完整藏文原文 · 德格版页 当前仅加载第 67 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་དེས་དེ་དག་སྟོང་ངོ་། །ཚོར་བ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །བྱེད་པ་པོའི་རྣམ་པ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །ཤེས་པ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །ལེན་པ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །
D263.067.0143b01.01གྲོལ་བ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །དངོས་པོ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །མུན་པ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །སྣང་བ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །དུས་གསུམ་གྱི་འདོད་ཆགས་དམིགས་པ་
D263.067.0143b02.01རྣམ་པར་སོགས་སོ། །གནས་སམ། བྱེད་དུ་འཇུག་པའམ། སོགས་པར་བྱ་བ་ཡང་དག་པར་རྗེས་སུ་མི་མཐོང་ངོ་། །སེམས་སྒྱུ་མ་ལྟ་བུ་དང་། དུས་གསུམ་གྱི་འདོད་ཆགས་དངོས་པོ་དང་དངོས་པོ་མེད་པ་ཡོངས་སུ་ཆད་པར་ཡང་རྣམ་པར་མི་རྟོག་གོ། །ཇི་ལྟ་བ་བཞིན་དུ་ཤེས་པ་ཅི་ལ་
D263.067.0143b03.01ཡང་ཆགས་པ་མེད་དོ། །ཐམས་ཅད་ལ་མི་རྟེན་པ་དང་། མི་གནས་པ་དང་། ལེན་པ་མེད་པ་དང་། འཕོས་པ་མེད་པ་ལ་གཉིས་སུ་མི་བྱེད་དོ། །ཆོས་ཐམས་ཅད་ཆོས་ཀྱི་དབྱིངས་སུ་ཡང་དག་པར་གཞོལ་བར་ཤེས་པས་ཅུང་ཟད་ཀྱང་དབྱེ་བར་མི་བྱེད་དོ། །དེ་ཆགས་པའི་གཟུགས་ལ་
D263.067.0143b04.01སེམས་རྟོགས་པ་དང་། གཟུགས་དང་། ཚོར་བ་གཉིས་དང་བྲལ་བའོ། །གང་ཆགས་པའི་གཟུགས་ལ་ཚོར་བ་གང་ཆུའི་ཆུ་བུར་ལྟ་བུ་དང་། གང་འབྱུང་བ་ཟད་པ་འཇིག་པར་བརྟག་པ་འདི་དག་ནི་འདུ་བྱེད་བརྟག་པ་མེད་པའོ། །ཁམས་གསུམ་ལས་འབྱུང་བ་འདི་ཡང་སྨོན་པ་མེད་པ་རྣམ་
D263.067.0143b05.01པར་ཐར་བའི་སྒོའོ། །གང་འདོད་ཆགས་དེ་ལ་བརྗོད་དུ་མེད་པའི་ཚོར་བ་དང་། དུས་གསུམ་གྱི་བསྒོམ་པ་ཐོབ་པ་འདི་ཡང་འདུ་བྱེད་སྡུག་བསྔལ་རབ་ཏུ་བྱེད་པའི་སྒོའོ། །ཁམས་གསུམ་གྱི་འདོད་ཆགས་ཀྱི་ཀུན་གཞི་ཚོར་བ་པོ་མེད་པ་དང་། ཉོན་མོངས་པ་མེད་པ་འདི་ཡང་མཚན་མ་མེད་
D263.067.0143b06.01པ་རྣམ་པར་ཐར་བའི་སྒོའོ། །གང་འདོད་ཆགས་ཀྱི་ཀུན་གཞི་ཚོར་བ་བླང་བ་མེད་ཅིང་དོར་བ་མེད་པ་དང་། ཚིག་གི་ལམ་བདག་མེད་པ་དང་། ཡི་གེར་དམིགས་པ་མེད་པ་དང་། ཁམས་གསུམ་གྱི་ཚོར་བ་ཡུལ་མེད་ཅིང་མིག་ཡོར་མེད་པ་འདི་ཡང་འདུ་བྱེད་རྣམ་པར་ཞི་བའི་ཕྱིར་རོ། །
D263.067.0143b07.01