པར་བླངས་ན་ཕས་ཕམ་པའི་ལྟུང་བར་འགྱུར་རོ། །གཞན་ཡང་དགེ་སློང་མས་རྒྱུ་གསུམ་གྱིས་གཞན་གྱི་ཡོ་བྱད་ལྕི་བ་མ་བྱིན་པར་བླངས་ན་ཕས་ཕམ་པར་འགྱུར་ཏེ། གསུམ་གང་ཞེ་ན། སེམས་པར་བྱེད་པ་དང་། རྩོལ་བར་
D5.009.0051b04.01བྱེད་པ་དང་། གནས་ནས་གནས་སུ་སྦེད་པའོ། །དེ་ལྟར་སྡོམ་གྱི་ཚིགས་སུ་བཅད་པ་རྒྱས་པར་དགེ་སློང་གི་རྣམ་པར་འབྱེད་པ་ལས་ཇི་ལྟར་འབྱུང་བ་དེ་བཞིན་དུ་བརྗོད་པར་བྱ་ཞིང་། དེ་ལས་དགེ་སློང་ཞེས་འབྱུང་བ་ནི་དགེ་སློང་མའི་རྣམ་པར་འབྱེད་པ་འདིར་དགེ་སློང་མ་ཞེས་
D5.009.0051b05.01བསྒྱུར་བར་བྱའོ། །ཕས་ཕམ་པར་གྱུར་པ་གཉིས་པ་རྫོགས་{སྷོ,སོ}།། །།སྤྱི་སྡོམ་ལ། བྲན་ཅན་དང་ནི་{རི་དགས་,རི་དྭགས་}ཟློག །བདག་ཉིད་དང་ནི་དུག་དང་ནི། །རོ་ལངས་བསྲོ་གང་ཐ་མ་ཡིན། །སྡོམ་ལ། བྲན་ཅན་དང་ནི་སྐྱོང་བ་པ། །མཆུ་ཅན་དང་ནི་
D5.009.0051b06.01ཤི་རི་ཀ། །ལྷུང་བཟེད་དག་དང་ཆོས་གོས་དང་། །མངལ་ན་གནས་དང་ཚོང་དཔོན་ནོ། །སངས་རྒྱས་བཅོམ་ལྡན་འདས་སྤོང་བྱེད་ན་ཆུ་ཀླུང་ཡིད་འོང་ལྡན་གྱི་འགྲམ་ན་སྒྲོན་ཤིང་གི་ཚལ་གསེབ་ན་བཞུགས་སོ། །དེ་ན་བཅོམ་ལྡན་འདས་ཀྱིས་དགེ་སློང་གི་དགེ་འདུན་ལ་དགེ་སློང་དག་མི་
D5.009.0051b07.01