完整藏文原文 · 德格版页 当前仅加载第 67 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
བསླབ་པའི་གནས་ལ་རབ་ཏུ་འགོད་པ་དང་། ཉེས་པ་མང་པོས་ཉེན་ལ། ལུས་དང་། ངག་དང་། ཡིད་སྡོམ་པའི་ཚུལ་ཅན་གྱི་སེམས་ཅན་རྣམས་བསམ་གཏན་དང་། རྣམ་པར་ཐར་པ་དང་། གཟུངས་དང་། བཟོད་པ་ལ་སྦྱོར་ཞིང་སོ་སོར་འགོད་པ་དང་དགོན་པ་བས་མཐའི་མལ་སྟན་ལ་
D263.067.0207a01.01མངོན་པར་དགའ་ལ་སེམས་ཅན་ཡང་དེ་ལ་སྦྱོར་ཞིང་དེ་དག་ཕན་པ་ལ་སྦྱོར་བ་དང་། སེར་སྣ་ཅན་རྣམས་སྦྱིན་པ་ལ་སྦྱོར་བ་ནས། འཆལ་པའི་ཤེས་རབ་ཅན་སྡིག་པའི་བས་མཐའི་སྤྱོད་ཡུལ་དང་ལྡན་པ། ལྟ་བའི་ཐིབས་པོ་ལ་གནས་པ་རྣམས་འཕགས་པའི་ཤེས་རབ་ཀྱི་སྟོབས་ལ་སྦྱོར་ཞིང་སོ་སོར་འགོད་དེ།
D263.067.0207a02.01སེམས་ཅན་སྡུག་བསྔལ་སྣ་ཚོགས་ཀྱིས་ནོན་པ་རྣམས་ཡོངས་སུ་ཐར་བར་བྱེད་པ་ནི་བསོད་ནམས་ཀྱི་ཕུང་པོ་རབ་ཏུ་མང་བར་འཕེལ་ལོ། །འདི་ལ་གང་ཉོན་མོངས་པ་རྙོག་པ་ལྔའི་སངས་རྒྱས་ཀྱི་ཞིང་དུ་དམ་པའི་ཆོས་འཇིག་པའི་དུས་ཉིན་མཚན་བདུན་དུ་སེམས་ཅན་ཡོངས་སུ་སྨིན་པར་བྱ་བའི་ཕྱིར་སྐྱོ་བ་བཟོད་
D263.067.0207a03.01ཅིང་བཟོད་པའི་སྟོབས་ཀྱི་མཐུ་འདིས་སེམས་ཅན་ཡོངས་སུ་སྨིན་པར་བྱེད་ཅིང་ཆུང་ངུ་ན་བཟོད་པ་འདི་ཡང་དག་པར་ལེན་དུ་འཛུད་དེ། སེམས་ཅན་རྣམས་ལ་སྟོན་ཅིང་ཚིག་ཏུ་འདོན་པ་དང་། གླེགས་བམ་ལ་འདྲིར་འཇུག་པ་ནི་བསོད་ནམས་རབ་ཏུ་མང་དུ་འཕེལ་ཏེ། ཡོངས་སུ་དག་པའི་སངས་རྒྱས་ཀྱི་ཞིང་
D263.067.0207a04.01དག་ཏུ་བྱང་ཆུབ་སེམས་དཔའ་གྲངས་མེད་པ་ཆུ་ཀླུང་གང་གཱ་བཅུའི་བྱེ་མ་སྙེད་ཀྱིས་ཕ་རོལ་ཏུ་ཕྱིན་པ་དྲུག་སྤྱད་པ་ནི་བསོད་ནམས་ཀྱི་ཕུང་པོ་དེ་སྙེད་དུ་མི་འཕེལ་ལོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་དེ་དག་ནི་རང་བཞིན་གྱིས་སྙིང་རྗེ་ཆེན་པོ་དང་ལྡན་པའོ། །སེམས་ཅན་ཆེན་པོ་
D263.067.0207a05.01དེ་དག་ནི་དགོས་པ་ཆེན་པོ་ལ་བརྩོན་པ་དང་ལྡན་པའོ། །སེམས་ཅན་ཆེན་པོ་དེ་དག་ནི་བརྩོན་འགྲུས་ཆེ་བ། ཤེས་རབ་ཀྱིས་བརྒྱན་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི་རབ་ཏུ་མྱུར་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བའོ། །གང་ཉོན་
D263.067.0207a06.01མོངས་པ་རྙོག་པ་ལྔའི་སངས་རྒྱས་ཀྱི་ཞིང་དུ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པའི་སྟོབས་བསྐྱེད་པ་འདིས་སེམས་ཅན་ཡོངས་སུ་སྨིན་པར་བྱེད་པ་ནས། གླེགས་བམ་ལ་འདྲིར་འཇུག་པའི་བར་དུ་སྦྱོར་ཞིང་དམ་པའི་ཆོས་འཇིག་པ་ན་ཆོས་ཀྱི་སྒྲོན་མ་འབར་བར་
D263.067.0207a07.01