完整藏文原文 · 德格版页 当前仅加载第 67 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
ཅུ་དང་། ལྷ་བྲན་བརྒྱ་སྟོང་ཕྲག་བཅོ་བརྒྱད་ཀྱིས་སངས་རྒྱས་བཅོམ་ལྡན་འདས་ལ་ཡོངས་སུ་བསྐོར་ནས་ལྷན་ཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ལེགས་པར་འོངས་པ་ལ་བཀའ་སྩལ་པ། ལེགས་པར་འོངས་པ་དེ་བཞིན་གཤེགས་པའི་སེང་
D263.067.0091a01.01གེའི་ཁྲི་བཤམས་པ་དེ་ལ་བདག་འདུག་སྟེ། ཉན་ཐོས་རྣམས་ལ་ཉན་ཐོས་ཀྱི་གཏམ་སྨྲ་བར་འགྱུར་རོ། །བཅོམ་ལྡན་འདས་དེ་བཞིན་ནོ་ཞེས་གསོལ་པ་དང་། ཚེ་དང་ལྡན་པ་ལེགས་པར་འོངས་པ་ཕྱིར་མཉན་ཏེ། །བཅོམ་ལྡན་འདས་ཀྱི་ཕྱིར་ཕོ་བྲང་ཟླུམ་པོ་བྱས་པར་གྱུར་ཏོ། །དེ་ནས་
D263.067.0091a02.01བཅོམ་ལྡན་འདས་ཀྱིས་འཁོར་ཐམས་ཅད་དང་ལྡན་པ་ལ་རྣམ་པར་ཀུན་ཏུ་བལྟས་ཏེ། ཕོ་བྲང་ཟླུམ་པོར་བཤམས་པ་ཉིད་དུ་བཞུགས་སོ། །དེ་ནས་དགེ་སློང་གཞན་དག་ཀྱང་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་བྱས་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་ཏེ།
D263.067.0091a03.01ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཇིག་རྟེན་ཞེས་བགྱི་བ་བཙུན་པ་བཅོམ་ལྡན་འདས་འཇིག་རྟེན་ཞེས་བགྱི་བ་ནི་གང་ལགས། དེ་བཞིན་གཤེགས་པས་འཇིག་རྟེན་དུ་བཏགས་པས་བཏགས་པ་ནི་ཇི་ལྟ་བུ་ལགས། དེ་སྐད་ཅེས་
D263.067.0091a04.01གསོལ་པ་དང་། བཅོམ་ལྡན་འདས་ཀྱིས་དགེ་སློང་དེ་ལ་འདི་སྐད་ཅེས་བཀའ་སྩལ་ཏོ། །དགེ་སློང་དག་འཇིག་རྟེན་འཇིག་རྟེན་ཞེས་བྱ་བ་དང་། དེ་དེ་བཞིན་གཤེགས་པས་འཇིག་རྟེན་དུ་བཏགས་པས་བཏགས་པ་ནི་ཇི་ཙམ་ཞེས་དགེ་སློང་ཁྱོད་དེ་སྐད་འདྲིའམ། བཅོམ་ལྡན་
D263.067.0091a05.01འདས་དེ་བཞིན་ནོ། །དེའི་ཕྱིར་དགེ་སློང་ཁྱོད་ལེགས་པར་ཉོན་ལ་ཤིན་ཏུ་ཡིད་ལ་ཟུང་ཤིག་དང་ངས་བཤད་དོ། །བཙུན་པ་དེ་བཞིན་ནོ་ཞེས་གསོལ་ཏེ། དགེ་སློང་དེ་བཅོམ་ལྡན་འདས་ལ་ཕྱིར་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །དགེ་སློང་
D263.067.0091a06.01འཇིག་རྟེན་ཞེས་བྱ་བ་ནི་འཇིག་རྟེན་རྣམ་པ་གཉིས་ཏེ། སྣོད་ཀྱི་འཇིག་རྟེན་དང་། འདུ་བྱེད་ཀྱི་འཇིག་རྟེན་ནོ། །དགེ་སློང་དེ་ལ་སྣོད་ཀྱི་འཇིག་རྟེན་ནི་གང་། འདུ་བྱེད་ཀྱི་འཇིག་རྟེན་ནི་གང་ཞེ་ན། སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་ཇི་ཙམ་པ་ནི་སྣོད་ཅེས་
D263.067.0091a07.01