完整藏文原文 · 德格版页 当前仅加载第 67 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་ཀྱི་རྣམ་པར་ཤེས་པའི་འདུས་ཏེ་རེག་པ་ཡང་གཉིས་སུ་མེད་པ་སྟེ། གཉི་ག་ཡང་དངོས་པོ་མེད་པའི་ཕྱིར་རོ། །དེས་ན་རྣམ་པར་ཤེས་པ་དང་འདུས་ཏེ་རེག་པ་ལྡང་བ་ཇི་སྙེད་པ་ཐམས་ཅད་དང་། ཁམས་གསུམ་པ་ཐམས་ཅད་ཁོང་དུ་ཆུད་པ་དང་། ཁ་དོག་དང་། མཚན་
D263.067.0150a01.01དང་། དབྱིབས་ཁོང་དུ་ཆུད་པ་དང་། ནམ་མཁའ་ལ་བརྟག་པ་ལ་འཇུག་པ་ཡང་ཆོས་ཀྱི་དབྱིངས་སོ། །གང་རེག་པའི་སྐྱེ་མཆེད་དྲུག་ལ་རྣམ་པར་དཔྱོད་ཅིང་འབྲེལ་པར་འབྱུང་བ་ཀུན་ཏུ་སློང་བའི་རྣམ་པར་དཔྱོད་པ་ཁོང་དུ་ཆུད་པ་ཆགས་པ་ཐམས་ཅད་བརྗོད་པས་བཅིངས་པ། བདུད་ཀྱི་དབང་དུ་སོང་བ་ནི་
D263.067.0150a02.01བདུད་ཀྱི་འདོད་པ་ཇི་ལྟ་བ་བཞིན་དུ་བྱེད་པའོ། །གང་རེག་པའི་སྐྱེ་མཆེད་དྲུག་ལ་མི་དཔྱོད་ཅིང་མི་སྐྱེ་བ་ཀུན་ཏུ་སློང་བ་དང་། ཁ་དོག་དང་། དབྱིབས་ཐམས་ཅད་སེལ་བ་དང་། སྐད་ཅིག་གིས་འཇིག་པ། ནམ་མཁའ་ལ་བརྟག་པའི་མཚན་ཉིད་ལྟ་བུ་འདི་ནི་འཇིག་རྟེན་ལས་འདས་པ་བརྗོད་དུ་
D263.067.0150a03.01མེད་པའི་ཡེ་ཤེས་ཁོང་དུ་ཆུད་པའོ། །གང་གཟུགས་ལ་རོ་མྱང་ཞིང་རེག་པའི་སྐྱེ་མཆེད་དྲུག་དང་། འདོད་པའི་ཡོན་ཏན་ལྔ་ལ་རྟག་པའམ། མི་རྟག་པ་ཞེས་དཔྱོད་པ་ཁོང་དུ་ཆུད་ཅིང་ཆགས་པ་ཐམས་ཅད་བརྗོད་པའི་བར་དག་ཀྱང་བདུད་ཀྱི་འདོད་པ་ཇི་ལྟ་བ་བཞིན་དུ་བྱེད་པའོ། །གང་ཡང་
D263.067.0150a04.01གཟུགས་ལ་རོ་མྱང་བ་དང་འདོད་པ་ལྔའི་ཡོན་ཏན་དང་། རེག་པའི་སྐྱེ་མཆེད་དྲུག་ལ་རྟག་པའམ། མི་རྟག་པ་ཞེས་རྣམ་པར་དཔྱོད་པར་ནུས་པ། ཀུན་ཏུ་སློང་བའི་མཚན་ཉིད་ཡིད་ལ་བྱེད་པ་དེ་ནི་ཆགས་པ་ཐམས་ཅད་ཡོངས་སུ་གཅོད་པ་འཇིག་རྟེན་ལས་འདས་པ་བརྗོད་དུ་མེད་པ་ཁོང་དུ་ཆུད་པའི་
D263.067.0150a05.01བྱང་ཆུབ་ཀྱི་ལམ་རྣམ་པར་སྦྱོང་བའོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། གང་ཡང་རྣམ་པར་ཤེས་པ་དང་། རེག་པའི་སྐྱེ་མཆེད་དྲུག་ལ་རྟག་པའམ། མི་རྟག་པ་ཞེས་དཔྱོད་པ་ཁོང་དུ་ཆུད་པ་ཆགས་པ་ཐམས་ཅད་བརྗོད་པའི་བར་དེ་ཡང་བདུད་ཀྱི་
D263.067.0150a06.01འདོད་པ་ཇི་ལྟ་བ་བཞིན་དུ་བྱེད་པའོ། །གང་ཡང་ཡིད་ཀྱི་རྣམ་པར་ཤེས་པ་དང་རེག་པའི་སྐྱེ་མཆེད་དྲུག་ལ་འདོད་པའི་ཡོན་ཏན་ལྔའི་རོ་མྱང་བར་མི་བྱེད་ཅིང་མུན་པ་ཡང་མེད། སྣང་བ་ཡང་མེད་དེ་ནམ་མཁའ་ལྟར་གཉིས་ལྟ་བུར་བྱ་བ་མ་ཡིན་པ་འདི་ཡང་འཇིག་རྟེན་ལས་འདས་པ་བརྗོད་དུ་མེད་པ་
D263.067.0150a07.01