完整藏文原文 · 德格版页 当前仅加载第 9 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་དེ་ལྟ་ལགས་སོ། །བདེ་བར་གཤེགས་པ་དེ་དེ་ལྟ་ལགས་ཏེ། བཙུན་པ་བདག་གི་རས་ཡུག་ཆེན་གྱི་སྣམ་སྦྱར་ཡང་ལགས་སོ། །བཙུན་པ་བདག་གི་རས་ཡུག་ཆེན་གྱི་སྣམ་སྦྱར་འཇམ་ལགས་སོ། །བཅོམ་
D5.009.0041b01.01ལྡན་འདས་ཐུགས་བརྩེ་བའི་སླད་དུ་རས་ཡུག་ཆེན་གྱི་སྣམ་སྦྱར་བཞེས་པར་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ལ་འདི་སྐད་ཅེས་བཀའ་སྩལ་ཏོ། །འོད་སྲུང་ངའི་གསོ་རས་ཕྱག་དར་ཁྲོད་ཀྱི་གོས་ཟུང་ཤིག །དེ་སྐད་ཅེས་
D5.009.0041b02.01བཀའ་སྩལ་པ་དང་། བཅོམ་ལྡན་འདས་ལ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་རས་ཡུག་ཆེན་གྱི་སྣམ་སྦྱར་བཞེས་པར་གསོལ། བདེ་བར་གཤེགས་པ་རས་ཡུག་ཆེན་གྱི་སྣམ་སྦྱར་བཞེས་པར་གསོལ། བཙུན་པ་དེ་བདག་གིས་བཅོམ་
D5.009.0041b03.01ལྡན་འདས་ཀྱི་གསོ་རས་ཕྱག་དར་ཁྲོད་ཀྱི་ན་བཟའ་གཟུང་བར་བགྱིའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་གི་རས་ཡུག་ཆེན་གྱི་སྣམ་སྦྱར་བཞེས་སོ། །བཅོམ་ལྡན་འདས་ཀྱིས་ཀྱང་ཉིད་ཀྱི་ཕྱག་ནས་གསོ་རས་ཕྱག་དར་ཁྲོད་པ་དེ་ལ་གནང་ངོ་། །
D5.009.0041b04.01དེ་ནས་ཚེ་དང་ལྡན་པ་འོད་སྲུང་གིས་གདམས་ངག་བཏམས་པ་དེས་ཉི་མ་བརྒྱད་དུ་སློབ་པས་བསོད་སྙོམས་ཡོངས་སུ་སྤྱད་དོ། །ཉི་མ་དགུ་པ་ལ་ནི་མི་སློབ་པས་སོ། །དེ་ནས་ཚེ་དང་ལྡན་པ་འོད་སྲུང་དགྲ་བཅོམ་པ་ཁམས་གསུམ་གྱི་འདོད་ཆགས་དང་བྲལ་བ། བོང་བ་དང་
D5.009.0041b05.01གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་སྤངས་པ་ལྟ་བུ། མ་རིག་པའི་སྒོ་ངའི་སྦུབས་དྲལ་བ། རིག་པ་དང་། མངོན་པར་ཤེས་པ་དང་། སོ་སོ་ཡང་དག་པར་རིག་པ་ཐོབ་པ། སྲིད་པ་དང་འདོད་
D5.009.0041b06.01པའི་རྙེད་པ་ལ་ཆགས་པ་དང་། བཀུར་སྟི་ལས་ཕྱིར་ཕྱོགས་པ། དབང་པོ་དང་། ཉེ་དབང་དང་བཅས་པའི་ལྷ་རྣམས་ཀྱིས་རི་མོར་བྱ་བ་དང་། མཆོད་པར་བྱ་བ་དང་། ཕྱག་བྱ་བར་གྱུར་ཏོ། །དེ་ན་ཁ་ཅིག་གིས་འདི་སྐད་ཅེས་སྨྲས་སོ། །ཀྱེ་མ་དགེ་སློང་འོད་
D5.009.0041b07.01