完整藏文原文 · 德格版页 当前仅加载第 67 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཁྱོད་ཀྱང་མཆོག་ཏུ་བསྟན་ན། བཅོམ་ལྡན་འདས་ད་ལྟར་གང་ན་བ་སོམས་ཤིག །མཽད་གལ་ཡ་ནས་སྨྲས་པ། གང་གི་ཚེ་ཚེ་དང་ལྡན་པ་འོད་སྲུང་ཆེན་པོས་སྨྲས་པ་དེ་ཉིད་ན་བདག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནི་རྫུ་འཕྲུལ་གྱི་སྟོབས་
D263.067.0100a01.01ཀྱིས་རྗེས་སུ་ཤེས་ཀྱི། བཅོམ་ལྡན་འདས་ད་ལྟར་གང་ན་བཞུགས་པ་གང་དུ་བཞུད་ཅེས་བྱ་བ་ནི་མི་མཐོང་ངོ་། །མི་ཤེས་སོ། །དེ་ནས་ཉན་ཐོས་ཆེན་པོ་དེས་ཚེ་དང་ལྡན་པ་མ་འགགས་པ་ལ་སྨྲས་པ། ལྷའི་མིག་གི་ནང་ན་བཅོམ་ལྡན་འདས་ཀྱིས་ཁྱོད་ཀྱང་མཆོག་ཏུ་བསྟན་ན།
D263.067.0100a02.01བཅོམ་ལྡན་འདས་ད་ལྟར་གང་དུ་བཞུད། གང་ན་གནས། སྤྱོད་པ་ནི་ཅི་འདྲ་ཅི་འདྲར་སྤྱོད། ཁྱོད་ཀྱི་ལྷའི་མིག་གིས་ལྟོས། མ་འགགས་པས་སྨྲས་པ། ཁོ་བོས་འཕགས་པའི་ཤེས་རབ་ཀྱི་མིག་གིས་མཐའ་ཡས་མུ་མེད་པའི་སངས་རྒྱས་ཀྱི་ཞིང་རྣམ་པར་བལྟས་ན། བཅོམ་
D263.067.0100a03.01ལྡན་འདས་ད་ལྟར་གང་ན་བཞུགས། གང་དུ་བཞུད་ཅེས་བྱ་བ་དག་ཀྱང་མི་ཤེས་སོ། །མི་མཐོང་ངོ་། །དེས་སྨྲས་པ། ཡང་ཐ་དད་པར་ཡང་དག་པར་ཤེས་པ་ཐོབ་པའི་ཉན་ཐོས་ཀྱི་ཡེ་ཤེས་གང་ལའང་མི་འཇུག་གི །བཟོད་པ་ཐོབ་པའི་བྱང་ཆུབ་སེམས་དཔའི་ཡེ་ཤེས་ནི་དེ་ལ་
D263.067.0100a04.01འཇུག་གོ། །བདག་གིས་བཅོམ་ལྡན་འདས་ད་ལྟར་གང་དུ་བཞུད། གང་ན་བཞུགས་ཞེས་བྱང་ཆུབ་སེམས་དཔའ་ལ་དྲི་སྙམ་པ་དང་། དེ་ནས་ཉན་ཐོས་ཆེན་པོ་དེས་བྱང་ཆུབ་སེམས་དཔའ་གཅིག་ཀྱང་ཡང་དག་པར་རྗེས་སུ་མ་མཐོང་ངོ་། །ཚེ་དང་ལྡན་པ་ཤཱ་རིའི་བུས་སྨྲས་པ།
D263.067.0100a05.01ཚེ་དང་ལྡན་པ་འདི་ལ་རིགས་ཀྱི་བུ་གཞན་ཞིག་གིས་ཕུང་པོ་བཤད་པར་བྱས་པ་དེ་ན་དགེ་སློང་དྲུག་ཅུ་ཙམ་པོ་སྟན་ལས་ལངས་ཏེ་དོང་བས། ཚེ་དང་ལྡན་པ་བཅོམ་ལྡན་འདས་ཐུགས་མི་དགྱེས་ནས་བཏང་སྙོམས་ཤིང་འཕགས་པ་སངས་རྒྱས་ཀྱི་སྤྱོད་པས་རིགས་ཀྱི་བུ་དང་ཐབས་ཅིག་
D263.067.0100a06.01ཏུ་སྤྱོད་དོ། །བདག་ཅག་ནི་རང་རང་གི་སྤྱིལ་པོར་ཞུགས་ཤིང་བསམ་གཏན་བྱ་སྙམ་སྟེ། དེ་ནས་ཉན་ཐོས་ཆེན་པོ་དེ་དག་རང་རང་གི་སྤྱིལ་པོར་ཞུགས་ནས་བསམ་གཏན་བྱེད་དོ།། །།བམ་པོ་གཉིས་པ། དེ་ནས་དེའི་ཚེ་དེའི་དུས་ན་ཕྱོགས་བཅུའི་
D263.067.0100a07.01