完整藏文原文 · 德格版页 当前仅加载第 67 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱང་རྒྱས་པར་གྱུར་ཏོ། །ས་དང་ནམ་མཁའ་ལ་གནས་པའི་སེམས་ཅན་གྱིས་ལེགས་སོ་ཞེས་བྱ་བ་བྱིན་ཏེ། སྐྱེས་བུ་དམ་པ་དེ་བཞིན་གཤེགས་པའི་གསང་བའི་རྗེས་སུ་འཇུག་པ་གཉིས་སུ་མེད་པའི་ཆོས་ཀྱི་སྒོ་འདི་སྟོན་པ་བསྟན་པ་ལེགས་པར་བཤད་པ་ལེགས་སོ་ལེགས་སོ། །དེ་ནས་དེ་ཉིད་
D263.067.0113b01.01ཀྱི་ཚེ་ན་བཅོམ་ལྡན་འདས་འོད་ཟེར་འབྱུང་བའི་བདག་པོ་ཞེས་བྱ་བའི་ཏིང་ངེ་འཛིན་ལས་བཞེངས་ཏེ། ཁང་པ་བརྩེགས་པ་གཅིག་ན་བཅོམ་ལྡན་འདས་བཞུགས་པར་ཡང་དག་པར་མཐོང་བ་མ་གཏོགས་པར་སངས་རྒྱས་ཀྱི་སྐུ་དེ་དག་དང་། ཁང་པ་བརྩེགས་པ་དེ་དག་ཀྱང་མི་སྣང་བར་གྱུར་ནས།
D263.067.0113b02.01འཁོར་ཐམས་ཅད་དང་ལྡན་པ་དེ་ངོ་མཚར་ཐོབ་པར་གྱུར་ཏོ། །དེ་ནས་བྱང་ཆུབ་སེམས་དཔའ་རྒྱལ་པོ་མང་པོའི་མཆོག་གིས་བྱང་ཆུབ་སེམས་དཔའ་དྲང་སྲོང་རྣམ་པར་འགྲེལ་པ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁང་པ་བརྩེགས་པ་འདི་དག་ནི་གང་ནས་འོངས། ཡང་གང་དུ་འགྲོ །
D263.067.0113b03.01དེ་ནས་བྱང་ཆུབ་སེམས་དཔའ་དྲང་སྲོང་རྣམ་པར་འགྲེལ་པས་བྱང་ཆུབ་སེམས་དཔའ་རྒྱལ་པོ་མང་པོའི་མཆོག་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ད་དུང་འགྲོ་བ་དང་། འོང་བའི་འདུ་ཤེས་སུ་འཇུག་གོ། །བྱང་ཆུབ་སེམས་དཔའ་རྒྱལ་པོ་མང་པོའི་མཆོག་གིས་སྨྲས་པ། རིགས་
D263.067.0113b04.01ཀྱི་བུ་འདི་ལྟར་འོངས་སོ་ཞེས་བྱ་བ་འདི་ནི་གློ་བུར་གྱི་ཚིག་གོ། །རིགས་ཀྱི་བུ་འགྲོའོ་ཞེས་བྱ་བ་འདི་ནི་བདག་མེད་པའི་ཚིག་གོ། །བྱང་ཆུབ་སེམས་དཔའ་དགྲ་རྣམ་པར་འགྲེལ་པས་སྨྲས་པ། རིགས་ཀྱི་བུ་གློ་བུར་གྱི་ཚིག་དང་། རིགས་ཀྱི་བུ་བདག་མེད་པའི་ཚིག་གིས་ཀྱང་རིགས་ཀྱི་བུ་ང་ཡིར་བྱ་
D263.067.0113b05.01བ་དང་། བདག་གིར་བྱ་བའི་ཚིག་གོ། །སྐྱེས་བུ་གང་ཟག་ང་ཡིར་བྱ་བ་དང་། བདག་གིར་བྱ་བ་ལ་ཆགས་པས་ཕྱིན་ཅི་ལོག་བཞི་སྟེ། མི་རྟག་པ་ལ་རྟག་པར་འདུ་ཤེས་པ་དང་། སྡུག་བསྔལ་བ་ལ་བདེ་བར་འདུ་ཤེས་པ་རྣལ་འབྱོར་གྱི་རྗེས་སུ་ལྡན་པ་དང་། མི་གཙང་བ་ལ་གཙང་བར་འདུ་ཤེས་པ་
D263.067.0113b06.01དང་། བདག་མེད་པ་ལ་བདག་ཏུ་འདུ་ཤེས་པར་རྣལ་འབྱོར་གྱི་རྗེས་སུ་ལྡན་པ་ལ་ཞུགས་པའོ། །སྐྱེས་བུ་གང་ཟག་སེམས་ཕྱིན་ཅི་ལོག་ལ་ཞུགས་པས་སྒྲིབ་པ་ལྔར་འགྱུར་རོ། །ལྔ་གང་ཞེ་ན། འདི་ལྟ་སྟེ། འདོད་པ་ལ་སྲེད་པའི་སྒྲིབ་པ་དང་། གནོད་སེམས་དང་། རྨུགས་པ་དང་། གཉིད་
D263.067.0113b07.01