完整藏文原文 · 德格版页 当前仅加载第 67 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུང་དུ་མེད་པའོ། །བརྗོད་དུ་མེད་པའོ། །ཆོས་ཐམས་ཅད་ནི་སྐད་ཅིག་མའོ། །འདུ་བྱེད་ཟད་པ་དང་བྲལ་བའོ་ཞེས་བཟོད་པའི་སེམས་བསྒོམ་པར་བྱའོ། །ཆོས་ཐམས་ཅད་ནི་སྐད་ཅིག་མ་ཞེས་ཞི་བའི་སེམས་བསྒོམ་པར་བྱའོ། །མཉམ་པའི་སེམས་དང་། རྣམ་པར་ཞི་བའི་སེམས་དང་།
D263.067.0095b01.01འཛིན་པ་མེད་པའི་སེམས་དང་། འབྱུང་བ་མེད་པའི་སེམས་དང་། སྒྲིབ་པ་མེད་པའི་སེམས་དང་། ཆོད་པ་མེད་པའི་སེམས་དང་། ཕྱིན་ཅི་མ་ལོག་པའི་སེམས་དང་། རྟེན་མེད་པའི་སེམས་དང་། མཉམ་པར་བཞག་པའི་སེམས་དང་། སྡུག་བསྔལ་གྱི་སེམས་བསྒོམ་པར་བྱའོ། །
D263.067.0095b02.01དེ་བཞིན་དུ་ཉེ་བར་ཞི་བ་སྟོང་པ་ཕྱི་དང་ནང་གི་འཇིག་པ་བརྗོད་པའི་ཆོས་ཀྱི་སྒོ་དང་། ཚད་མེད་གྲངས་མེད་པའི་ཆོས་ཀྱི་སྒོ་མེ་ཏོག་དེ་དག་ལ་འབྱུང་བར་འགྱུར་རོ། །སེམས་ཅན་དེ་ཡང་ཆོས་ཀྱི་སྒོ་དེ་ཐོས་ནས་ཟང་ཟིང་མེད་པའི་དགའ་བ་དང་། བདེ་བ་ཐོབ་པ་དེ་འདུ་བྱེད་ཐམས་ཅད་ནི་མི་རྟག་
D263.067.0095b03.01པ། སྡུག་བསྔལ་བ། བདག་མེད་པ། སྟོང་པ་ཉིད་ཀྱི་དྲན་པ་དང་། ཚུལ་ཁྲིམས་ཐོབ་བོ། །ཁྱིམ་གྱི་བཅིངས་པ་ཐམས་ཅད་དང་། འདོད་པའི་ཡོན་ཏན་ལྔ་ཡང་དག་པར་སྤངས་ཏེ་བྱུང་ནས་རིའི་སུལ་དང་། ཁྱིམ་མེད་པ་སྟོང་པའི་ནགས་ཚལ་སྟུག་པོར་གནས་པར་འགྱུར་རོ། །
D263.067.0095b04.01དྲང་སྲོང་གི་ཆ་བྱད་ཀྱིས་འབྲས་བུ་དང་། རྩ་བ་དང་། རྩྭའི་ཟས་ལ་གནས་པར་འགྱུར་རོ། །ཉེ་བར་ལེན་པའི་ཕུང་པོ་ལྔ་པོ་དེ་དག་ལ་མི་བཟད་པར་མོས་ཤིང་བརྩོན་འགྲུས་རྩོམ་པ་ལ་སྤྲོ་བར་བྱེད་དོ། །ཉེ་བར་ལེན་པའི་ཕུང་པོ་ལྔ་པོ་འདི་དག་ལ་ནད་དང་། ཤུ་བ་དང་། ཟུག་རྔུ་དང་། མི་རྟག་པ་དང་།
D263.067.0095b05.01སྡུག་བསྔལ་བ་དང་། སྟོང་པ་དང་། བདག་མེད་པར་ཡིད་ལ་བྱེད་དོ། །མངོན་པར་ཤེས་པ་ལྔ་ཐོབ་བོ། །ཚངས་པའི་འཇིག་རྟེན་ལ་གཞོལ་བར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་འདི་འདྲ་བའི་བཟོད་པ་སྒོམ་པ་དེ་ནི་མིང་མི་དམིགས་སེམས་ཅན་མི་དམིགས། སྲོག་མི་དམིགས།
D263.067.0095b06.01གསོ་བ་མི་དམིགས། གང་ཟག་མི་དམིགས། གཟུགས་མི་དམིགས། ཚོར་བ་མ་ཡིན། འདུ་ཤེས་མ་ཡིན། འདུ་བྱེད་མ་ཡིན། རྣམ་པར་ཤེས་པའང་མི་དམིགས། མིག་མི་དམིགས། རྣ་བའང་མ་ཡིན། སྣའང་མ་ཡིན། ལྕེའང་མ་ཡིན། ལུས་ཀྱང་མི་དམིགས། ཡིད་ཀྱང་
D263.067.0095b07.01