完整藏文原文 · 德格版页 当前仅加载第 67 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
བ་བྱས་ཏེ་འཁོད་དོ། །སྐད་ཅིག་མ་གཅིག་ཙམ་གྱིས་མི་མཇེད་ཀྱི་སངས་རྒྱས་ཀྱི་ཞིང་དུ་ལྷགས་ནས། བཅོམ་ལྡན་འདས་དྲང་སྲོང་ཤཱཀྱ་ཐུབ་པའི་སྤྱན་སྔར་འདུག་སྟེ། ཐལ་མོ་སྦྱར་ནས་ཕྱག་འཚལ་ཏེ་འཁོད་པར་གྱུར་ཏོ། །དེ་ལ་སོགས་པ་བྱང་ཆུབ་སེམས་དཔའ་ཚད་མེད་གྲངས་མེད་
D263.067.0105b01.01པ་རྣམས་དྲང་སྲོང་གི་ཆ་བྱད་ཀྱིས་ཤར་ཕྱོགས་ཀྱི་སངས་རྒྱས་ཀྱི་ཞིང་རྣམ་པར་དག་པ་དང་། རྣམ་པར་མ་དག་པ་ཚད་མེད་གྲངས་མེད་པ་འདིར་སྐད་ཅིག་མ་གཅིག་གིས་ལྷགས་སོ། །དེ་བཞིན་དུ་ལྷོ་ཕྱོགས་ཀྱི་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་
D263.067.0105b02.01ལས་ཤིན་ཏུ་འདས་ཏེ། དེ་ན་རི་རབ་ཀྱི་རྒྱལ་མཚན་ཞེས་བྱ་བའི་འཇིག་རྟེན་གྱི་ཁམས་དེར་དེ་བཞིན་གཤེགས་པ་རི་རབ་ཆེན་པོ་ཞེས་བྱ་བ་བཞུགས་ཏེ། འཚོ་སྐྱོང་བ་ཆོས་ཀྱང་སྟོན་ཏོ། །སངས་རྒྱས་ཀྱི་ཞིང་དེ་ན་བྱང་ཆུབ་སེམས་དཔའ་མངོན་པར་ཤེས་པ་ཞེས་བྱ་བ་དང་། བྱང་ཆུབ་
D263.067.0105b03.01སེམས་དཔའ་གློག་གི་མཆོག་ཅེས་བྱ་བ་དང་། བྱང་ཆུབ་སེམས་དཔའ་དེ་གཉིས་དྲང་སྲོང་གི་ཆ་བྱད་དང་། ལུས་དང་། གཟུགས་དང་། དབྱིབས་ཀྱིས་བདག་མཐོང་ངོ་། །སྔོན་མ་བྱུང་བའི་ཐུབ་པ་ཆེན་པོ་གཞན་ཡང་དྲང་སྲོང་གི་ཆ་བྱད་ཀྱིས་མཐོང་ནས་དེ་བཞིན་གཤེགས་པ་རི་རབ་
D263.067.0105b04.01ཆེན་པོ་དེ་ལ་ཡོངས་སུ་ཞུས་པ་དེ་བཞིན་དུ་ཇི་ལྟ་བུར་གོང་དུ་བཤད་པ་ནས་དེ་བཞིན་དུ་ནུབ་ཕྱོགས་ཀྱི་སངས་རྒྱས་ཀྱི་ཞིང་འདི་ལས་ཤིན་ཏུ་འདས་པའི་བར་དུ་སྟེ། དེ་ན་འདུས་པ་ཞེས་བྱ་བའི་འཇིག་རྟེན་གྱི་ཁམས་དེར་དེ་བཞིན་གཤེགས་པ་དཔལ་སྣང་བ་ཞེས་བྱ་བ་བཞུགས་ཏེ་འཚོ་སྐྱོང་བ་ཆོས་
D263.067.0105b05.01ཀྱང་སྟོན་ཏོ། །དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཡོད་པར་མཐོང་བ་དང་། ཀུ་མུ་དའི་གླང་པོ་ཞེས་བྱ་བ་གཉིས་ཀྱང་ཇི་ལྟར་གོང་དུ་བཤད་པ་ནས། བྱང་ཕྱོགས་ཀྱི་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་ཆུ་བོ་གང་གཱ་གསུམ་གྱི་བྱེ་མ་སྙེད་ལས་ཤིན་ཏུ་
D263.067.0105b06.01འདས་པའི་བར་དུ་སྟེ། དེ་ན་རྒྱན་གཅིག་ཅེས་བྱ་བའི་འཇིག་རྟེན་གྱི་ཁམས་དེར་དེ་བཞིན་གཤེགས་པ་རྒྱན་པོ་ཆེ་ཞེས་བྱ་བ་བཞུགས་ཏེ་འཚོ་སྐྱོང་བ་ཆོས་ཀྱང་སྟོན་ཏོ། །དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྡུལ་དང་བྲལ་བའི་འོད་དང་། ཚངས་པའི་འོད་ཅེས་བྱ་བ་
D263.067.0105b07.01