完整藏文原文 · 德格版页 当前仅加载第 67 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་འདུལ་བའི་ཕྱིར་ཤིན་ཏུ་བརྟན་པར་མོས་པར་འགྱུར་རོ། །ཉན་ཐོས་དང་། རང་སངས་རྒྱས་ཀྱི་ཐེག་པ་ལ་རེ་བསྐྱེད་པར་མི་བྱེད་དོ། །མུ་སྟེགས་ཅན་འདུལ་བའི་ཕྱིར་འགྲོ་བ་ཐམས་ཅད་ལ་འཇུག་གི །ལྟ་བ་ལོག་པར་ནི་མི་འགྱུར་རོ། །སེམས་ཅན་ཐམས་ཅད་ཉེ་བར་འཚོ་བར་བྱ་བའི་ཕྱིར་སྦྱིན་
D263.067.0120b01.01པའི་ལས་ཐམས་ཅད་དང་། ཐམས་ཅད་མཁྱེན་པ་བསྒྲུབ་པའི་དགེ་བ་བཅུའི་རྩ་བ་ཡོངས་སུ་སྔོ་བར་བྱེད་དོ། །བདག་གིར་བྱ་བའི་ལྟ་བ་ཐོབ་པ་དེ་ཚུལ་ཁྲིམས་ལ་ནན་ཏན་དུ་བྱེད་ཅིང་དཀའ་ཐུབ་དང་བརྟུལ་ཞུགས་ཡང་དག་པར་སྤྱོད་པར་འགྱུར་རོ། །སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་
D263.067.0120b02.01དང་གཤིན་རྗེའི་འཇིག་རྟེན་པའི་སེམས་ཅན་ཡོངས་སུ་སྨིན་པར་བྱ་བ་དང་། སྡུག་བསྔལ་ཡོངས་སུ་ཐར་བར་བྱ་བའི་ཕྱིར་དགེ་བའི་རྩ་བ་ཡོངས་སུ་སྔོ་བར་བྱེད་དོ། །བདག་སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་པའི་སྡུག་བསྔལ་གྱིས་འཇིགས་
D263.067.0120b03.01པས་སྐྲག་པར་མི་འགྱུར་རོ། །བདག་ཀྱང་དེ་བཞིན་དུ་སྙིང་རྗེ་ཆེན་པོའི་བརྩོན་འགྲུས་བརྟན་པ་ཕ་རོལ་གནོན་པའི་སྨོན་ལམ་གྱི་དབང་གིས་དེར་བསམས་བཞིན་དུ་སྐྱེ་བ་མཚུངས་པར་འཛིན་ཏོ། །སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་བཟོད་པ་ཐམས་ཅད་དང་ལྡན་པར་འགྱུར་རོ། །
D263.067.0120b04.01སྐད་ཅིག་མའི་འདུ་བྱེད་ཐམས་ཅད་བརྟག །པར་བྱའོ། །ཡུལ་གཅེས་པ་ཐམས་ཅད་ཡང་དག་པར་མཐོང་ངོ་། །སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་དགེ་བའི་རྩ་བ་ཐམས་ཅད་ལ་བརྟན་པའི་བརྩོན་འགྲུས་ཕ་རོལ་གནོན་པར་འགྱུར་རོ། །སེམས་ཅན་ཐམས་ཅད་ཡོངས་སུ་
D263.067.0120b05.01སྨིན་པར་བྱ་བའི་ཕྱིར་སློབ་དཔོན་དང་སློབ་དཔོན་མ་ཡིན་པ་ཐམས་ཅད་ལ་འཇུག་ཅིང་བསམ་གཏན་དང་། ཏིང་ངེ་འཛིན་ལ་སྙོམས་པར་འཇུག་པའི་རྣལ་འབྱོར་ལ་མངོན་པར་བརྩོན་པར་འགྱུར་རོ། །མངོན་པར་འདུ་མི་བྱེད་པར་བརྟགས་ནས་ཡུལ་ཐམས་ཅད་ཀྱི་བདུད་ཀྱི་ལམ་སྤྱོད་པས་བདག་ཏུ་ལྟ་བར་
D263.067.0120b06.01བྱེད་དོ། །སེམས་ཅན་འདུལ་བའི་ཕྱིར་ཤེས་རབ་འབྱུང་བར་འགྱུར་རོ། །བྱིས་པའི་ཡུལ་ལ་སྤྱོད་པ་ཐམས་ཅད་ལའང་བདག་ཏུ་ལྟ་བར་བྱེད་དོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་འཇིག་རྟེན་ཐམས་ཅད་ཀྱི་ཡུལ་ལས་ཤིན་ཏུ་འདས་ཤིང་བསམ་གཏན་བྱེད་དོ། །འཇིག་རྟེན་ཐམས་ཅད་ཀྱི་
D263.067.0120b07.01