完整藏文原文 · 德格版页 当前仅加载第 67 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
ཡན་ལག་ལྔས་ཕྱག་འཚལ་བར་བྱེད་པ་དེ་བཞིན་དུ་ཡང་བདག་གིས་སྨོན་ལམ་བཏབ་བོ། །ཕྱོགས་བཅུའི་སའི་ཁམས་མཐའ་ཡས་མུ་མེད་པ་འདི་རེ་རེ་ལ་ཡང་རྡུལ་ཤིན་ཏུ་ཕྲ་བ་ཇི་ཙམ་པ་ལྟར་ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། རྣམ་པར་ཤེས་པའི་ཁམས་
D263.067.0193b01.01ཀྱང་དེ་བཞིན་ཏེ། སེམས་ཅན་ཐམས་ཅད་ལས་སེམས་ཅན་རེ་རེ་ལ་ཡང་སྔོན་གྱི་མཐའི་མུ་ནས་བཟུང་སྟེ། མ་རིག་པའི་རྒྱུ་ནས་རྒ་ཤིའི་རྒྱུའི་བར་དུ་ལས་ཀྱི་མངོན་པར་འདུ་བྱེད་པ་མངོན་པར་འདུས་བྱས་ཤིང་འདོར་བ་མེད་པར་འགྱུར་བ་མ་ལུས་པར་ཟད་པར་གྱུར་ཅིག །སེམས་
D263.067.0193b02.01ཅན་རེ་རེ་ལ་ཡང་དེ་ཙམ་གྱི་རྟེན་ཅིང་འབྲེལ་པར་འབྱུང་བའི་ཆོས་ཀྱི་སྒོའི་ཚུལ་ཤེས་པ་དེ་ཆོས་ལ་སུ་ཡང་བླ་ན་མེད་པར་ཡོངས་སུ་མྱ་ངན་ལས་འདའ་བའི་བར་དུ་མ་བརྗེད་ཅིག །གང་ཡང་བདག་གིས་སྔོན་གྱི་མཐའི་མུ་ནས་བཟུང་སྟེ། མ་རིག་པའི་རྒྱུ་ནས་རྒ་ཤིའི་རྒྱུའི་བར་དུ་དེ་ཙམ་གྱི་ལས་
D263.067.0193b03.01ཀྱི་མངོན་པར་འདུ་བྱེད་པ་མངོན་པར་འདུས་བྱས་པར་གྱུར་པ་མ་ལུས་པར་ཡོངས་སུ་ཟད་པར་གྱུར་ཅིག །ཡང་བླ་ན་མེད་པའི་ཡེ་ཤེས་ཆེན་པོ་ཐོབ་པར་བྱ་བའི་བར་གྱི་ཕྱིར་རྟེན་ཅིང་འབྲེལ་པར་འབྱུང་བའི་ཆོས་ཀྱི་ཤེས་པར་བྱ་བ་དྲན་པར་བྱའོ། །གང་གི་ཚེ་བདག་བླ་ན་མེད་པ་ཡང་དག་པར་
D263.067.0193b04.01རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དེའི་ཚེ། སེམས་ཅན་ཐམས་ཅད་ལས་སེམས་ཅན་རེ་རེ་ལ་ཡང་དེ་ཙམ་གྱི་རྟེན་ཅིང་འབྲེལ་པར་འབྱུང་བའི་ཆོས་ལ་འཇུག་པར་བྱ་བ་འདི་ནི་བཅོམ་ལྡན་འདས་བདག་གི་སྨོན་ལམ་དུ་གྱུར་ཏོ། །གང་གི་ཚེ་བདག་སངས་རྒྱས་དང་ཆོས་སྨྲ་བའི་སྤྱན་
D263.067.0193b05.01སྔར་པུས་མོ་གཡས་པའི་ལྷ་ང་ས་ལ་བཙུགས་ཏེ། ལག་པ་གཉིས་ཐལ་མོ་སྦྱར་ནས་མཆོག་ཏུ་དགའ་བའི་མིག་དང་། བཞིན་དང་། དབང་པོ་ཐམས་ཅད་གཅིག་ཏུ་འདུས་པས་སྦྱིན་པའི་གནས་དེ་ལ་རྟག་ཏུ་མཆོད་པར་བྱ་བའི་ཕྱིར་ཉེ་བར་ཕྱིན་ཏེ་བདག་ཉིད་ཀྱི་ལུས་ཀྱི་བ་སྤུའི་ཁུང་བུ་ཇི་ཙམ་པ་དང་།
D263.067.0193b06.01སེམས་ཅན་ཐམས་ཅད་ཀྱི་བ་སྤུའི་ཁུང་བུར་གྱུར་པ་ཇི་ཙམ་པ་དེ་ཙམ་གྱི་སེམས་ཅན་ཐམས་ཅད་ལས་སེམས་ཅན་རེ་རེ་ཞིང་ཡང་དེ་ཙམ་གྱི་ལས་ཀྱི་འབྲས་བུ་ཐམས་ཅད་ཟད་པར་གྱུར་ཅིག །ཉོན་མོངས་པའི་དྲི་མ་ཐམས་ཅད་སྤངས་པར་གྱུར་ཅིག །གཏི་མུག་གི་དྲི་མ་ཐམས་ཅད་སྤངས་པར་
D263.067.0193b07.01