完整藏文原文 · 德格版页 当前仅加载第 67 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
ས་ཡང་ཐོབ་པར་གྱུར་ཏོ། །ཡང་བཅོམ་ལྡན་འདས་ཀྱིས་སངས་རྒྱས་ཀྱི་ཞིང་མ་ལུས་པར་ས་དང་ནམ་མཁས་ཁྱབ་པ་ལ་གནས་པའི་འཁོར་ཐམས་ཅད་དང་ལྡན་པ་ལ་ཤེས་པར་བྱས་པ། བཞིན་{བཟངས་,བཟང་}འདིར་ཡང་དག་པར་ལྷགས་པ་ཇི་ཙམ་པ་ཉོན་ཅིག །དེ་ནས་
D263.067.0185a01.01སངས་རྒྱས་ཀྱི་ཞིང་མ་ལུས་པར་ས་དང་ནམ་མཁས་ཁྱབ་པ་ལ་གནས་པའི་འཁོར་ཐམས་ཅད་དང་ལྡན་པ་དང་། ལྷ་དང་། དྲི་ཟ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་དག་ཐལ་མོ་སྦྱར་ཏེ། ཁ་དོག་དང་། གཟུགས་དང་། དབྱིབས་སྣ་ཚོགས་དཀའ་ཐུབ་དང་། བརྟུལ་ཞུགས་
D263.067.0185a02.01སྤྱོད་པའི་སྤྱོད་ལམ་གྱིས་བཅོམ་ལྡན་འདས་དྲང་སྲོང་ཆེན་པོ་ལ་ལྟའོ། །དེ་ནས་བཅོམ་ལྡན་འདས་ཏིང་ངེ་འཛིན་ལས་བཞེངས་ཏེ། སྔོན་ཇི་ལྟ་བུའི་སངས་རྒྱས་ཀྱི་སྐུ་གཟུགས་ཀྱིས་ཡང་དག་པར་མཐོང་ནས་སངས་རྒྱས་ཀྱི་ཞིང་མ་ལུས་པར་ས་དང་ནམ་མཁས་ཁྱབ་པ་ལ་གནས་པའི་འཁོར་ཐམས་
D263.067.0185a03.01ཅད་དང་ལྡན་པས་ལན་གསུམ་བསྐོར་བ་བྱས་ཏེ། མགྲིན་གཅིག་ཏུ་གསོལ་བ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །ཕྱག་
D263.067.0185a04.01འཚལ་ལོ། །རྣམ་པ་དེ་ལྟ་བུར་འདུས་པ་ལ་ཐེག་པ་གསུམ་གྱིས་སེམས་ཅན་ཡོངས་སུ་སྨིན་ཏོ་ཞེས་ལུང་ཆེན་པོ་བསྟན་པ་སྔོན་མ་མཐོང་མ་ཐོས་སོ། །ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོ་ལེའུ་དགུ་པའོ།། །།
D263.067.0185a05.01བཅོམ་ལྡན་འདས་ཀྱིས་བཀའ་སྩལ་པ། གང་སྔོན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་གྱུར་པ་གང་གིས་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་བྱུང་ནས་སངས་རྒྱས་ཀྱི་ཞིང་བྱ་བ་བྱས་པའི་སངས་རྒྱས་བཅོམ་ལྡན་འདས་དེ་
D263.067.0185a06.01དག་ཐམས་ཅད་ཀྱིས་སེམས་ཅན་རྣམས་ལ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་སྟོན་ཏོ། །གང་ཡང་མ་འོངས་པའི་དུས་ན་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་འབྱུང་བར་འགྱུར་ཞིང་སངས་རྒྱས་ཀྱི་བྱ་བ་བྱེད་པར་འགྱུར་བའི་
D263.067.0185a07.01