完整藏文原文 · 德格版页 当前仅加载第 67 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
རྙོག་པ་ལྔའི་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་ཀྱི་སངས་རྒྱས་ཀྱི་ཞིང་འདི་རེ་རེ་ལ་ཀུན་ཏུ་རྒྱུའི་ཆ་བྱད་ཀྱིས་རྣམ་པ་དེ་ལྟ་བུའི་རྩལ་ཆེན་པོ་བྱས་ཏེ། ཕྱིས་གླིང་བཞི་པ་དེ་དག་ཏུ་བདུད་དུ་གྱུར་ཏོ། །དེ་ན་སེམས་ཅན་ལ་ལའི་མདུན་དུ་ཚངས་པའི་གཟུགས་ཀྱིས་འདུག་པར་གྱུར་པ་ནི་དེ་
D263.067.0181b01.01དག་རྟག་པར་ལྟ་བ་ལོག་པར་བཟུང་བ་ལས་ཐར་བར་བྱ་སྟེ། ལ་ལ་བརྒྱ་བྱིན་གྱི་གཟུགས་དང་། ལ་ལ་ཟླ་བ་དང་ཉི་མ་དང་། དབང་ཕྱུག་གི་གཟུགས་ནས། ལ་ལ་འོད་འཕྲོ་བའི་ཕུང་པོའི་བར་དུ་གཟུགས་ཀྱིས་མདུན་དུ་འདུག་པར་གྱུར་ཏོ། །ངས་ཇི་ལྟར་སྔོན་ཀུན་ཏུ་རྒྱུའི་གཟུགས་ཀྱིས་
D263.067.0181b02.01ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་བསྒོམ་པ་སྟོན་ཅིང་ཇི་ལྟར་རང་བཞིན་གྱིས་ཉོན་མོངས་པའི་ཆོས་ཀྱི་དབྱིངས་གཉིས་སུ་མེད་པའི་སྒོས་ཡོངས་སུ་ཤེས་པར་བྱ་བ་དང་། བདག་གི་ཁམས་ཇི་ལྟ་བ་དེ་ལྟར་སེམས་ཅན་གྱི་ཁམས་གཉིས་སུ་མེད་པའི་སྒོས་
D263.067.0181b03.01ཡོངས་སུ་ཤེས་པར་བྱ་ཞིང་། དེ་ལྟར་མིག་གི་གཟུགས་ཀྱི་སྒོ་འཕོས་པ་མེད་ཅིང་རྣམ་པར་ཕྱེ་བ་མེད་པ་གཉིས་སུ་མེད་པའི་ཆོས་བསྟན་པར་འགྱུར་རོ། །དེ་ཅིའི་ཕྱིར་ཞེ་ན། ཆོས་ཐམས་ཅད་སེམས་ཅན་མེད་པ་ནི་སེམས་ཅན་དང་བྲལ་བ་ནས་ཆོས་ཐམས་ཅད་སྤྲོས་པ་མེད་པ་ནི་ལུས་དང་
D263.067.0181b04.01ངག་དང་ཡིད་ཀྱི་འདུ་བྱེད་དང་བྲལ་བའི་བར་དུའོ། །རྒྱལ་པོ་ཆེན་པོ་བསོད་ནམས་ཀྱི་འོད་ཟེར་གྱི་མཛོད་ངས་ཀུན་ཏུ་རྒྱུའི་ཆ་བྱད་ཀྱིས་རྣམ་པ་དེ་ལྟ་བུའི་བདེ་བའི་ལམ་འདི་སྒོམ་པ་ན་སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་ལྟ་བ་སྐྱེད་དོ། །དེའི་འོག་ཏུ་གླིང་བཞི་པ་ཆགས་པ་མེད་པ་དེ་
D263.067.0181b05.01དག་ན་སེམས་ཅན་དེ་དག་ལ་བདུད་ལ་ལ་ཚངས་པའི་གཟུགས་ནས་མེའི་ཁ་དོག་གི་བར་གྱི་གཟུགས་ཀྱིས་ཉེ་བར་ཕྱིན་ཏོ། །སེམས་ཅན་མཆོག་ཏུ་མ་རུངས་པའི་ལྟ་བར་སོང་བ་དེ་དག་ལ་རྣམ་པ་དེ་ལྟ་བུའི་ལམ་སྟོན་ཏོ། །ལ་ལ་ལ་འདི་སྐད་ཅེས་སྨྲས་སོ། །ཀྱེ་སེམས་ཅན་རྣམས་ཚུར་ཤོག །
D263.067.0181b06.01ཀྱེ་སེམས་ཅན་རྣམས་ལེགས་སོ། །འཁོར་བའི་ཕ་རོལ་ཏུ་འགྲོ་བ་དང་རྒ་ཤི་ལས་ཐར་པར་བྱ་བའི་ཕྱིར་ཁྱོད་དགེ་བའི་རྩ་བ་ལ་བརྩོན་པར་གྱིས་ཤིག །ཁྱོད་འབའ་ཞིག་མྱ་ངན་ལས་འདའ་བར་འགྲོ་བ་ཡོངས་སུ་རྫོགས་པའི་ཕྱིར་བདག་ནི་ཁྱོད་མྱ་ངན་ལས་འདའ་བར་འགྲོ་བའི་ལམ་བསྟན་པར་
D263.067.0181b07.01