完整藏文原文 · 德格版页 当前仅加载第 67 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
འཐོབ། སྡུག་བསྔལ་ཐམས་ཅད་ཟད་པར་འགྱུར་བ་འཐོབ་བོ། །དགེ་བའི་ལས་ཀྱི་ལམ་དེས་སེམས་ཅན་ཐམས་ཅད་ཀྱི་མཆོག་དམ་པ་ཁྱད་པར་ཅན་ཕུལ། བྱམས་པ་ཆེན་པོ། སྙིང་རྗེ་ཆེན་པོ་ཐམས་ཅད་མཁྱེན་པའི་ཡེ་ཤེས་ཆེན་པོ་འཐོབ་པར་འགྱུར་རོ། །སེམས་ཅན་
D263.067.0202b01.01ཐམས་ཅད་ལ་སྙིང་བརྩེ་ཞིང་ཕན་པར་བྱེད་པར་འགྱུར་རོ། །དེ་ལ་དགེ་བའི་ལས་ཀྱི་ལམ་བཅུ་པོ་གང་ཞེ་ན། དགེ་བའི་ལས་ཀྱི་ལམ་གང་དང་ལྡན་ན་སེམས་ཅན་རྣམས་མྱུར་དུ་ལྷ་དང་མིར་སྐྱེ་བ་འཐོབ་པ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་འཐོབ་
D263.067.0202b02.01པར་འགྱུར་བ་སྟེ། དེ་ལ་གྲོགས་པོ་དག་ལྷ་དང་མི་རྙེད་ནས་དགེ་བའི་ལས་ཀྱི་ལམ་ལ་བརྩོན་པར་བྱའོ། །སྦྱིན་པ་སྦྱིན་ནོ། །ཚུལ་ཁྲིམས་སྲུང་ངོ་། །འདུ་ཤེས་བཅུ་བསྒོམ་པར་བྱའོ། །བཅུ་གང་ཞེ་ན། འདི་ལྟ་སྟེ། རྣམ་པར་བམ་པར་འདུ་ཤེས་བསྒོམ་པར་བྱའོ། །
D263.067.0202b03.01གང་གིས་རྒྱུན་དུ་ཞུགས་པའི་འབྲས་བུ་ནས། དགྲ་བཅོམ་པའི་འབྲས་བུའི་བར་དུ་ཐོབ་ཅིང་སྡུག་བསྔལ་ཐམས་ཅད་ཟད་པར་འགྱུར་བ་དང་། རྣམ་པར་རྣགས་པར་འདུ་ཤེས་པ་དང་། རྣམ་པར་སྔོས་པར་འདུ་ཤེས་པ་དང་། རྣམ་པར་དམར་བར་འདུ་ཤེས་པ་དང་། འབུས་གང་བར་འདུ་ཤེས་
D263.067.0202b04.01པ་དང་། རྣམ་པར་ཟོས་པར་འདུ་ཤེས་པ་དང་། རྣམ་པར་འཐོར་བར་འདུ་ཤེས་པ་དང་། ཀེང་རུས་སུ་འདུ་ཤེས་པ་དང་། རྣམ་པར་ཚིག་པར་འདུ་ཤེས་པ་དང་། འཆི་བར་འདུ་ཤེས་པ་བསྒོམ་པར་བྱའོ། །གང་གིས་རྒྱུན་ཏུ་ཞུགས་པའི་འབྲས་བུ་ནས། དགྲ་བཅོམ་པའི་འབྲས་བུའི་
D263.067.0202b05.01བར་དུ་ཐོབ་ཅིང་སྡུག་བསྔལ་ཐམས་ཅད་ཟད་པ་ཐོབ་སྟེ། མིར་གྱུར་པ་ཐོབ་ནས་ཀྱང་ཡང་གང་གིས་རང་སངས་རྒྱས་ཀྱི་ས་རྗེས་སུ་འཐོབ་པར་འགྱུར་བའི་འདུ་ཤེས་བཅུ་གཉིས་བསྒོམ་པར་བྱ་སྟེ། བཅུ་གཉིས་གང་ཞེ་ན། བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་
D263.067.0202b06.01པའི་སྙོམས་པར་འཇུག་པ་བཞི་དང་། སངས་རྒྱས་རྗེས་སུ་དྲན་པ་དང་། ཆོས་རྗེས་སུ་དྲན་པ་དང་། དགེ་འདུན་རྗེས་སུ་དྲན་པ་དང་། ཚུལ་ཁྲིམས་རྗེས་སུ་དྲན་པ་དང་། གཏོང་བ་རྗེས་སུ་དྲན་པ་དང་། སྐྱོ་བ་རྗེས་སུ་དྲན་པ་དང་། ཞི་གནས་རྗེས་སུ་དྲན་པ་དང་། དབུགས་རྒྱུ་བ་རྗེས་སུ་དྲན་
D263.067.0202b07.01