完整藏文原文 · 德格版页 当前仅加载第 9 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དགེ་སློང་མ་གང་རབ་ཏུ་ཕྱུང་ནས་མ་བཀར་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །རབ་ཏུ་ཕྱུང་ནས་ཞེས་བྱ་བ་ནི་ཆོས་འདུལ་བ་འདི་ལའོ། །མ་བཀར་ན་ཞེས་བྱ་བ་ནི་གནས་གཞན་དུའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་
D5.009.0287a01.01བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་འཁོར་དུ་བཞག་སྟེ་མ་བཀར་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་བཅུ་དྲུག་པའི་ཚིགས་སུ་བཅད་པའི་སྡོམ་རྫོགས་{སྷོ,སོ}།། །།སྡོམ་ལ། ལོ་ནི་ཉི་ཤུར་མ་ལོན་དང་། །ལོན་ཡང་གསོལ་བ་མ་བྱས་དང་། །གཏུམ་མོ་མྱ་ངན་
D5.009.0287a02.01གྱིས་གདུངས་དང་། །ཆོས་དྲུག་དག་ལ་མ་བསླབས་པའོ། །གླེང་གཞི་ནི་མཉན་ཡོད་ནའོ། །དེ་ནས་དགེ་སློང་མ་རྣམས་ཀྱིས་གཞོན་ནུ་མ་ལོ་ཉི་ཤུ་མ་ལོན་པ་དག་བསྙེན་པར་རྫོགས་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། གཞོན་ནུ་མ་ལོ་ཉི་ཤུ་མ་ལོན་པ་བསྙེན་པར་རྫོགས་
D5.009.0287a03.01པར་མི་བྱའོ། །དེ་ནས་སྦོམ་དགའ་མོས་ལོ་ཉི་ཤུ་མ་ལོན་པ་དག་བསྙེན་པར་རྫོགས་པར་བྱེད་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་
D5.009.0287a04.01དེ། ཡང་དགེ་སློང་མ་གང་གཞོན་ནུ་མ་ལོ་ཉི་ཤུ་མ་ལོན་པ་བསྙེན་པར་རྫོགས་པར་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ལོ་ཉི་ཤུ་མ་ལོན་པར་ཞེས་བྱ་བ་ནི་གང་གི་ལོ་ཉི་ཤུར་མ་ཚང་བའོ། །བསྙེན་པར་རྫོགས་པར་བྱེད་ན་ཞེས་བྱ་བ་ནི་གསོལ་བ་དང་བཞིའི་ལས་
D5.009.0287a05.01ཀྱིས་སོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གཞོན་ནུ་མ་ལོ་ཉི་ཤུ་མ་ལོན་པ་བསྙེན་པར་རྫོགས་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་བཅུ་བདུན་པའི་དང་པོ་རྫོགས་{སྷོ,སོ}།། །།གླེང་
D5.009.0287a06.01གཞི་ནི་མཉན་ཡོད་ནའོ། །དེ་ནས་དགེ་སློང་མ་དེ་དག་གིས་དགེ་སློང་དག་ལ་འདི་སྐད་ཅེས་ཁྱེད་ཀྱང་ལོ་ཉི་ཤུ་ལོན་ནས་བསྙེན་པར་རྫོགས་པར་མཛད་ན། བདག་ཅག་ཀྱང་ལོ་ཉི་ཤུ་ལོན་ནས་བསྙེན་པར་རྫོགས་པར་བགྱིད་པ་མ་ལགས་སམ། འདི་ལ་ཁྱེད་དང་བདག་ཅག་ཁྱད་པར་ནི་ཅི་མཆིས།
D5.009.0287a07.01