完整藏文原文 · 德格版页 当前仅加载第 67 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
བྲམ་ཟེའི་བྱིས་པ་དེ་དག་གིས་བཅོམ་ལྡན་འདས་ཀྱི་ཡོན་ཏན་འདི་སྨྲས་མ་ཐག་ཏུ་བཅོམ་ལྡན་འདས་ཀྱིས་ལེགས་སོ་ཞེས་བྱ་བ་བྱིན་ཏེ། དེ་ནས་དྲང་སྲོང་ཐུབ་པ་གདན་དེ་ལས་བཞེངས་པ་དང་། དེ་ཉིད་ཀྱི་ཚེ་ན་ཐམས་ཅད་དང་ལྡན་པའི་སངས་རྒྱས་ཀྱི་ཞིང་ཆེན་པོ་འདི་ལན་
D263.067.0137a01.01དྲུག་ཏུ་གཡོས་སོ། །ལྷ་དང་ཀླུ་དང་། གནོད་སྦྱིན་དང་། ལྷ་མ་ཡིན་དང་། མིའམ་ཅི་དང་། ལྟོ་འཕྱེ་ཆེན་པོ་དུ་མས་ཀྱང་མི་མཇེད་ཀྱི་སངས་རྒྱས་ཀྱི་ཞིང་མ་ལུས་པར་ལྷ་རྫས་ཀྱི་མེ་ཏོག་གི་ཆར་མངོན་པར་ཕབ་བོ། །ལྷ་རྫས་ཀྱི་ཨ་ག་རུ་དང་། ཏ་ག་ར་དང་། དུས་དང་འཐུན་པའི་
D263.067.0137a02.01ཙན་དན་གྱི་ཆར་མངོན་པར་ཕབ་བོ། །ལྷ་རྫས་ཀྱི་གོས་དང་། རྒྱན་དང་ཡིད་བཞིན་གྱི་གོས་དང་། ནོར་བུ་དང་། མུ་ཏིག་གི་སེ་མོ་དོ་དང་རིན་པོ་ཆེའི་ཆར་མངོན་པར་ཕབ་བོ། །ལྷ་རྫས་ཀྱི་རོལ་མོ་རྡུང་བ་མངོན་པར་དཀྲོལ་ཏོ། །དབྱངས་ཀྱིས་ལྷུང་ལྷུང་ལྡེགས་ཀྱི་སྒྲ་ཕྱུང་ནས་འདི་སྐད་ཅེས་
D263.067.0137a03.01གསོལ་ཏོ། །བདག་ཅག་སྔོན་མ་བསྟན་པའི་ཆོས་མཉན་པར་བགྱིའོ། །བདུད་ཀྱི་ཡུལ་ལས་ཡང་དག་པར་ཤིན་དུ་འདའ་བར་བགྱིའོ། །ཉོན་མོངས་པའི་ཡུལ་གཞོམ་པར་བགྱིའོ། །ཡེ་ཤེས་ཀྱི་ཡུལ་ཁོང་དུ་ཆུད་པར་བགྱིའོ། །ཟབ་མོ་སྟོང་པ་ཉིད་ཀྱི་ལམ་ཁོང་དུ་ཆུད་པར་བགྱིའོ་
D263.067.0137a04.01ཞེས་གསོལ་པ་དང་། དེ་ནས་བཅོམ་ལྡན་འདས་ཁང་པ་བརྩེགས་པ་དེ་དག་ལ་འཛེགས་ཏེ། སེང་གེའི་ཁྲི་བཤམས་པ་དེ་ཉིད་ལ་བཞུགས་ནས་མི་མཇེད་ཀྱི་སངས་རྒྱས་ཀྱི་ཞིང་ཐམས་ཅད་དང་ལྡན་པས་དང་ནམ་མཁའ་ཁྱབ་པའི་འཁོར་ཀུན་ཅང་མི་སྨྲ་བར་གྱུར་ནས་ཐལ་མོ་སྦྱར་ཏེ་སེམས་
D263.067.0137a05.01རྩེ་གཅིག་ཏུ་དྲང་སྲོང་ཐུབ་པ་ལ་ལྟ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་སངས་རྒྱས་ཀྱི་ཞིང་ཐམས་ཅད་དང་ལྡན་པ་མ་ལུས་པར་ས་དང་ནམ་མཁའ་ཁྱབ་པའི་འཁོར་ལ་རྣམ་པར་གཟིགས་ནས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །སེམས་ཅན་ཇི་སྙེད་འདིར་ནི་ཀུན་ལྷགས་པ། །
D263.067.0137a06.01བྱང་ཆུབ་འདོད་རྣམས་ཡོངས་སུ་ཆོས་ཚོལ་ན། །བྱང་ཆུབ་མཆོག་གི་སྤྱོད་པ་རབ་བསྟན་གྱིས། །དེ་དག་ཐམས་ཅད་རྩེ་གཅིག་སེམས་སུ་ཉོན། །སེམས་ཅན་ལ་ལ་གཏི་མུག་སྲེད་པས་བསྒྲིབས། །ཕུང་པོ་དག་ལའང་ལྟ་བ་རྣམ་མི་སྤོང་། །གང་དག་ད་དུང་བྱང་ཆུབ་མཆོག་སྤྱོད་བརྩོན། །ཡང་
D263.067.0137a07.01