完整藏文原文 · 德格版页 当前仅加载第 67 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའ་ལ་འཕྱེན་ཏོ། །བདུད་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་ལྷུང་ལྷུང་ལྡེགས་ཀྱི་སྒྲ་འབྱིན་པ་ལ་འཇུག་གོ། །དྲང་སྲོང་ལྷ་བརྒྱ་སྟོང་ཕྲག་བརྒྱད་ཅུ་རྩ་བཞི་རང་བཞིན་གྱིས་བརྟན་པའི་བརྟུལ་ཞུགས་ཡང་དག་པར་སྤྱོད་པ་དང་། དྲང་སྲོང་སྟོང་ཕྲག་བརྒྱད་ཅུ་རྩ་བཞི་
D263.067.0103a01.01རང་བཞིན་གྱིས་བརྟན་པའི་བརྟུལ་ཞུགས་ཡང་དག་པར་སྤྱོད་པ་དག་ལྷ་རྫས་ཀྱི་མེ་ཏོག་མན་དཱ་ར་བ་ཆེན་པོ་བླངས་ཏེ། བཅོམ་ལྡན་འདས་ཀྱི་དོན་གྱི་ཕྱིར་རྙོག་པ་སེལ་བ་ནས་སྤོས་ཀྱི་ངད་ལྡང་བའི་རིའི་བར་དུ་མཚམས་སྦྱོར་བའི་ཆར་རབ་ཏུ་འབྱིན་ཏོ། །དེ་ནས་བཅོམ་ལྡན་འདས་བཞུད་པའི་
D263.067.0103a02.01ཞབས་ཀྱིས་མེ་ཏོག་གི་སྙིང་པོ་ཀུན་ཏུ་གནོན་པར་གྱུར་ཏོ། །ལྷའི་བུ་ཉི་མ་དང་ཟླ་བ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་མེ་ཏོག་གི་ཆུན་པོའི་ཆར་མངོན་པར་རབ་ཏུ་འབེབས་སོ། །དྲི་ཟ་བྱེ་བ་ཁྲག་ཁྲིག་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་རོལ་མོ་དཀྲོལ་བས་དྲང་སྲོང་ཐུབ་པའི་སྐུ་ལ་
D263.067.0103a03.01འོད་ཟེར་བྱེ་བ་བརྒྱ་སྟོང་འབྱུང་ངོ་། །དེ་ནས་ལྷ་ཡོན་ཏན་ཅན་ཞེས་བྱ་བ་སྤོས་ཀྱི་ངད་ལྡང་བའི་རི་ལ་གནས་པ་ལྷ་བྲན་བརྒྱ་སྟོང་ཕྲག་བརྒྱད་ཅུ་རྩ་བཞི་དང་ལྷན་ཅིག་ཏུ་དྲང་སྲོང་གི་ཆ་བྱད་ཀྱིས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས། བཅོམ་ལྡན་འདས་
D263.067.0103a04.01ལ་མགྲིན་གཅིག་ཏུ་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །སེམས་ཅན་མི་སྲུན་གྲོལ་བྱེད་རྐང་གཉིས་མཆོག །མཉེས་དཀའ་རྒྱལ་བ་གཟུངས་ངན་འདྲེན་མཛད་ཅིང་། །སྡུག་བསྔལ་གཟིར་ལ་བདེ་བའི་མཆོག་སྦྱིན་པ། །རྒྱལ་བ་རྐང་གཉིས་དམ་པ་འདིར་
D263.067.0103a05.01གཤེགས་གསོལ། །སྲེད་པ་རབ་སྤངས་རྣམ་ཐར་གསུམ་སྟོན་ཅིང་། །འགྲོ་ལ་དུས་གསུམ་ནང་ན་ཡེ་ཤེས་ཀྱིས། །བསླབ་པ་གསུམ་སྟོན་དྲི་མ་གསུམ་སྤངས་པ། །ཁམས་གསུམ་ལས་འདས་ཐུབ་པ་འདིར་གཤེགས་གསོལ། །འགྲོ་ལ་ཕྱིན་ཅི་ལོག་བཞི་རྣམ་པར་གྲོལ། །འཁོར་
D263.067.0103a06.01བཞི་དག་གིས་ཞབས་ལ་བསྙེན་བཀུར་ཞིང་། །འགྲོ་ལ་འཕགས་པའི་བདེན་བཞི་རབ་སྟོན་པ། །ཟླ་བ་བས་ཀྱང་ལྷག་པ་འདིར་གཤེགས་གསོལ། །ཐུབ་པ་ཕུང་པོ་ལྔ་འདི་རབ་སྟོན་པ། །འདོད་པ་ལྔ་ལས་སྐྱེ་བོ་རྣམ་གྲོལ་ཞིང་། །འཕགས་པའི་ཤེས་རབ་ཡན་ལག་ལྔ་སྟོན་པ། །
D263.067.0103a07.01