完整藏文原文 · 德格版页 当前仅加载第 67 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་ཀྱི་ཕྱིན་ཅི་ལོག་ཀུན་ནས་ལྡང་བ་རྣམས་མངོན་པར་འདུ་བྱ་བ་ན་སྡུག་བསྔལ་བ་དང་། ཡིད་མི་བདེ་བ་མྱོང་བ་དང་། འདུས་བྱས་ཐམས་ཅད་ཀྱི་དངོས་པོ་གར་མཁན་གྱི་ཚོན་འདྲ་བ་དང་། རྨི་ལམ་ལྟ་བུ་དང་། རང་བཞིན་གྱིས་སྨིག་རྒྱུ་ལྟ་བུ་དང་། འཁོར་བ་ལ་ཆགས་པ་རྣམས་བདེ་བར་
D263.067.0124b01.01འདོད་ཅིང་མངོན་པར་འདུ་བྱ་བ་དེས་སྡུག་བསྔལ་རྣམ་པ་སྣ་ཚོགས་མྱོང་བ་དང་། ཆོས་ཐམས་ཅད་ནམ་མཁའི་རང་བཞིན་དུ་མི་ཤེས་པ་ན་ཀུན་ཏུ་སྦྱོར་བས་འཁྲུལ་པ་དང་། མྱོས་པའི་སྡུག་བསྔལ་སྣ་ཚོགས་ཀྱི་ནད་འབྱུང་བར་འགྱུར་བ་དང་། གང་གི་འགྲོ་བ་ལྔའི་འཁོར་བ་ལ་འཁོར་ལོ་སྟུག་པོ་
D263.067.0124b02.01ལྟ་བུའི་སྡུག་བསྔལ་གྱིས་ཡོངས་སུ་འཁོར་བ་དེ་དག་ཀྱང་བདག་ཅག་གིས་ཕྱིན་ཅི་ལོག་བཞི་སྤངས་ཏེ། ཇི་ལྟ་བ་བཞིན་དུ་ཞི་བའི་ལམ་ལ་དགོད་པར་བྱ་ཞིང་ཡང་དག་པའི་སྡུག་བསྔལ་ཐམས་ཅད་ཀྱིས་ཡོངས་སུ་སྨིན་པར་བྱ་བ་ཞིག་སྙམ་པ་དང་། དེ་སེམས་ཅན་རྣམས་ལ་ཚུལ་བཞིན་དུ་རྟོག་སྟེ།
D263.067.0124b03.01སེམས་ཅན་རྣམས་ལ་དམིགས་པའང་མེད་དོ། །སྲོག་དང་། གསོ་བ་དང་། གང་ཟག་དང་། ཤེད་ལས་སྐྱེས་པ་དང་། ཤེད་ཅན་དུ་དམིགས་པའང་མེད་དོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་སྙིང་རྗེ་ཆེན་པོ་ཡང་རྣམ་པར་མི་སྤོང་ངོ་། །བསྟན་པ་ལ་མོས་པས་སེམས་ཅན་
D263.067.0124b04.01རྣམས་འཇིག་རྟེན་ལས་འདས་པའི་ཚུལ་ཁྲིམས་ལ་སྦྱོར་བར་བྱེད། ཐབས་ལ་མཁས་པས་འགོད་པར་བྱེད། དགོན་པ་དང་། ནགས་འདབ་ཏུ་འདུག་པའི་ཕྱིར་སྤྱོད་པར་འགྱུར་རོ། །འདུ་འཛི་ཡོངས་སུ་སྤང་བའི་ཕྱིར་བརྩོན་འགྲུས་བརྩམས་པས་ཉེ་བར་ལེན་པའི་ཕུང་པོ་ལྔ་ལ་ལྷ་དང་
D263.067.0124b05.01མི་མངོན་པར་མོས་པར་བྱ་བའི་ཕྱིར་ཡིད་ལ་བྱེད་པའི་རྣལ་འབྱོར་དང་ལྡན་པར་འགྱུར་རོ། །གང་ཡང་ཕྱག་འཚལ་བ་དང་། བསྙེན་བཀུར་བ་དང་། འདུ་འཛི་སྤང་བའི་ཕྱིར་སེམས་ཅན་དེ་དག་གི་དྲུང་དུ་ཉེ་བར་ཕྱིན་ནས་ཆོས་སྟོན་ཏེ། བག་ལ་ཉལ་བ་སྤང་བའི་ཕྱིར་འགྲོ་བ་ལྔ་ལ་མངོན་པར་ཆགས་པ་
D263.067.0124b06.01རྗེས་སུ་སྨོན་པ་རྣམ་པར་བྱང་བའི་ཕྱོགས་ལ་སྦྱོར་བར་བྱེད་དོ། །ཉེས་པ་མང་པོའི་ལྟ་བ་དང་། ང་ཡིར་བྱ་བ་དང་། བདག་གིར་བྱ་བ་དང་། རྟག་པ་དང་ཆད་པ་ཡོངས་སུ་སྤང་བའི་ཕྱིར་དགོན་པའི་གནས་དང་། སྦྱངས་པའི་ཡོན་ཏན་བཅུ་གཉིས་ལ་རབ་ཏུ་གནས་པར་བྱེད་པ་དེ་དག་གི་གན་དུ་གུས་
D263.067.0124b07.01