完整藏文原文 · 德格版页 当前仅加载第 67 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་མ་ཡིན་ནོ། །གང་དེ་བཞིན་ཉིད་ཀྱི་ཚུལ་མ་ཡིན་པ་དེ་ནི་མེད་དེ། གང་མེད་པ་དེ་ལ་ནི་སྐྱེ་བ་མེད་དོ། །གང་སྐྱེ་བ་མེད་པ་དེ་ནི་འགག་པ་མེད་དེ། རིགས་ཀྱི་བུ་ཆོས་ཐམས་ཅད་ལ་ནི་སྐྱེ་བ་དང་འགག་པ་མེད་དོ། །འོན་ཀྱང་བྱིས་པ་སོ་སོའི་སྐྱེ་བོ་ཐམས་ཅད་ནི་དཀའ་བར་བྱེད་པ་སྟེ།
D263.067.0158a01.01གང་ལ་བདག་མེད་པ་དེ་སྐྱེད་ཅིང་དེ་ལྟར་མི་དགེ་བའི་རྒྱུ་དང་རྐྱེན་ལ་དམིགས་ནས་གཟུགས་བསྐྱེད་ནས་ཐར་པ་དེ་ལས་ཡོངས་སུ་འཁྱམས་ནས་ངན་སོང་དུ་ཡུན་རིང་པོར་མི་འདོད་པའི་འབྲས་བུ་སོ་སོར་མྱོང་བར་འགྱུར་རོ། །རིགས་ཀྱི་བུ་འདི་ལྟ་སྟེ་དཔེར་ན་ཤིང་ནི་མེ་མ་ཡིན་ལ་ཤིང་ལ་མེ་ཡང་མེད་དེ། ཤིང་
D263.067.0158a02.01དང་མེར་འདྲེས་པ་ཡང་མ་ཡིན་མོད་ཀྱི། འོན་ཀྱང་མེ་འདོད་པའི་མི་ཞིག་གིས་ལག་པ་གཉིས་ཀྱིས་ཤིང་ལ་ཤིང་སྦྱར་བ་དང་དེ་ལས་མེ་ཕྱུང་ནས་ཤིང་དེ་ཉིད་ཚིག་པར་འགྱུར་རོ། །རིགས་ཀྱི་བུ་དེ་བཞིན་དུ་ཕྱི་ནང་གི་དངོས་པོ་དེ་དག་ཐམས་ཅད་ཀྱང་གཅིག་གིས་གཅིག་སྟོང་ཞིང་གཅིག་གི་ཡུལ་གཅིག་
D263.067.0158a03.01མ་ཡིན་ལ། ཚུལ་གཅིག་ཅིང་བདག་མེད་དེ། སྟོང་མོད་ཀྱི་འོན་ཀྱང་བྱིས་པ་སོ་སོའི་སྐྱེ་བོ་དཀའ་བ་བྱེད་པ་རྣམས་ཀྱིས་བདག་མེད་པའི་ཆོས་སྟོང་པ་ལ་ཆགས་ནས། ཕན་ཚུན་ནས་བསྡུས་པས་ན་ལོག་པར་སྤྱོད་པ་གསུམ་གྱི་རྒྱུ་དང་རྐྱེན་བསྐྱེད་དེ། རྒྱུ་དང་རྐྱེན་དེས་ངན་སོང་གསུམ་དུ་མི་
D263.067.0158a04.01འདོད་པའི་འབྲས་བུ་སོ་སོར་མྱོང་ནས་འཁོར་བ་ན་ཡུན་རིང་པོར་འཁོར་བར་འགྱུར་རོ། །འོན་ཀྱང་གང་ཕྱི་ནང་གི་ཆོས་ཐམས་ཅད་ཀྱི་ངོ་བོ་ཉིད་བདག་མེད་ཅིང་སྟོང་པར་རབ་ཏུ་ཤེས་པ་དེ་དག་ནི་ཡང་དག་པར་སྤྱོད་པའི་ཚུལ་གྱིས་བཟོད་པ་འདི་ཡོངས་སུ་རྫོགས་ནས་མྱུར་དུ་བླ་ན་མེད་པ་ཡང་དག་པར་
D263.067.0158a05.01རྫོགས་པའི་བྱང་ཆུབ་ཏུ་མངོན་པར་འཚང་རྒྱའོ། །བཅོམ་ལྡན་འདས་ཀྱིས་དོན་འདི་བསྡུས་ཏེ་གསུངས་པ་དེ་ལ་འདི་སྐད་ཅེས་བཀའ་སྩལ་ཏོ། །བདག་དང་བདག་གིས་བྱིན་བརླབས་པས། །འདོད་པའི་ཡོན་ཏན་ལྔ་ལ་ཆགས། །མིག་ནི་བདག་ཏུ་རབ་ཏུ་ཤེས། །རྣ་བ་སྣ་དང་དེ་ལྟར་ཡིད། །
D263.067.0158a06.01བདེ་དང་སྡུག་བསྔལ་རབ་ཏུ་ཤེས། །འདུ་བྱེད་ཀུན་ལ་སྙེམས་པས་ན། །ངན་སོང་རྣམས་ཀྱང་རབ་ཏུ་བསྐྱེད། །དེ་བས་དེ་དག་དཀའ་བར་བྱེད། །ཆོས་རྣམས་འདི་དག་བྱེད་མེད་པ། །སྤྲོས་མེད་ཡི་གེ་མེད་པ་སྟེ། །ཇི་ལྟར་འཇིགས་པའི་མེ་ལས་ནི། །ངན་སོང་རྣམས་ནི་བསྐྱེད་པར་འགྱུར། །
D263.067.0158a07.01